JOSUA 11:14 - WƖA TENIŊ

¹⁴ Kɩalɩŋ kala fa sɩ hɛ tasɩŋ deemba lɛ nɛ Iziral laalɩyuoroo paa, a kɛsɛ ba pʋsʋŋ ma pɛ. Ama ba kpʋ nʋʋkala sɩ hɛ tasɩ-la lɛ nɛ, ba bɩ kʋŋ ka.

JOSUA 11:14 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:25

Ŋɩɩ nɛ Jehosafat arɩ ʋ nɩaa sii mʋ dɩ ba paa nɩalɩŋ kɩaa. Ba sɩ mʋa, ba na laalɩyuori kʋ-daŋ nɛ a pɛ gɛnnɩŋ lɛ arɩ kɩalɩŋ dɔnsʋŋ sɩ kɛŋ yuŋuŋ lɛ. Kɩalɩŋ fa yʋga kɩŋkɛŋ nɛ, ba joŋ tapʋlaa batori a paaba.

NAMBABA 31:9

Iziral tɩŋŋaa fa yuo dii Midiaŋ tɩŋŋaa kala nɛ a kɛsɛ ba haalaa, ba biiriŋ, ba nɛsɩŋ arɩ piesee, a paa ba dʋa kala.

MOSIS BƖRA WULLI WƖA WOMBIIŊ 20:14

Ama, má kɛsɛ ba haalaa, ba biiriŋ arɩ ba pʋsʋŋ, a paa kʋŋ na-kala sɩ hɛ taŋ-la lɛ dɩ ba ŋaa ma kɩaa. Ma Tɩɩna Wɩa nɛ joŋ ma dʋndɔmɔ-la kɩaa pɩma. Ma jaŋ wuo kaa ŋaa wɩɩ-la kala ma sɩɩ chɛ.

MOSIS BƖRA WULLI WƖA WOMBIIŊ 20:16

Ama tabala-la sɩ hɛ tintee-la ma TƖƖNA Wɩa sɩ jaŋ joŋo pɩma dɩ ʋ ŋaa ma kʋŋ lɛ, má kpʋ kʋŋ na-kala sɩɩ wiesu a hɛ nɩmɛ.

JOSUA 10:40

Josua fa yuo dii tintee-la kala nɛ: Tintee-la peelee sɩ yʋga, Nɛgɛf tinteeŋ kala, dundollu-la kala sɩ hɛ wɩɩjʋʋlʋŋ dɩɩrɩŋ arɩ peelee lere-la sɩ chullo tutuu arɩ ba kuoroo kala. Ʋ fa bɩ ba kʋŋkala leŋe. Kʋŋ na-kala sɩɩ wiesu, ʋ chei ba kala nɛ arɩ La TƖƖNA Iziral tɩŋŋaa Wɩa fa sɩ dagɛ ŋɩɩ.

JOSUA 11:11

Nʋʋ na-kala sɩ hɛ taŋ-la lɛ, ba kala nɛ ba fa kpʋ. Ba kʋŋkala bɩ ka, aŋ nyɩgɛ Hazɔ kala.

JOSUA 11:13

Ama tasɩ-la ba sɩ saa dundol-biisiŋ nyuŋ, Iziral laalɩyuoroo bɩ ba-na nyɩga. Hazɔ dʋndʋŋa nɛ Josua nyɩgɛ.

JOSUA 11:15

La TƖƖNA fa sɩ dagɛ ʋ tɩntɩnna Mosis ŋɩɩ, ŋɩɩ tɩtɩa nɛ Mosis ma dagɛ Josua ʋ ŋaa. Wɩalɩŋ kala La TƖƖNA fa sɩ dagɛ Mosis, ba kala nɛ Josua fa ŋaa, ʋ bɩ ba kʋŋkala kere ta.

JOSUA 8:2

Má joŋ wɩɩ-la tɩtɩa ma sɩ ŋaa Jeriko arɩ ʋ kuoro lɛ a ŋaa Aɩ arɩ ʋ kuoro ma lɛ. Ama Aɩ-na lɛ, kɩalɩŋ ma sɩ jaŋ yuo laa, má paaba, a kɛsɛ ba pʋsʋŋ ma pɛ dɩ ba ŋaa ma kɩaa. Má faa taŋ-la harɩŋ a yuoba.”

JOSUA 8:27

Ka Iziral tɩŋŋaa kɛsɛ ba pʋsʋŋ, a paa kɩalɩŋ kala ba sɩ yuo dii ba ŋaa ba kɩaa arɩ La TƖƖNA sɩ bʋl ŋɩɩ a pɩ Josua.