JOSUA 11:16 - WƖA TENIŊ

¹⁶ Josua fa yuo a laa tinteeŋ deeŋ kala nɛ, tintee-la peelee sɩ yʋga, Nɛgɛf, Goseŋ tinteeŋ kala, dundollu-la sɩ hɛ peelee bʋbʋɔŋ wɩɩjʋʋlʋŋ dɩɩrɩŋ, Araba arɩ Iziral peelee arɩ ba dundolluŋ kala,

JOSUA 11:16 ပူးပေါင်းရင်းမြစ်များ

WƖA YƖƖLAA 105:44

Ʋ joŋ tinteyee dɔnsʋŋ nɩaa tinteeŋ arɩ ba bagɩsɩŋ kɩaa kala a pɩba,

WƖA YƖƖLAA 78:55

Ʋ nɩaa sɩ kɔ, ʋ kiri tinteye-la nɩaa fa sɩ hɔŋ nɩmɛ ta, aŋ kɛŋ ba tinteeŋ kpaa a pɩ Iziral tɩŋŋaa ba doho doho. Ʋ ŋaa ba kʋŋ, ba hɔŋ nɩmɛ.

ƐZƖKƖƐL 17:23

Iziral peel-la sɩ leŋie nyu-gbaŋa nɛ mɩ jaŋ chɔnsʋ, ʋ jaŋ kel woruŋ a nɛŋ nɛnɛɛ a bɩrɩmɛ kuolu tɩɩ-zɔŋ. Diibii doho kala jaŋ sʋa ba dɛllɩŋ ʋ lɛ, ba jaŋ sagɛ ʋ naakele-la lɛ a wiwiesi ʋ fɩɛlɩŋ lɛ.

ƐZƖKƖƐL 36:8

Ama ma-na Iziral peelee, tɩɩsɩŋ jaŋ waa ma nyuŋ a kel naakelee a nɛŋ nɛnɛɛ a pɩ ma-na mɩ nɩaa Iziral tɩŋŋaa. Ʋ bɩ jaŋ dieni ka dɩ ma mɩɩra kɔ dɩa.

MOSIS BƖRA WULLI WƖA WOMBIIŊ 1:7

Má sii mʋ Amɔrɩ tɩŋŋaa tintee-la peelee sɩ yʋga arɩ lere-la sɩ hɛ nɩmɛ, a mʋ Jɔdaŋ fuonaa-la, a mʋ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ, a mʋ wɩɩpɔsʋŋ nadiiŋ, a mʋ mʋgʋ-bal-la ba sɩɩ yɩrɛ Mediterenia niiŋ, a mʋ Kɛnaŋ tintee-la a kiele mʋ Lɛbanɔŋ tinteeŋ, a kɛŋ ŋɩɩ mʋʋ yi fuo-bal-la ba sɩɩ yɩrɛ Yufireti.

JOSUA 10:40

Josua fa yuo dii tintee-la kala nɛ: Tintee-la peelee sɩ yʋga, Nɛgɛf tinteeŋ kala, dundollu-la kala sɩ hɛ wɩɩjʋʋlʋŋ dɩɩrɩŋ arɩ peelee lere-la sɩ chullo tutuu arɩ ba kuoroo kala. Ʋ fa bɩ ba kʋŋkala leŋe. Kʋŋ na-kala sɩɩ wiesu, ʋ chei ba kala nɛ arɩ La TƖƖNA Iziral tɩŋŋaa Wɩa fa sɩ dagɛ ŋɩɩ.

JOSUA 10:41

Josua fa yuo dii Kadɛs Banɩa nɛ, a to ŋɩɩ mʋ Gaza arɩ tasɩ-la kala sɩ hɛ Goseŋ lɛ a mʋ yi Gibioŋ.

JOSUA 11:15

La TƖƖNA fa sɩ dagɛ ʋ tɩntɩnna Mosis ŋɩɩ, ŋɩɩ tɩtɩa nɛ Mosis ma dagɛ Josua ʋ ŋaa. Wɩalɩŋ kala La TƖƖNA fa sɩ dagɛ Mosis, ba kala nɛ Josua fa ŋaa, ʋ bɩ ba kʋŋkala kere ta.

JOSUA 11:2

arɩ kuorie-la kala sɩ hɛ wɩɩpɔsʋŋ nagʋa dɩɩrɩŋ tasɩ-la peelee sɩ yʋga lɛ, a hɛ lee-la ba sɩɩ yɩrɛ Araba, Galilii mʋgʋ-bal-la wɩɩpɔsʋŋ nadiiŋ, arɩ wɩɩjʋʋlʋŋ dundollu-la sɩ hɛ peelee bʋbʋɔŋ a kpagɛ taŋ-la ba sɩɩ yɩrɛ Nafɔf Dɔɔ a hɛ mʋgʋ-balɩŋ niiŋ.

JOSUA 11:21

Bʋa-la lɛ nɛ Josua fa bɩra mʋ a chei Anakɩ tɩmma-la sɩ hɛ tintee-la peelee sɩ yʋga lɛ, a chɩŋ Hɛbʋrɔŋ, Dɛbɩ arɩ Anab, a kɛŋ ŋɩɩ mʋ Juda tintee-la peelee sɩ yʋga, arɩ Iziral tintee-la peelee sɩ yʋga. Josua fa chei lere-la arɩ tasɩ-la kala sɩ hɛ nɩmɛ nɛ.

JOSUA 12:8

Tintee-la peelee sɩ yʋga, wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ, Araba, peele-la lere-la sɩ chullo tutuu, tintee-hɩlɩŋ arɩ Nɛgɛf. Tinteyee deemba kala ŋaa Hiti tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteeŋ nɛ.

JOSUA 9:1

Bʋa-la lɛ kuorie-la kala sɩ hɛ Jɔdaŋ fuo-la wɩɩjʋʋlʋŋ dɩɩrɩŋ, kɩalɩŋ sɩ hɛ dundolluŋ arɩ fuonaasɩŋ arɩ mʋgʋ-bal-la niiŋ a kɛŋ ŋɩɩ mʋ yi Lɛbanɔŋ, ba nɩa arɩ Iziral tɩŋŋaa yuo dii Jeriko arɩ Aɩ. Kuorie-la ŋaa Hiti tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa kuoroo nɛ.