JOSUA 10:25 - WƖA TENIŊ

²⁵ Josua bɩra bʋla pɩba, “Má sɩ́ fawʋllʋŋ fá, má sɩ́ leŋe dɩ ma nandaasɩŋ yʋɔrɛ. Má nyɩrɛ bɔyɛ a kɛŋ tʋɔ-doluŋ. Wɩɩ-la La TƖƖNA sɩ jaŋ joŋo ŋaa ma dʋndɔmɔ-la kala sɩ jaŋ yuyuo ma lɛ nɛ ŋɩɩ.”

JOSUA 10:25 ပူးပေါင်းရင်းမြစ်များ

WƖA YƖƖLAA 63:9

Nɩalɩŋ kala sɩɩ chɛ dɩ ba kpʋmɛ, ba jaŋ sʋʋ a tuu bʋa.

WƖA YƖƖLAA 77:11

Mɩ jaŋ liise yi wʋduoru-la La Tɩɩna sɩ ŋaa lɛ. Mɩ jaŋ liise yi wʋkpuŋkperisi-la ŋ sɩ ŋaa faafaa kala lɛ.

Rom Tɩŋŋaa 8:37

Arɩ ŋɩɩ kala, dɩ wɩaa deemba kʋŋkala nɛ kʋ jʋʋla, la yie wuo yuo dii nɛ a tɩŋ nɩɩ-la sɩ chola wɩaa.

2 Kɔrɩntɩ Nɩaa 1:10

Wɩa nɛ lɩɩsɛla sʋʋŋ deeŋ nɩsɩŋ lɛ. Maachie dɩ wɩaa nɛ jʋʋla lɛ, ʋ jaŋ lɩɩsɛla ba lɛ. Ʋ lɛ nɛ laa yɩɛlɛ arɩ maachie ʋ jaŋ bɩra lɩɩsɛla dɩ hɛɛŋ nɛ jʋʋla.

Ɛfɛsɩs Nɩaa 6:10

Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.

MOSIS BƖRA WULLI WƖA WOMBIIŊ 7:19

Ma na wʋkpuŋkperisi-la arɩ wʋmagɩla-la arɩ wʋduoru-la La TƖƖNA Wɩa sɩ kɛŋ ʋ doluŋ ŋaa nɛ, aŋ kɛmma kaa kʋ lɩɩ Ijipiti tinteeŋ lɛ. Wɩalɩŋ tɩtɩa nɛ ma TƖƖNA Wɩa jaŋ joŋo ŋaa nɩalɩŋ ma sɩɩ fá lɛ.

JOSUA 1:6

Nyɩrɛ ŋ bɔyɛ a kɛŋ tʋɔ-doluŋ, bɛɛ wɩaa ŋ nɛ jaŋ laa nɩaa deemba sɩpaaŋ dɩ ma mʋ laa tintee-la tɩɩ, tintee-la mɩ fa sɩ hɛ niiŋ a pɩ ba naabalɩmaba arɩ mɩ jaŋ joŋo pɩba.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

JOSUA 10:8

La TƖƖNA bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, mɩ jomba hɛ ŋ nɩsɩŋ lɛ nɛ. Ba kʋŋkala bɩ ŋ sɩpaaŋ wuo chɩŋ.”

1 SAMƲƐL 17:37

La TƖƖNA sɩ lɩɩsɛmɛ naachigee arɩ lʋgʋmaa niiŋ lɛ, ʋ jaŋ lɩɩsɛmɛ Fɩlɩsɩtɩa tɩɩna deeŋ ma nɩsɩŋ lɛ.” Ŋɩɩ nɛ Sɔɔl bʋla pɩ Devit, “Mʋ, La TƖƖNA jaŋ chɩŋ ŋ harɩŋ.”