JOSUA 11:12 - WƖA TENIŊ

¹² Josua fa yuo dii tabalaa deemba kala nɛ a kpʋ ba kuoroo arɩ ba nɩaa kala arɩ La TƖƖNA tɩntɩnna Mosis fa sɩ dagɛ ŋɩɩ.

JOSUA 11:12 ပူးပေါင်းရင်းမြစ်များ

MOSIS BƖRA WULLI WƖA WOMBIIŊ 7:2

Dɩ ma TƖƖNA Wɩa nɛ jomba hɛ ma nɩsɩŋ lɛ dɩ ma yuo dii, má sɩ́ ba nenige fá, má chei ba kala. Má sɩ́ leŋe ma dɩ ba pɛ nii.

MOSIS BƖRA WULLI WƖA WOMBIIŊ 9:3

Jɩnɩŋ, má jɩŋ arɩ ma TƖƖNA Wɩa nɛ laa ma sɩpaaŋ dɩ ʋ yuo dii nɩalɩŋ a nagɛ nyiniŋ sɩɩ dii kɩaa ŋɩɩ, dɩ ma kiri ba kala ta dɩ ba lɩɩ tintee-la lɛ arɩ ma TƖƖNA sɩ bʋl ŋɩɩ.

JOSUA 10:20

Josua arɩ Iziral laalɩyuoroo kpʋ nɩalɩŋ jesiŋ kala nɛ, ba nɩaa mʋa nɛ wuo fá a mʋ jʋʋ ba sɩ saa kɛrɩsɩŋ a golli ba tasɩ-la a laa ba mɩɩsɩŋ.

JOSUA 10:28

Tapʋlɩɩ-la nɛ Josua bɩra yuo dii taŋ-la ba sɩɩ yɩrɛ Makɛda arɩ ʋ kuoro ma, a kpʋ nʋʋkala sɩ hɛ taŋ-la lɛ a chei ʋ kala, nɩbala ma bɩ ka. Wɩɩ-la Josua fa sɩ joŋo ŋaa Jeriko kuoro lɛ tɩtɩa nɛ ʋ joŋo ŋaa Makɛda kuoro ma lɛ.

JOSUA 10:30

La TƖƖNA bɩra joŋ taŋ-la ma arɩ ʋ kuoro a hɛ Iziral laalɩyuoroo nɩsɩŋ lɛ. Ŋɩɩ nɛ ba kpʋ nʋʋkala sɩ hɛ taŋ-la lɛ, nɩbala ma bɩ ka. Wɩɩ-la ʋ sɩ joŋo ŋaa Jeriko kuoro lɛ nɛ, ʋ fa joŋo ŋaa Libina kuoro ma lɛ.

JOSUA 10:32

La TƖƖNA bɩra joŋ Lakɩs ma a hɛ Iziral laalɩyuoroo nɩsɩŋ lɛ, Josua fa yuo diiu chɛ-lɩa chɛɛŋ nɛ. Nʋʋkala sɩ hɛ taŋ-la lɛ nɛ Josua kpʋ, a nagɛ ʋ sɩ ŋaa Libina tɩŋŋaa ŋɩɩ.

JOSUA 10:35

Ba fa yuo diiu tapʋlɩɩ-la tɩtɩa nɛ, a kpʋ nʋʋkala sɩ hɛ Ɛgɩlɔŋ lɛ, a chei ʋ kala arɩ ba sɩ ŋaa Lakɩs ŋɩɩ.

JOSUA 10:37

Ba fa yuo dii taŋ-la arɩ ʋ kuoro arɩ ʋ tabiisiŋ kala nɛ, a kpʋ nʋʋkala sɩ hɛ ba lɛ, nɩbala ma bɩ ka arɩ ba sɩ ŋaa ŋɩɩ Ɛgɩlɔŋ lɛ. Ba chaasa chei taŋ-la kala nɛ, a kpʋ nʋʋkala sɩ hɛ ʋ lɛ.

JOSUA 11:13

Ama tasɩ-la ba sɩ saa dundol-biisiŋ nyuŋ, Iziral laalɩyuoroo bɩ ba-na nyɩga. Hazɔ dʋndʋŋa nɛ Josua nyɩgɛ.

JOSUA 11:15

La TƖƖNA fa sɩ dagɛ ʋ tɩntɩnna Mosis ŋɩɩ, ŋɩɩ tɩtɩa nɛ Mosis ma dagɛ Josua ʋ ŋaa. Wɩalɩŋ kala La TƖƖNA fa sɩ dagɛ Mosis, ba kala nɛ Josua fa ŋaa, ʋ bɩ ba kʋŋkala kere ta.

JOSUA 13:6

Nɩalɩŋ kala sɩ hɔŋ peelee nyuŋ, a chɩŋ Lɛbanɔŋ tinteeŋ a kaa mʋ yi Mɩsɩrɛfɔf Meem, ba kala ŋaa Sidonia tɩmma nɛ. Mɩ-na tɩtɩa nɛ jaŋ kiriba ta Iziral tɩŋŋaa sɩpaaŋ. Tinteeŋ deeŋ nɛ, ŋ jaŋ kaa kpaa Iziral tɩŋŋaa arɩ mɩ sɩ dagɩŋ ŋɩɩ, dɩ ʋ ŋaa ba kʋŋ.

JOSUA 21:44

La TƖƖNA fa pɩ Iziral tɩŋŋaa wiese nɛ sɛmɛ na-kala, arɩ ʋ fa sɩ hɛ niiŋ ŋɩɩ a pɩ ba naabalɩmaba. Ba dʋndɔŋ-kala fa bɩ wuo yuo diiba. La TƖƖNA joŋ ba dʋndɔŋŋɔɔ kala a hɛ ba nɩsɩŋ lɛ nɛ ba wuoba.

JOSUA 8:31

arɩ La TƖƖNA tɩntɩnna Mosis fa sɩ bʋl ŋɩɩ a pɩ Iziral tɩŋŋaa. Josua saa koru-la arɩ ŋɩɩ Mosis sɩ ŋmʋnsɛ wɩalɩŋ a hɛ teniŋ lɛ a bil dɩ baa to sɩ daga nɛ. Ʋ bɩ koru-la tabɩaa wasa ta, ʋ bɩ hɔɔŋ tɩntɩnnɩ kʋŋ ma kaa digiba. Ʋ nyuŋ nɛ ʋ nyɩgɛ kʋnyɩgaa Wɩɩsʋlʋŋ arɩ nɩɩ-magɛ-dɔŋɔ Wɩɩsʋlʋŋ kɩaa a pɩ La TƖƖNA.

JOSUA 8:8

Dɩ ma nɛ yuo dii taŋ-la, má nyɩgʋ. Má ŋaa wɩɩ-la kala La TƖƖNA sɩ daga, a to mɩ niiŋ woruŋ.”

JOSUA 9:24

Ŋɩɩ nɛ ba bʋla pɩ Josua, “La ŋaa ŋɩɩ, bɛɛ wɩaa la nɩɩ ŋɩɩ ma TƖƖNA Wɩa sɩ bʋla pɩ ʋ tɩntɩnna Mosis arɩ ʋ jaŋ joŋ tintee-la kala a pɩma, aŋ kpʋ nɩalɩŋ kala sɩ hɛ tintee-la lɛ nɛ. Fawʋllʋŋ fa kɛnla nɛ, ŋɩɩ nɛ tɩɩ la tɩŋ la mɩɩsɩŋ wɩaa a ŋaa ŋɩɩ.