JOSUA 11:20 - WƖA TENIŊ

²⁰ La TƖƖNA nɛ fa ŋaa tasɩ-la kɛŋ nyuduoŋ a yuyuo Iziral tɩŋŋaa ŋɩɩ, dɩ ʋ to ŋɩɩ lɛ a chaasa cheiba, a kpʋ ba kala aŋ sɩ́ ba nenige fá, arɩ La TƖƖNA fa sɩ bʋl ŋɩɩ pɩ Mosis.

JOSUA 11:20 ပူးပေါင်းရင်းမြစ်များ

2 SAMƲƐL 17:14

Abɩsalɔm arɩ Iziral nɩaa kala bʋl, “Wɩɩ-la Husai, Aakɩ tɩɩna-la sɩ bʋla nɛ kpɩa wɩɩ-la Ahitofɛl sɩ bʋla.” La TƖƖNA faa chɛ dɩ ba sɩ́ wʋzɔŋ-la Ahitofɛl sɩ bʋla to nɛ, ka dɩ ʋ joŋ wʋlɔrʋŋ a ŋaa Abɩsalɔm lɛ.

1 KUOROO 12:15

La TƖƖNA faa chɛ dɩ wɩɩ-la ʋ sɩ to ʋ wʋlaabʋlla Ahija sɩ lɩɩ Sɩlɔ lɛ a bʋla pɩ Nɛbat nanʋala Jerobuam kʋ ŋaa nɛ. Ŋɩɩ nɛ tɩɩ kuoro bɩ nɩhɩasɩ-la niiŋ jegile nɩɩ ŋɩɩ.

2 IZIRAL TƖŊŊAA NAABARƖŊ 22:7

Ahazɩa sɩ mʋ na Joram nɛ tɩɩ Wɩa leŋ ʋ tel. Ahazɩa sɩ mʋa, ʋ dɩ Joram lɩɩ dɩ ba na Nimisi nanʋala Jehu, nɩɩ-la La TƖƖNA sɩ lɩɩsa dɩ ʋ chei Ahab dɩa.

2 IZIRAL TƖŊŊAA NAABARƖŊ 25:16

Ʋ fa ha sɩɩ bʋl wɩaa ŋɩɩ, kuoro pɩɛsʋ, “La lɩɩsɩŋ nɛɛ dɩ ŋ chagɩlɛ kuoroo? Bɩra sɩ́ wɩɩ bʋl, dɩ ŋɩɩ dee mɩ jaŋ leŋ dɩ ba kpʋŋ.” Ŋɩɩ nɛ Wɩa wʋlaabʋllʋ-la leŋ, aŋ bʋl, “Mɩ jɩma arɩ Wɩa ŋaa siri nɛ dɩ ʋ cheyiŋ, bɛɛ wɩaa ŋ ŋaa wʋbɔŋŋɔɔ deemba kala nɛ aŋ bɩra vɩa dɩ ŋ jegile nɩɩ mɩ sɩɩ chagɩlɩŋ.”

MOSIS KƐŊ IZIRAL TƖŊŊAA LƖƖ 10:1

Ŋɩɩ nɛ La TƖƖNA bʋla pɩ Mosis, “Mʋ Ijipiti tinteeŋ kuoro teeŋ, mɩ nɛ ŋaa ʋ dɩ ʋ nɩhɩasɩŋ tʋɔŋ pɩrɛ, dɩ mɩ wuo to ŋɩɩ lɛ a ŋaa wʋmagɩlaa ba tʋɔŋ.

MOSIS KƐŊ IZIRAL TƖŊŊAA LƖƖ 11:10

Mosis arɩ Arɔŋ ŋaa wʋmagɩla-la kala nɛ Ijipiti tinteeŋ kuoro sɩpaaŋ, ama La TƖƖNA leŋe Ijipiti tinteeŋ kuoro tʋɔŋ pɩrɛ nɛ, ʋ bɩ leŋe Iziral tɩŋŋaa lɩɩ ʋ tinteeŋ lɛ.

MOSIS KƐŊ IZIRAL TƖŊŊAA LƖƖ 14:17

Mɩ jaŋ leŋ dɩ Ijipiti tɩmma-la tʋɔŋ pɩrɛ dɩ ba kire to ma harɩŋ jʋʋ mʋga-la tʋɔŋ. Nɩmɛ nɛ mɩ jaŋ yuo dii Ijipiti tinteeŋ kuoro arɩ ʋ laalɩyuoroo, ʋ janɩŋ torukoba arɩ ʋ ja-jɩllaa kala a laa yɩrɩŋ.

MOSIS KƐŊ IZIRAL TƖŊŊAA LƖƖ 14:4

Mɩ jaŋ ŋaa dɩ Ijipiti tinteeŋ kuoro tʋɔŋ pɩrɛ, dɩ ʋ lɩɩ kiri ba harɩŋ. Mɩ yɩrɩŋ jaŋ yɩrɛ dɩ mɩ nɛ yuo dii Ijipiti tinteeŋ kuoro arɩ ʋ laalɩyuoroo kala. Ijipiti tɩŋŋaa jaŋ jɩŋ arɩ mɩ nɛ ŋaa ba TƖƖNA.” Ŋɩɩ nɛ Iziral tɩŋŋaa ŋaa wɩɩ-la La TƖƖNA sɩ bʋla.

