JOSUA 11:6 - WƖA TENIŊ

⁶ Ŋɩɩ nɛ La TƖƖNA fa bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, bɛɛ wɩaa chie bʋa deeŋ lɛ mɩ jaŋ jomba hɛ Iziral laalɩyuoroo nɩsɩŋ lɛ dɩ ma kpʋba. Ŋ jaŋ gbɛrɩgɛ ba janɩŋ kala aŋ nyɩgɛ ba janɩŋ torukoba.”

JOSUA 11:6 ပူးပေါင်းရင်းမြစ်များ

2 SAMƲƐL 8:4

Devit fa yuo laa ʋ laalɩŋ janɩŋ torukoba bʋɩ nɛ, a kɛsɛ ʋ ja-jɩllaa ma bʋɩ balɩpɛ, laalɩyuoro-la ma sɩɩ vɛŋ naasɩŋ lɛ bʋɩ mara. Devit fa leŋ janɩŋ sɩ jaŋ wuo lɛrɛ torukoba zɔlɔ nɛ, aŋ gbɛrɩgɛ janɩ-la kʋkaanaa kala.

2 KUOROO 6:16

Elaasa bʋl, “Sɩ́ leŋe dɩ fawʋllʋŋ kɛnɩŋ, la laalɩyuoroo nɛ yʋga a kɩɩ ba laalɩyuoroo.”

2 IZIRAL TƖŊŊAA NAABARƖŊ 20:16

Má chie lɩɩ tuu cheme yuoba. Ba jaŋ to Zɩs wombii-bie-la sɩ hɛ peelee tʋɔŋ a kʋʋ jɩl. Ma jaŋ naba fuonaa-la sɩ hɛ Jɛrʋɛl tintee-hɩlɩŋ dɩdɛrɩŋ.

WƖA YƖƖLAA 46:10

Wɩa sɩ, “Má hɔŋ chɩm, ŋɩɩ nɛ ma jaŋ jɩŋ arɩ mɩ nɛ Wɩa. Mɩ yɩrɩŋ jaŋ yɩrɛ tintee kala lɛ. Mɩ yɩrɩŋ jaŋ yɩrɛ dʋnɩa kala lɛ.”

WƖA YƖƖLAA 46:11

La Tɩɩna doluŋ kala Tɩɩna hɛ la teeŋ nɛ, Jekɔb Wɩa nɛ la dɩ-duoŋ.

WƖA YƖƖLAA 46:9

Ʋ bori tosuŋ nɛ a chei tiŋŋee kala, ʋ nyɩgɛ hɔɔtaalɩ-la ma laalɩyuoroo sɩ kaa kɛrɛɛ laa bayuori hɛŋŋɛɛ nɛ, ʋ leŋe laalɩŋ dɛrɛ dʋnɩa kala lɛ nɛ.

NAMAGABA 20:7

Tʋɔpʋl tɩɩna bɩ wʋcheeli kala kɛnɛ, ʋ biiriŋ jaŋ kɛŋ tʋɔtɔrʋŋ.

AZAAYA 30:16

Ma sɩ ma jaŋ kɛŋ janɩŋ sɩɩ fá woruŋ a fá kagɛ ma dʋndɔŋŋɔɔ lɛ, fanɩŋ na, ma jaŋ fá, ama ma bɩɩna ma janɩ-la ka fá nɛ ŋɩɩ, nɩalɩŋ sɩɩ kirima fá kɩkɩɩ ŋɩɩ.

AZAAYA 31:1

Wɩɩŋ puu nɩalɩŋ sɩ mʋ Ijipiti tinteeŋ a chɩchɛ dɩ ba pɛ ba lɛ, a joŋ ba yɩɛlaa hɛ janɩŋ arɩ janɩŋ torukoba-la ba sɩ kaa yuo laalɩŋ sɩ yʋga lɛ arɩ ja-jɩllaa sɩ kɛŋ doluŋ woruŋ, aŋ vɩa dɩ ba mʋ Iziral tɩŋŋaa Wɩa sɩ bɩ disiniŋ kɛnɛ teeŋ, koo a chɩchɛ dɩ La TƖƖNA pɛ ba lɛ.

ƐZƖKƖƐL 39:9

Nɩalɩŋ sɩ hɛ Iziral tasɩŋ lɛ jaŋ lɩɩ paa bayuori kɩalɩŋ ba sɩ vɩa ta a hɛ nyiniŋ. Ba jaŋ paa hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, ba kʋbiisiŋ arɩ kʋjalaa, tosuŋ, to-hɛŋŋɛɛ, tiŋŋee arɩ toŋguloo a kaa hɛ nyiniŋ a mʋ yi jɩsɩŋ balɩpɛ.

