JOSUA 11:23 - WƖA TENIŊ

²³ Josua laa tintee-la kala nɛ, arɩ La TƖƖNA fa sɩ dagɛ Mosis ŋɩɩ, a kaa kpaa a pɩ Iziral tɩŋŋaa doho doho-la ʋ ŋaa ba kʋŋ. Ŋɩɩ nɛ tintee-la nɩaa saa wiesi laalɩŋ lɛ.

JOSUA 11:23 ပူးပေါင်းရင်းမြစ်များ

NƐHƖMAAYA 9:24

Ba biiriŋ mʋ jʋʋ tintee-la nɛ a laaʋ tɩɩ. Ŋ yuo dii Kɛnaŋ tɩŋŋaa nɛ ba sɩpaaŋ, nɩalɩŋ fa sɩ hɛ tintee-la lɛ, a joŋ ba dɩ ba kuoroo kala hɛ ba nɩsɩŋ lɛ dɩ ba ŋaaba ŋɩɩ ba sɩ cho.

WƖA YƖƖLAA 46:9

Ʋ bori tosuŋ nɛ a chei tiŋŋee kala, ʋ nyɩgɛ hɔɔtaalɩ-la ma laalɩyuoroo sɩ kaa kɛrɛɛ laa bayuori hɛŋŋɛɛ nɛ, ʋ leŋe laalɩŋ dɛrɛ dʋnɩa kala lɛ nɛ.

MOSIS KƐŊ IZIRAL TƖŊŊAA LƖƖ 34:11

Ma to wɩalɩŋ mɩ sɩ dagɩŋ jɩnɩŋ, mɩ jaŋ kiri Amɔrɩ tɩŋŋaa, Kɛnaŋ tɩŋŋaa, Hiti tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa ta ma teeŋ.

ƐZƖKƖƐL 45:8

Tintee-la nɛ jaŋ ŋaa ʋ kʋa Iziral tinteeŋ lɛ. Mɩ sɩpaalaaraa deemba bɩra bɩ jaŋ dɔgɩsɛ mɩ nɩaa, ama ba jaŋ leŋ dɩ Iziral doho doho-la kala tɩɩ tinteye-la ba sɩ kere pɩba.”

MOSIS BƖRA WULLI WƖA WOMBIIŊ 1:38

Ama ʋ sɩ dɩ mɩ bʋl wɩaa a nyaasɛ Nuŋ nanʋala Josua nyuŋ, nɩɩ-la sɩ pɛ mɩ lɛ la tɩtɩŋ, bɛɛ wɩaa ʋ nɛ jaŋ laa Iziral tɩŋŋaa sɩpaaŋ a kɛmba jʋʋ tintee-la dɩ ba tɩɩʋ a hɔŋ nɩmɛ.

MOSIS BƖRA WULLI WƖA WOMBIIŊ 25:19

Dɩ ma TƖƖNA Wɩa nɛ leŋe dɩ ma na wiese ma dʋndɔmɔ-la kala sɩ gollima chu nɩsɩŋ lɛ, tintee-la ʋ sɩ jaŋ joŋo pɩma dɩ ʋ ŋaa ma kʋŋ lɛ, má kpʋ Amalɛk tɩŋŋaa doho kala dɩ ba yɩrɩŋ lɛl dʋnɩa lɛ. Má sɩ́ wɩɩŋ deeŋ yʋ.

JOSUA 11:18

Josua fa yuo kuoroo deemba a dieni nɛ woruŋ.

JOSUA 12:7

Kuorie-la Josua arɩ Iziral tɩŋŋaa laalɩyuoroo sɩ yuo dii a laa ba tinteeŋ ma ba fa hɔŋ Jɔdaŋ fuo-la wɩɩjʋʋlʋŋ nɛ, a chɩŋ Baal Gad lɛ a kaa mʋ Lɛbanɔŋ fuonaaŋ, a kɛŋ ŋɩɩ mʋ yi Halak peeliŋ a kɛŋ ŋɩɩ a tutuu Sɛɛ. Tinteeŋ deeŋ kala nɛ Josua kaa kpaa pɩ Iziral doho doho-la. Doho kala kɛŋ ʋ lee:

JOSUA 18:10

Ŋɩɩ nɛ Josua tɔnsɛ Sɩlɔ lɛ a pɩba La TƖƖNA sɩpaaŋ, a kɛŋ tintee-la a kpaa pɩ Iziral tɩmma-la doho doho.

JOSUA 22:4

Lɛɛlɛ, ma TƖƖNA Wɩa pɩ ma naambiiriŋ dɩ-hɔnɔ wiesiŋ nɛ arɩ ʋ fa sɩ hɛ niiŋ ŋɩɩ. Má mɩɩra mʋ ma dɩɩsɩŋ tintee-la lɛ La TƖƖNA tɩntɩnna Mosis sɩ joŋo pɩma Jɔdaŋ fuo-la wɩɩpɔsʋŋ sɛmɛ dɔŋɔ.

JOSUA 23:1

Wɩaa deemba kala sɩ ŋaa bal harɩŋ, La TƖƖNA laa Iziral tɩŋŋaa ta ba dʋndɔmɔ-la sɩ golliba nɩsɩŋ lɛ ba wiesi. Bʋa-la lɛ dɩ Josua fa hɩɛsa nɛ woruŋ.