MOSIS KƐŊ IZIRAL TƖŊŊAA LƖƖ 14:8

Ŋɩɩ nɛ La TƖƖNA ŋaa Ijipiti tinteeŋ kuoro tʋɔŋ pɩrɛ, ʋ kiri Iziral tɩŋŋaa harɩŋ, ka Iziral tɩŋŋaa vɩvɛŋ, ba bɔyɛ bɩ joŋ.

MOSIS KƐŊ IZIRAL TƖŊŊAA LƖƖ 4:21

Ŋɩɩ nɛ Wɩa bʋla pɩ Mosis, “Dɩ ŋ nɛ mʋ Ijipiti tinteeŋ, ŋaa wʋmagɩla-la kala mɩ sɩ pɩŋ doluŋ dɩ ŋ ŋaa Ijipiti tinteeŋ kuoro sɩpaaŋ. Ama mɩ jaŋ ŋaa dɩ ʋ tʋɔŋ pɩrɛ, ʋ bɩ jaŋ leŋ dɩ mɩ nɩaa lɩɩ mʋ.

MOSIS KƐŊ IZIRAL TƖŊŊAA LƖƖ 9:12

Ama La TƖƖNA leŋ Ijipiti tinteeŋ kuoro tʋɔŋ pɩrɛ, ʋ bɩ jegile nɩɩ Mosis arɩ Arɔŋ teeŋ, arɩ La TƖƖNA fa sɩ bʋl ŋɩɩ.

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

AZAAYA 14:24

La TƖƖNA doluŋ kala Tɩɩna ŋmɩɛsa nɛ a bʋl, “Tɛŋɛ, wɩalɩŋ mɩ sɩ bɩɩna nɛ jaŋ ŋaa, wɩalɩŋ mɩ sɩ kɛŋ mɩ tɩtɩa hɛ dɔŋɔ dɩ mɩ ŋaa, mɩ jaŋ ŋaaba.

AZAAYA 34:2

La TƖƖNA na baanɩŋ nɛ tinteyee nɩaa kala nyuŋ, ʋ baanɩŋ sii ba laalɩyuoroo kala nyuŋ nɛ. Ʋ jaŋ chei ba kala gbelem gbelem.

Rom Tɩŋŋaa 9:18

Nɩalɩŋ saa Wɩa sɩ lɩɩsa dɩ ʋ fá ba nenige, ʋʋ fá ba nenige nɛ. Nɩalɩŋ ma ʋ sɩ lɩɩsa dɩ ba kɛŋ nyuduoŋ, ʋ leŋe ba ma kɛŋ nyuduoŋ nɛ.

MOSIS BƖRA WULLI WƖA WOMBIIŊ 2:30

Ama Amɔrɩ tɩŋŋaa kuoro Sɩhɔŋ-na bɩ la wombiiŋ pa dɩ la to ba tinteeŋ a bal. Ma TƖƖNA Wɩa fa leŋe ʋ tʋɔŋ pɩrɛ nɛ, ʋ bɩ ʋ niiŋ sɛyɛ. Ŋɩɩ leŋ ʋ joŋu hɛ la nɩsɩŋ lɛ, la yuo diiu a hɔŋ ʋ tinteeŋ lɛ arɩ jɩnɩŋ kala.

MOSIS BƖRA WULLI WƖA WOMBIIŊ 7:16

Tintee kala ma TƖƖNA Wɩa sɩ jaŋ joŋo hɛ ma nɩsɩŋ lɛ, má cheiba, má sɩ́ ba nenige fá. Má sɩ́ ba vesiŋ kpaarʋ. Dɩ ma nɛ ŋaa ŋɩɩ, ba jaŋ to ŋɩɩ lɛ a nyɩsa kɛmma.

SƖPAALAARAA 14:4

(Ʋ nyɩmma arɩ ʋ naaŋ fa bɩ jɩŋ arɩ La TƖƖNA nɛ leŋe Samɩsɩŋ ŋɩŋaa ŋɩɩ, a chɩchɛ wombiiŋ dɩ ʋ yuo Fɩlɩsɩtɩa tɩŋŋaa, bɛɛ wɩaa bʋa-la lɛ ba nɛ faa beŋ Iziral tɩŋŋaa.)

1 SAMƲƐL 2:25

Dɩ nʋʋ nɛ ŋaa wʋbɔŋ ʋ dɔŋɔ lɛ, Wɩa jaŋ wuo jʋʋ ma balɩa pɛgɛ a kɛmma hɛ dɔŋɔ, ama dɩ nʋʋ nɛ ŋaa wɩaa chei La TƖƖNA teeŋ, kʋbɛɛ ma nɛ saa bɩra jaŋ jʋʋ ma pɛgɛ a kɛmma hɛ dɔŋɔ?” Ama ʋ hambolibiisi-la bɩ jegile nɩɩ ŋɩɩ ʋ sɩ kpʋrɩsɛ ba dɩgɩlaa, bɛɛ wɩaa La TƖƖNA paala kɛŋ ʋ tɩtɩa hɛ dɔŋɔ nɛ dɩ ʋ kpʋba.