HOSIA 14:3

Asiiria tɩŋŋaa bɩ la wuo laa ta, laalɩyuori janɩŋ bɩ la wuo pɔ. La bɩra bɩ jaŋ kɔ dɩ la bʋla, ‘La wɩa nɛ kɩalɩŋ la tɩtɩa sɩ ŋaa,’ bɛɛ wɩaa La TƖƖNA, ŋ nɩɩ fá biisinsiŋ nenige.”

NAHUM 2:13

La TƖƖNA doluŋ kala Tɩɩna sɩ, “Mɩ chɩŋ ŋ lɛ nɛ. Mɩ jaŋ nyɩgɛ ŋ janɩŋ torukoba aŋ kpʋ ŋ laalɩyuoroo arɩ tokobiiŋ. Mɩ bɩ jaŋ leŋ kʋŋkala a pɩŋ tinteeŋ lɛ. Nʋʋ bɩra bɩ jaŋ nɩɩ ŋ tɩndaara-la sɩɩ fugisi nɩaa yikoro.”

MOSIS BƖRA WULLI WƖA WOMBIIŊ 7:16

Tintee kala ma TƖƖNA Wɩa sɩ jaŋ joŋo hɛ ma nɩsɩŋ lɛ, má cheiba, má sɩ́ ba nenige fá. Má sɩ́ ba vesiŋ kpaarʋ. Dɩ ma nɛ ŋaa ŋɩɩ, ba jaŋ to ŋɩɩ lɛ a nyɩsa kɛmma.

JOSUA 10:8

La TƖƖNA bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, mɩ jomba hɛ ŋ nɩsɩŋ lɛ nɛ. Ba kʋŋkala bɩ ŋ sɩpaaŋ wuo chɩŋ.”

JOSUA 11:5

Kuoroo deemba kala fa kʋ hɛ dɔŋɔ lɛ nɛ a ŋmoo buguŋ Mɛrɔm fuo-bie-la leriŋ, dɩ ba yuo Iziral tɩŋŋaa.

JOSUA 11:7

Ŋɩɩ nɛ Josua arɩ ʋ laalɩyuoroo kala guu mʋ a yuoba Mɛrɔm fuo-bie-la leriŋ,

JOSUA 11:9

Josua fa ŋaaba ŋɩɩ La TƖƖNA sɩ dagʋ nɛ. Ʋ fa gbɛrɩgɛ ba janɩŋ kala nɛ aŋ nyɩgɛ ba janɩŋ torukoba ma.

JOSUA 3:5

Ŋɩɩ nɛ Josua bʋla pɩ nɩalɩŋ, “Má pɩɩsɛ ma disiniŋ ta, bɛɛ wɩaa chie La TƖƖNA jaŋ ŋaa wʋkpuŋkperisiŋ ma tʋɔŋ.”

SƖPAALAARAA 20:28

Arɔŋ nihiŋ Finihas sɩ ŋaa Elieza nanʋala nɛ faa beŋ daga-la.) Ba pɩɛsɛ La TƖƖNA, “La bɩra mʋ a yuo Bɛnjamɩŋ doho nɩaa sɩ ŋaa la naambiiriŋ koo la sɩ́ mʋ?” La TƖƖNA bʋl, “Má mʋ, chie mɩ jaŋ jomba hɛ ma nɩsɩŋ lɛ.”

SƖPAALAARAA 7:9

Tɩtaŋɩŋ La TƖƖNA bʋla pɩ Gɩdɩɔŋ, “Má sii tuu yuo Midiaŋ tɩmma-la ba dɩhɔnʋŋ. Mɩ jaŋ jomba hɛ ma nɩsɩŋ lɛ.

1 SAMƲƐL 11:9

Ŋɩɩ nɛ ba bʋla pɩ tɩndaara-la sɩ kɛŋ duoso lɩɩ Jabɛs sɩ hɛ Gɩlɩad tinteeŋ lɛ a kɔ, “Má mʋ a bʋla pɩ ma nɩaa, chiemiŋ wɩɩ-hɛɛ-siesee ma jaŋ na laatanɩŋ.” Tɩndaara-la sɩ mɩɩra mʋ bʋl wɩɩ-la pɩ Jabɛs nɩaa, ba tʋɔŋ pɩŋ dɩ-bala.