JOSUA 12:1 - WƖA TENIŊ

¹ Kuorie-la Mosis arɩ Iziral tɩŋŋaa laalɩyuoroo fa sɩ yuo a dii aŋ laa ba tinteeŋ Jɔdaŋ fuo-la wɩɩpɔsʋŋ, a chɩŋ Anɔŋ fuonaa-la lɛ a kaa mʋ peel-la ba sɩɩ yɩrɛ Hɛmɔŋ sɩ hɛ wɩɩpɔsʋŋ, a pɛ Araba wɩɩpɔsʋŋ kala nɛ ŋ-la:

JOSUA 12:1 ပူးပေါင်းရင်းမြစ်များ

1 KUOROO 4:19

Uri nanʋala Geba ma nɛ dɔŋɔ. Ʋ ma nɛ faa beŋ Gɩlɩad, lee-la Amɔrɩ tɩŋŋaa kuoro Sɩhɔŋ arɩ Basaŋ kuoro Ɔgɩ fa sɩ hɔnɔ. Nɩhɩaŋ dɔŋ ma nɛ fa hɛ nɩmɛ a bibeŋ Juda tinteeŋ kala.

WƖA YƖƖLAA 133:3

Ʋ bɩra nagɛ nyalɩŋ sɩ nyala hɛ peel-la ba sɩɩ yɩrɛ Hɛmɔŋ lɛ nɛ, a pɛllɛ kʋʋ tuu Zaayɔŋ peeliŋ nyuŋ. Lee-la nɛ La Tɩɩna hɛ niiŋ arɩ ʋ jaŋ pɛ ʋ nɩaa lɛ, dɩ ba kɛŋ mɩɩsɩŋ a kaa mʋ wuu.

WƖA YƖƖLAA 136:21

La Tɩɩna nɛ kɛŋ ba tinteeŋ laa. Ʋ chonuŋ bɩ dɛrɛ.

WƖA YƖƖLAA 89:12

Ŋ nɛ ŋaa wɩɩpɔsʋŋ nagʋa dɩɩrɩŋ arɩ wɩɩpɔsʋŋ nadiiŋ dɩɩrɩŋ. Peel-la ba sɩɩ yɩrɛ Tabɔ arɩ peel-la ba sɩɩ yɩrɛ Hɛmɔŋ, ba tʋɔŋ tɔrɔ nɛ ba yɩɩ yɩɩlaa a dɩdɛnnɩŋ.

AZAAYA 16:2

Mʋab tɩŋŋaa haalaa mʋ nyɩrɩgɛ dɔŋɔ lɛ nɛ fuo-la ba sɩɩ yɩrɛ Anɔŋ niiŋ, lee-la sɩ bɩ luŋ a chɩchɛ ba chol, baa baarɛ nɛ a nagɛ ba sɩ kiri diibiisiŋ ta ba dɛllɩŋ lɛ ba lɩɩ bɩbaarɛ.

NAMBABA 21:13

Ba bɩra sii nɩmɛ ma, a mʋ hɔŋ fuo-kʋbala niiŋ ba sɩɩ yɩrɛ Anɔŋ. Ʋ ma hɛ tintee-hɩlɩɩ-la tʋɔŋ nɛ. Fuo-la fa pɩŋ ŋɩɩ nɛ a mʋ jʋʋ Amɔrɩ tɩŋŋaa tinteeŋ. Anɔŋ fuo-la nɛ ŋaa Mʋab tɩŋŋaa arɩ Amɔrɩ tɩŋŋaa tinteeŋ bʋa.

NAMBABA 21:21

Iziral tɩŋŋaa tɩŋ nɩaa dɩ ba mʋ bʋla pɩ Amɔrɩ tɩŋŋaa kuoro Sɩhɔŋ,

NAMBABA 21:24

Ŋɩɩ nɛ Iziral tɩŋŋaa yuo diiba a laa ba tinteeŋ, a chɩŋ fuo-la ba sɩɩ yɩrɛ Anɔŋ lɛ a kaa mʋ yi fuo-la ba sɩɩ yɩrɛ Jabɔk. Ama ba fa bɩ wuo mʋ jʋʋ Amɔŋ tɩŋŋaa tinteeŋ, bɛɛ wɩaa ba-na gɩba fa dolie nɛ woruŋ.

NAMBABA 32:19

Dɩ la nɛ kɛmba chol Jɔdaŋ fuo-la, la-na bɩra bɩ jaŋ laa tintee kala nɩmɛ, bɛɛ wɩaa la-na folo laa la toruŋ nɛ daha, wɩɩpɔsʋŋ dɩɩrɩŋ.”

NAMBABA 32:32

La jaŋ to La TƖƖNA niiŋ a chol Jɔdaŋ fuo-la a mʋ Kɛnaŋ tinteeŋ a yuo laalɩŋ, ka dɩ Jɔdaŋ wɩɩpɔsʋŋ dɩɩrɩŋ tinteeŋ deeŋ ŋaa la kʋa.”

NAMBABA 32:33

Ŋɩɩ nɛ Mosis joŋ Amɔrɩ tɩŋŋaa kuoro Sɩhɔŋ tinteeŋ arɩ Basaŋ tɩŋŋaa kuoro Ɔgɩ tinteeŋ arɩ tasɩ-la dɔnsʋŋ sɩ golliba a pɩ Gad doho nɩaa, Rubiŋ doho nɩaa arɩ Josɛf nanʋala Manasɛ doho nɩaa kpaa magɛ dɔŋɔ-la.

MOSIS BƖRA WULLI WƖA WOMBIIŊ 2:24

La sɩ kieli Mʋab tinteeŋ, ŋɩɩ nɛ La TƖƖNA bʋla pɩla, “Má sii a chol Anɔŋ fuo-la cholo, mɩ joŋ Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ arɩ ʋ tinteeŋ kala a hɛ ma nɩsɩŋ lɛ nɛ. Má kɛŋ ma tɩtɩa a yuo laa tintee-la.

