JOSUA 13:11 - WƖA TENIŊ

¹¹ a bɩra kɛŋ Gɩlɩad tinteeŋ ŋɩɩ a kaa mʋ yi Gesu arɩ Maaka tɩŋŋaa tinteeŋ, a chɩŋ peel-la ba sɩɩ yɩrɛ Hɛmɔŋ leriŋ kala arɩ Basaŋ tinteeŋ kala a kɛŋ ŋɩɩ a mʋ yi taŋ-la ba sɩɩ yɩrɛ Salɛka,

JOSUA 13:11 ပူးပေါင်းရင်းမြစ်များ

WƖAA DƖ-SUOMUŊ 37:25

Ba sɩ hɔnɔ dɩ ba dii kɩaa, ba na dɩ Ɩsɩmɛl doho nɩaa kɛŋ ba bʋntaŋŋaba kɩɛla to dɔŋɔ a lɩɩ Gɩlɩad tinteeŋ dɩɩrɩŋ a kʋkɔ. Ba bʋntaŋŋaba fa chʋŋ tegisiŋ nɛ, nʋʋ-sʋɔrʋsʋŋ, tɩɩ-kel-zɔŋŋɔɔ arɩ tɩɩ-nɛŋ-zɔŋŋɔɔ ba sɩ yie joŋo hɛ kʋdiilee lɛ ba sɩŋ a kaa mʋmʋ Ijipiti tinteeŋ.

1 IZIRAL TƖŊŊAA NAABARƖŊ 2:23

Bʋa kʋbala lɛ, tinteye-la ba sɩɩ yɩrɛ Gesu arɩ Aram yuo dii tasɩŋ mahɩŋ batori tintee-la lɛ, a pɛ Jaa arɩ Kenaf tabiisiŋ lɛ, arɩ tabiisi-la sɩ kpagɛba. Nɩalɩŋ kala fa sɩ hɛ lee-la ŋaa Gɩlɩad nyɩmma Makɩɩ doho nɩaa nɛ.

1 IZIRAL TƖŊŊAA NAABARƖŊ 5:11

Gad doho nɩaa ma nɛ fa hɔnɔ kpagɛba lee-la ba sɩɩ yɩrɛ Basaŋ, a kɛŋ ŋɩɩ mʋ yi Salɛka.

NAMBABA 32:29

Ʋ sɩ, “Dɩ Gad doho nɩaa arɩ Rubiŋ doho nɩaa nɛ kɛŋ ba tɩtɩa hɛ dɔŋɔ a chol Jɔdaŋ fuo-la, a mʋ laalɩŋ arɩ La TƖƖNA sɩ dagɛ ŋɩɩ, a pɛ ma lɛ dɩ ma yuo laa tintee-la, má joŋ Gɩlɩad tinteeŋ pɩba dɩ ʋ ŋaa ba kʋŋ.

MOSIS BƖRA WULLI WƖA WOMBIIŊ 3:10

La yuo dii tasɩ-la kala sɩ hɛ peelee nyuŋ nɛ, a yuo dii Gɩlɩad arɩ Basaŋ tinteyee kala a kaa mʋʋ yi Salɩka arɩ Ɛdɩrɛ. Kuoro Ɔgɩ nɛ faa beŋ Basaŋ tinteeŋ tasɩ-la kala.

JOSUA 11:3

Ʋ fa bɩra bʋla pɩ Kɛnaŋ tɩŋŋaa sɩ hɛ wɩɩpɔsʋŋ arɩ wɩɩjʋʋlʋŋ arɩ Amɔrɩ tɩŋŋaa, Hiti tɩŋŋaa, Pɛrɛs tɩŋŋaa arɩ Jebus tɩŋŋaa sɩ hɛ tintee-la peelee sɩ yʋga lɛ, arɩ Hivi tɩmma-la sɩ hɔŋ peel-la ba sɩɩ yɩrɛ Hɛmɔŋ bʋbʋɔŋ, a hɛ Mɩzɩpa tinteeŋ lɛ.

JOSUA 13:10

arɩ tasɩ-la kala Amɔrɩ tɩŋŋaa kuoro Sɩhɔŋ fa sɩ hɛ Hɛsɩbɔŋ lɛ sɩɩ beŋ, a kɛŋ ŋɩɩ kaa mʋ yi ʋ dɩ Amɔŋ tɩŋŋaa tinteeŋ bʋa,

JOSUA 13:2

Tintee-la ha sɩ ka nɛ ŋ-la: Fɩlɩsɩtɩa tɩŋŋaa arɩ Gesu tɩŋŋaa tinteeŋ kala,

JOSUA 13:25

Ba tintee-la bʋa nɛ a chɩŋ Jaza tinteeŋ arɩ tasɩ-la sɩ hɛ Gɩlɩad lɛ arɩ Amɔŋ tinteeŋ kpaa magɛ dɔŋɔ lɛ, a kɛŋ ŋɩɩ mʋ yi Arʋa sɩ hɛ Raba wɩɩpɔsʋŋ dɩɩrɩŋ,

JOSUA 17:5

Manasɛ laa tinteeŋ kpaalɩŋ lere fii nɛ, a pɛ Gɩlɩad arɩ Basaŋ sɩ hɛ Jɔdaŋ fuo-la cholo wɩɩpɔsʋŋ dɩɩrɩŋ,

1 SAMƲƐL 13:7

Ba dɔnsʋŋ paala fá a chol Jɔdaŋ fuo-la, a mʋ Gad arɩ Gɩlɩad tinteeŋ. Ka Sɔɔl-na ha hɛ Gɩlɩgal lɛ, fawʋllʋŋ kɛŋ laalɩyuoro-la kala sɩ hɛ ʋ teeŋ ba chichel.