JOSUA 10:26 - WƖA TENIŊ

²⁶ Ŋɩɩ nɛ Josua kpʋ kuorie-la a paaba sagɛ tɩɩsɩŋ banɔŋ lɛ, a lemba nɩmɛ a mʋ yi dɩdaanɩŋ.

JOSUA 10:26 ပူးပေါင်းရင်းမြစ်များ

2 SAMƲƐL 21:6

Leŋ dɩ ba kɛsɛ Sɔɔl doho nɩaa baalaa balɩpɛ pɩla dɩ la kpʋ, a kɛmba lɩɩ bil dɩ-jalɩŋ La TƖƖNA sɩpaaŋ, Sɔɔl, nɩɩ-la La TƖƖNA sɩ lɩɩsa ʋ ŋaa kuoro, ʋ jaŋ Gɩbɩa lɛ.” Ŋɩɩ nɛ kuoro bʋl, “Mɩ jaŋ kɛsɛba pɩma.”

2 SAMƲƐL 21:9

Devit jomba a pɩ Gibioŋ tɩmma-la, ba kpʋba a joŋo sagɛ dundolo nyuŋ La TƖƖNA sɩpaaŋ Gɩbɩa lɛ. Ba kala balɩpɛ nɛ ba kpʋ hɛ dɔŋɔ. Ba kpʋba tapʋlɩɩ-la ba sɩ suomo kʋkʋŋ ba mɩɩ-bumbumba nɛ.

ƐSƖTA 2:23

Kuoro Zɛzɛs to wɩɩ-la naasɩŋ a na dɩ ʋ ŋaa wʋtɩtɩɩ, ʋ ŋaa ba lieŋi ʋ tɩntɩnna-la balɩa. Ka ʋ leŋ ba ŋmʋnsɛ wɩɩ-la kala hɛ ba wʋŋaalaa teniŋ tʋɔŋ ʋ sɩɩŋ lɛ.

WƖA YƖƖLAA 149:7

a joŋ ma baanɩŋ fɩɩsɛ tinteyee lɛ, a dɔgɩsɛ ba nɩaa.

WƖA YƖƖLAA 18:41

Ba ŋmoo niiŋ a chɩchɛ nʋʋ nɛ dɩ ʋ pɛ ba lɛ, ka nʋʋ tuo dɩ ʋ laaba ta. Ba yɩrɛ ŋ-na La TƖƖNA ma, ŋ fʋʋla yagɛba.

NAMBABA 25:4

Ŋɩɩ nɛ La TƖƖNA bʋla pɩ Mosis, “Kɛsɛ Iziral tɩŋŋaa sɩpaalaara-la kala sɩ mʋ pɛ a kpʋkpaarɛ vene-la ba sɩɩ yɩrɛ Baal, a kpʋba wɩɩhɛyɛ mɩ-na ma TƖƖNA sɩpaaŋ. Dɩ ŋ nɛ ŋaa ŋɩɩ, mɩ-na ma TƖƖNA baaŋ-la sɩ faasa sii jaŋ fɩɛlɛ dɩ mɩ leŋ nɩkaana-la.”

Matiu 27:25

Ŋɩɩ nɛ nɩ-daŋ-la kala bʋl, “Dɩ la nɛ cheye wɩɩŋ deeŋ lɛ, leŋ dɩ Wɩa dɔgɩsɛ la arɩ la biiriŋ a tɩŋ la sɩ kpʋʋ.”

Jɔɔŋ 19:31

Tapʋlɩɩ-la nɛ Juu tɩŋŋaa kɛŋ ba tɩtɩa hɩhɛ dɔŋɔ dɩ taŋ pʋl dɩ ba gbieli dɩɩsɩŋ kiele bal gbiele-la. Tapʋlɩɩ-la ma jaŋ ŋaa chɛ-wiesii-la chɛɛŋ. Ŋɩɩ nɛ tɩɩ ba bɩ chɛ dɩ nɩalɩŋ kʋsʋʋnʋŋ sagɛ daagɛsɛ-la nyuŋ chɛɛ-la. Ŋɩɩ nɛ ba mʋ sʋl Paalɩt dɩ ʋ leŋ dɩ laalɩyuoroo mʋ bori ba naasɩŋ aŋ soriba daagɛsɛ-la nyuŋ. Ʋ sɛɩ.

Galiisia Nɩaa 3:13

Ama Wɩa sɩ ŋmɩɛsa hɛ nɩalɩŋ sɩ nɩɩ wɩalɩŋ Mosis sɩ ŋmʋnsa bil aŋ bɩ ba wuo tuto, Kirisito lɩɩsɛla wɩaa deemba lɛ nɛ. Ba kpaasʋ mɛrɛ daagɛsɛ nyuŋ nɛ. Ba sɩ ŋaa ŋɩɩ, Wɩa ŋmɩɛsa hɛ ʋ lɛ a tɩŋ la wɩaa, bɛɛ wɩaa ba ŋmʋnsɛ Wɩa teniŋ tʋɔŋ a bʋl, “Nɩɩ-la kala ba sɩ kpaasa mɛrɛ daaŋ nyuŋ, Wɩa ŋmɩɛsa hɛ ʋ lɛ nɛ.”

JOSUA 8:29

Ka ʋ lieŋi Aɩ kuoro tɩa lɛ, a leŋ ʋ sagɛ nɩmɛ a kaa mʋ yi dɩdaanɩŋ. Wɩɩ-muluŋ sɩ jʋa, Josua ŋaa ba sori ʋ kʋsʋʋŋ tɩa-la lɛ a joŋo lo ta taŋ-la boi-baalɩŋ lɛ. Ba paa tabɩaa a chʋɔrɛ ʋ nyuŋ, tabɩa-la ha hɛ nɩmɛ arɩ jɩnɩŋ kala.

SƖPAALAARAA 8:21

Zɛba arɩ Zalɩmʋna bʋl, “Ŋ tɩtɩa kʋ kpʋla. Baala sɩ yi ŋɩɩ, ʋ doluŋ ma yi ŋɩɩ nɛ.” Ŋɩɩ nɛ Gɩdɩɔŋ sii a kpʋ Zɛba arɩ Zalɩmʋna, aŋ chaarɛ kpɩɛra-la fa sɩ hɛ ba bʋntaŋŋaba baŋŋaa lɛ.

1 SAMƲƐL 15:33

Ama Samʋɛl bʋl, “Ŋ sɩ kpʋ nɩaa biiriŋ, ka ba naamba hɔŋ arɩ na-hɩllɩŋ ŋɩɩ, ŋ naaŋ ma jaŋ hɔŋ arɩ na-hɩllɩŋ.” Ŋɩɩ nɛ aŋ kpʋ Agag La TƖƖNA sɩpaaŋ Gɩlɩgal lɛ.