JOSUA 11:8 - WƖA TENIŊ

⁸ La TƖƖNA fa jomba a hɛ Iziral tɩŋŋaa laalɩyuoroo nɩsɩŋ lɛ. Ba kire kpʋba ŋɩɩ a mʋ yi tabal-la ba sɩɩ yɩrɛ Sɩdɔŋ, a joŋo mʋ Mɩsɩrɛfɔf Meem, a to ŋɩɩ mʋ Mɩzɩpa fuonaa-la sɩ hɛ wɩɩpɔsʋŋ, a kpʋ ba kala, nɩbala ma bɩ ka.

JOSUA 11:8 ပူးပေါင်းရင်းမြစ်များ

WƖAA DƖ-SUOMUŊ 10:15

Kɛnaŋ nɛ lʋl Sɩdɔŋ, ʋ bii-hɩaŋ, Hiti tɩŋŋaa,

WƖAA DƖ-SUOMUŊ 49:13

Zebuluŋ ma jaŋ jʋʋ kpagɛ mʋgʋ-balɩŋ niiŋ, lee-la nɛ jaŋ ŋaa lɩɩŋ-daborusuŋ dɩchɩnɩŋ. Ʋ dɩ tabal-la ba sɩɩ yɩrɛ Sɩdɔŋ tɩŋŋaa nɛ jaŋ pɛ bʋa.

2 SAMƲƐL 24:6

Ba bɩra joŋ ŋɩɩ nɛ a mʋ Gɩlɩad arɩ Tatɩm Hosi tinteeŋ, a mʋ Daŋ Jaaŋ a joŋ ŋɩɩ gollo to Sɩdɔŋ.

AZAAYA 23:4

Ou, Sɩdɔŋ nɩaa, hɩɩsɩŋ diima nɛ, ma nɩalɩŋ kala sɩ joŋ mʋgʋ-balɩŋ ʋ ŋaa ma dɩ-duoŋ, mʋga-la vɩama nɛ lɛɛlɛ aŋ bʋl, “Mɩ ha bɩ ha-lʋllɛ luoruŋ wɩɩ na, mɩ bɩ bii lʋla aŋ ka, mɩ ha bɩ hambolibie koo hantolibie ma dɩɛsa.”

ZƐKARƖYA 9:2

Ʋ jaŋ dɔgɩsɛ Hamaf sɩ kpagɛ Damasɩkʋs, a pɛ Taaya arɩ Sɩdɔŋ sɩ ŋaa tabalaa lɛ, arɩ ba nɩaa sɩ kɛŋ jɩma ma kala.

MOSIS BƖRA WULLI WƖA WOMBIIŊ 7:2

Dɩ ma TƖƖNA Wɩa nɛ jomba hɛ ma nɩsɩŋ lɛ dɩ ma yuo dii, má sɩ́ ba nenige fá, má chei ba kala. Má sɩ́ leŋe ma dɩ ba pɛ nii.

MOSIS BƖRA WULLI WƖA WOMBIIŊ 9:3

Jɩnɩŋ, má jɩŋ arɩ ma TƖƖNA Wɩa nɛ laa ma sɩpaaŋ dɩ ʋ yuo dii nɩalɩŋ a nagɛ nyiniŋ sɩɩ dii kɩaa ŋɩɩ, dɩ ma kiri ba kala ta dɩ ba lɩɩ tintee-la lɛ arɩ ma TƖƖNA sɩ bʋl ŋɩɩ.

JOSUA 10:20

Josua arɩ Iziral laalɩyuoroo kpʋ nɩalɩŋ jesiŋ kala nɛ, ba nɩaa mʋa nɛ wuo fá a mʋ jʋʋ ba sɩ saa kɛrɩsɩŋ a golli ba tasɩ-la a laa ba mɩɩsɩŋ.

JOSUA 11:3

Ʋ fa bɩra bʋla pɩ Kɛnaŋ tɩŋŋaa sɩ hɛ wɩɩpɔsʋŋ arɩ wɩɩjʋʋlʋŋ arɩ Amɔrɩ tɩŋŋaa, Hiti tɩŋŋaa, Pɛrɛs tɩŋŋaa arɩ Jebus tɩŋŋaa sɩ hɛ tintee-la peelee sɩ yʋga lɛ, arɩ Hivi tɩmma-la sɩ hɔŋ peel-la ba sɩɩ yɩrɛ Hɛmɔŋ bʋbʋɔŋ, a hɛ Mɩzɩpa tinteeŋ lɛ.

JOSUA 11:7

Ŋɩɩ nɛ Josua arɩ ʋ laalɩyuoroo kala guu mʋ a yuoba Mɛrɔm fuo-bie-la leriŋ,

JOSUA 13:6

Nɩalɩŋ kala sɩ hɔŋ peelee nyuŋ, a chɩŋ Lɛbanɔŋ tinteeŋ a kaa mʋ yi Mɩsɩrɛfɔf Meem, ba kala ŋaa Sidonia tɩmma nɛ. Mɩ-na tɩtɩa nɛ jaŋ kiriba ta Iziral tɩŋŋaa sɩpaaŋ. Tinteeŋ deeŋ nɛ, ŋ jaŋ kaa kpaa Iziral tɩŋŋaa arɩ mɩ sɩ dagɩŋ ŋɩɩ, dɩ ʋ ŋaa ba kʋŋ.

JOSUA 19:28

Bʋa-la bɩra to Abɩdɔŋ, Rehob, Hamɔŋ arɩ Kana, a joŋ ŋɩɩ deeŋ deeŋ a mʋ yi Sɩdɔŋ balɩŋ.

JOSUA 21:44

La TƖƖNA fa pɩ Iziral tɩŋŋaa wiese nɛ sɛmɛ na-kala, arɩ ʋ fa sɩ hɛ niiŋ ŋɩɩ a pɩ ba naabalɩmaba. Ba dʋndɔŋ-kala fa bɩ wuo yuo diiba. La TƖƖNA joŋ ba dʋndɔŋŋɔɔ kala a hɛ ba nɩsɩŋ lɛ nɛ ba wuoba.