JOSUA 10:12 - WƖA TENIŊ

¹² Tapʋlɩɩ-la La TƖƖNA fa sɩ leŋe Iziral tɩŋŋaa yuo dii Amɔrɩ tɩmma-la, Josua fa bʋl ŋ-la nɛ a pɩ La TƖƖNA Iziral tɩŋŋaa sɩpaaŋ, “Ou wɩɩpɔsʋŋ, ha chɩŋ dɩ-bala a chugili Gibioŋ lɛ. Ou chɛnɛ, chugili Aɩjalɔŋ fuonaa-la lɛ.”

JOSUA 10:12 ပူးပေါင်းရင်းမြစ်များ

2 SAMƲƐL 2:12

Ŋɩɩ nɛ Nɛɛ nanʋala Abɩna arɩ Sɔɔl nanʋala Ɩsɩ-Bɔsɛf laalɩyuoroo sii Mahanem lɛ a mʋ Gibioŋ.

2 KUOROO 20:10

Hezikaaya bʋl, “Ʋ ŋaa mɔlɩɩ nɛ dɩ daaliimiŋ mʋ sɩpaaŋ naakieliŋ fii, ama mɩɩ chɛ dɩ ʋ mɩɩra mʋ harɩŋ nɛ naakieliŋ fii.”

2 KUOROO 20:11

Ŋɩɩ nɛ Azaaya, Wɩa wʋlaabʋllʋ-la ŋmoo niiŋ a pɩ La TƖƖNA, ʋ leŋ wɩɩpɔsʋŋ daaliimiŋ mɩɩra mʋ harɩŋ naakieliŋ fii, lee-la kuoro Ahas lusuŋ-choluŋ sɩ chɩna.

2 KUOROO 20:9

Ŋɩɩ nɛ Azaaya bʋl, “Magɩlɩŋ deeŋ nɛ La TƖƖNA jaŋ kaa dagɛ wɩɩ-la ʋ sɩ sɩ ʋ jaŋ ŋaa. Ŋ jaŋ cho dɩ wɩɩpɔsʋŋ daaliimiŋ mʋ sɩpaaŋ naakieliŋ fii koo ŋ jaŋ cho dɩ ʋ mʋ harɩŋ naakieliŋ fii?”

1 IZIRAL TƖŊŊAA NAABARƖŊ 8:13

Bɛrɩa arɩ Sɛma. Ba fa ŋaa dɩa dɩa nɩhɩasɩŋ nɛ a hɔŋ tabal-la ba sɩ yɩrɛ Aɩjalɔŋ lɛ. Ŋɩɩ nɛ ba kiri nɩalɩŋ kala sɩ hɔŋ Gaf tabal-la lɛ ba lɩɩ.

2 IZIRAL TƖŊŊAA NAABARƖŊ 11:10

Zora, Aɩjalɔŋ arɩ Hɛbʋrɔŋ. Tasɩŋ deemba nɛ ba fa saa kɛrɩsɩŋ golli, Juda tinteeŋ arɩ Bɛnjamɩŋ tinteeŋ lɛ.

JOB 9:7

Dɩ ʋ nɛ sɩ wɩɩpɔsʋŋ sɩ́ pɔsʋ, ʋ bɩ pɔsɛ, dɩ ʋ nɛ tɔ chɛnwʋlaa ma, ba bɩ chaanɛ.

WƖA YƖƖLAA 148:3

Wɩɩpɔsʋŋ arɩ chɛnɛ, má dɛnnʋ, chɛnwʋlaa kala sɩɩ chaanʋ, má dɛnnʋ.

WƖA YƖƖLAA 19:4

Ama ba wʋbʋlaa ka yi dʋnɩa lee-kala nɛ. Dʋnɩa nʋʋkala nɛ nɩɩ ba yikoro. Wɩa hɛ lɛbɩŋ nɛ wɩa-nyuŋ a pɩ wɩɩpɔsʋŋ ʋ jʋjʋʋ.

WƖA YƖƖLAA 74:16

Ŋ nɛ tɩɩ wɩɩhɛyɛ, ŋ nɛ tɩɩ tɩtaŋɩŋ ma. Ŋ nɛ ŋaa wɩɩpɔsʋŋ arɩ chɛnɛ, ba chɩŋ ba dɩchɩnaa kpaŋkpaŋ.

AZAAYA 28:21

La TƖƖNA jaŋ sii yuoma arɩ ʋ fa sɩ ŋaa ŋɩɩ peel-la ba sɩɩ yɩrɛ Parazