JOSUA 11:4 - WƖA TENIŊ

⁴ Ba kʋ lɩɩ arɩ ba laalɩyuoroo kala arɩ janɩŋ arɩ ba janɩŋ torukoba, a yʋgɛ woruŋ a nagɛ hagɩlɩ-biee sɩ pɩŋ fuoŋ niiŋ.

JOSUA 11:4 ပူးပေါင်းရင်းမြစ်များ

WƖAA DƖ-SUOMUŊ 22:17

mɩ jaŋ pɛ ŋ lɛ a leŋ dɩ ŋ doho nɩaa pʋŋ a nagɛ chɛnwʋlaa, koo hagɩlɩ-bumbugulo sɩ hɛ mʋgʋ-balɩŋ niiŋ. Ŋ doho nɩaa jaŋ yuo laa ba dʋndɔŋŋɔɔ tinteeŋ.

WƖAA DƖ-SUOMUŊ 32:12

Ama ŋ nɛ bʋla arɩ ŋ jaŋ pɛ mɩ lɛ a leŋ dɩ mɩ doho nɩaa pʋŋ a nagɛ hagɩlɩ-bumbugulo sɩ hɛ mʋgʋ-balɩŋ niiŋ nʋʋ sɩ bɩ jaŋ wuo dɩɩsɛ.”

2 SAMƲƐL 17:11

Wɩɩ-la mɩ-na sɩ jaŋ bʋl nɛ: Leŋ dɩ la yɩrɛ laalɩyuoro-la kala sɩ hɛ Iziral tinteeŋ lɛ, a chɩŋ Daŋ sɩ hɛ wɩɩpɔsʋŋ nagʋa dɩɩrɩŋ, a kaa mʋ Bɛɛsɩba ma sɩ hɛ wɩɩpɔsʋŋ nadiiŋ dɩɩrɩŋ, dɩ ba kala kʋ hɛ dɔŋɔ, dɩ ŋ laalɩyuoroo yʋgɛ a nagɛ hagɩlɩ-bumbugulo sɩ pɩŋ fuoŋ niiŋ, dɩ ŋ-na tɩtɩa Abɩsalɔm laa ba sɩpaaŋ a kɛmba mʋ laalɩŋ,

1 KUOROO 4:20

Juda arɩ Iziral nɩaa fa yʋga nɛ woruŋ a nagɛ hagɩlɩ-bumbugulo sɩ pɩŋ fuoŋ niiŋ. Ba kala fa dii yiyi nɛ a nyʋnyʋa a kɛŋ tʋɔtɔrʋŋ.

WƖA YƖƖLAA 20:8

Nɩdosunuŋ deemba jaŋ gɛrɛ tel, ama la-na jaŋ kɛŋ doluŋ a chɩŋ kpaŋkpaŋ.

JOSUA 11:5

Kuoroo deemba kala fa kʋ hɛ dɔŋɔ lɛ nɛ a ŋmoo buguŋ Mɛrɔm fuo-bie-la leriŋ, dɩ ba yuo Iziral tɩŋŋaa.

SƖPAALAARAA 7:12

Dɩ Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ kala sɩ lɩɩ wɩɩpɔsʋŋ dɩɩrɩŋ hɔnɔ su fuonaa-la kala a nagɛ hɔbɔ sɩ su leriŋ. Ba bʋntaŋŋaba ma yʋgɛ woruŋ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ, ŋ bɩ ba wuo dɩɩsɛ.

1 SAMƲƐL 13:5

Fɩlɩsɩtɩa tɩŋŋaa sii hɛ dɔŋɔ dɩ ba yuo Iziral tɩmma-la, a kɛŋ laalɩyuori janɩŋ torukoba bʋɩ batori, ja-jɩllaa bʋɩ balɩdʋ, ka laalɩyuoroo paala yʋgɛ a nagɛ hagɩlɩ-bumbugulo sɩ pɩŋ mʋga niiŋ. Ba sii jɩla ŋmoo buguŋ Mɩkɩmas lɛ, Bɛf Avɛŋ wɩɩpɔsʋŋ dɩɩrɩŋ.