MOSIS BƖRA WULLI WƖA WOMBIIŊ 2:32

Kuoro Sɩhɔŋ arɩ ʋ laalɩyuoro kala sɩ kʋ lɩɩ chenla Jaha lɛ dɩ ba yuola,

MOSIS BƖRA WULLI WƖA WOMBIIŊ 3:1

La sɩ yuo dii kuoro Sɩhɔŋ arɩ ʋ nɩaa a dɛrɛ, ŋɩɩ nɛ la mɩɩrɛ a to Basaŋ tinteeŋ dɩɩrɩŋ mʋmʋ. Basaŋ tɩŋŋaa kuoro Ɔgɩ arɩ ʋ laalɩyuoroo kala kʋ lɩɩ dɩ ba yuola Ɛdɩrɛ lɛ.

MOSIS BƖRA WULLI WƖA WOMBIIŊ 4:44

Wɩa wombie-la arɩ ʋ wɩalɩŋ Mosis sɩ joŋo dagɛ Iziral tɩŋŋaa dɩ ba tuto nɛ ŋ-la:

MOSIS BƖRA WULLI WƖA WOMBIIŊ 4:46

a kɔ fuo-la sɩ kpagɛ taŋ-la ba sɩɩ yɩrɛ Bɛf Pio sɩ hɛ Jɔdaŋ wɩɩpɔsʋŋ lɛ nɛ. Lee-la ŋaa Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ tinteeŋ nɛ. Mosis arɩ Iziral tɩŋŋaa sɩ lɩɩ Ijipiti tinteeŋ lɛ kɔ nɛ ba yuo diiu, aŋ laa tintee-la.

MOSIS BƖRA WULLI WƖA WOMBIIŊ 4:48

Tinteeŋ deeŋ chɩŋ taŋ-la ba sɩɩ yɩrɛ Arʋa lɛ nɛ, Anɔŋ fuo-la niiŋ aŋ pɩŋ ŋɩɩ mʋ yi peel-la ba sɩɩ yɩrɛ Sirioŋ, ʋ nɛ ha baa yɩrɛ Hɛmɔŋ.

JOSUA 1:15

a kaa mʋ bʋa-la lɛ La TƖƖNA sɩ jaŋ pɩba dɩhɔnʋŋ arɩ ʋ sɩ pɩma dɩhɔnʋŋ ŋɩɩ, see ba ma sɩ na tintee-la ma TƖƖNA Wɩa sɩ jaŋ joŋo pɩba dɩ ʋ ŋaa ba kʋŋ. Ŋɩɩ harɩŋ, ma jaŋ wuo mɩɩra kʋ hɔŋ ma tinteeŋ deeŋ sɩ hɛ Jɔdaŋ wɩɩpɔsʋŋ dɩɩrɩŋ, kʋ-la La TƖƖNA tɩntɩnna Mosis sɩ joŋo pɩma.”

JOSUA 11:17

a chɩŋ peel-la ba sɩɩ yɩrɛ Halak, sɩ hɛ Sɛɛ dɩɩrɩŋ, a kaa mʋ Baal Gad sɩ hɛ Lɛbanɔŋ fuonaa-la sɩ kpagɛ peel-la ba sɩɩ yɩrɛ Hɛmɔŋ. Leree deemba kuoroo kala nɛ ʋ fa yuo kɛsɛ, a kpʋ ba kala.

JOSUA 11:3

Ʋ fa bɩra bʋla pɩ Kɛnaŋ tɩŋŋaa sɩ hɛ wɩɩpɔsʋŋ arɩ wɩɩjʋʋlʋŋ arɩ Amɔrɩ tɩŋŋaa, Hiti tɩŋŋaa, Pɛrɛs tɩŋŋaa arɩ Jebus tɩŋŋaa sɩ hɛ tintee-la peelee sɩ yʋga lɛ, arɩ Hivi tɩmma-la sɩ hɔŋ peel-la ba sɩɩ yɩrɛ Hɛmɔŋ bʋbʋɔŋ, a hɛ Mɩzɩpa tinteeŋ lɛ.

JOSUA 13:8

Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ-la kʋkaanaa, La TƖƖNA tɩntɩnna Mosis fa laa sɩpaaŋ a joŋ Jɔdaŋ fuo-la wɩɩpɔsʋŋ dɩɩrɩŋ tintee-la nɛ pɩba, ʋ ŋaa ba kʋŋ.

JOSUA 22:4

Lɛɛlɛ, ma TƖƖNA Wɩa pɩ ma naambiiriŋ dɩ-hɔnɔ wiesiŋ nɛ arɩ ʋ fa sɩ hɛ niiŋ ŋɩɩ. Má mɩɩra mʋ ma dɩɩsɩŋ tintee-la lɛ La TƖƖNA tɩntɩnna Mosis sɩ joŋo pɩma Jɔdaŋ fuo-la wɩɩpɔsʋŋ sɛmɛ dɔŋɔ.

SƖPAALAARAA 11:18

a bɩra sii to tintee-hɩlɩɩ-la tʋɔŋ a kpɛrɛ Ɛdɔm arɩ Mʋab tinteeŋ, a joŋ ŋɩɩ mʋ Mʋab tinteeŋ wɩɩpɔsʋŋ dɩɩrɩŋ, a mʋ ŋmoo buguŋ Anɔŋ fuo-la sɛmɛ. Ba bɩ Mʋab tinteeŋ jʋa, bɛɛ wɩaa Anɔŋ fuo-la nɛ fa ŋaa ʋ bʋa.