JOSUA 11:9 - WƖA TENIŊ

⁹ Josua fa ŋaaba ŋɩɩ La TƖƖNA sɩ dagʋ nɛ. Ʋ fa gbɛrɩgɛ ba janɩŋ kala nɛ aŋ nyɩgɛ ba janɩŋ torukoba ma.

JOSUA 11:9 ပူးပေါင်းရင်းမြစ်များ

WƖAA DƖ-SUOMUŊ 49:6

Mɩ bɩ jaŋ joŋ mɩ nɩsɩŋ hɛ ba wʋlʋara vʋʋraa lɛ, bɛɛ wɩaa ba yie na baanɩŋ a kpʋkpʋ nɩaa aŋ pɛ bubolimi nɩaa pʋsʋŋ ba tʋɔtɔrʋŋ lɛ.

2 SAMƲƐL 8:4

Devit fa yuo laa ʋ laalɩŋ janɩŋ torukoba bʋɩ nɛ, a kɛsɛ ʋ ja-jɩllaa ma bʋɩ balɩpɛ, laalɩyuoro-la ma sɩɩ vɛŋ naasɩŋ lɛ bʋɩ mara. Devit fa leŋ janɩŋ sɩ jaŋ wuo lɛrɛ torukoba zɔlɔ nɛ, aŋ gbɛrɩgɛ janɩ-la kʋkaanaa kala.

WƖA YƖƖLAA 46:10

Wɩa sɩ, “Má hɔŋ chɩm, ŋɩɩ nɛ ma jaŋ jɩŋ arɩ mɩ nɛ Wɩa. Mɩ yɩrɩŋ jaŋ yɩrɛ tintee kala lɛ. Mɩ yɩrɩŋ jaŋ yɩrɛ dʋnɩa kala lɛ.”

NAHUM 2:13

La TƖƖNA doluŋ kala Tɩɩna sɩ, “Mɩ chɩŋ ŋ lɛ nɛ. Mɩ jaŋ nyɩgɛ ŋ janɩŋ torukoba aŋ kpʋ ŋ laalɩyuoroo arɩ tokobiiŋ. Mɩ bɩ jaŋ leŋ kʋŋkala a pɩŋ tinteeŋ lɛ. Nʋʋ bɩra bɩ jaŋ nɩɩ ŋ tɩndaara-la sɩɩ fugisi nɩaa yikoro.”

JOSUA 11:6

Ŋɩɩ nɛ La TƖƖNA fa bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, bɛɛ wɩaa chie bʋa deeŋ lɛ mɩ jaŋ jomba hɛ Iziral laalɩyuoroo nɩsɩŋ lɛ dɩ ma kpʋba. Ŋ jaŋ gbɛrɩgɛ ba janɩŋ kala aŋ nyɩgɛ ba janɩŋ torukoba.”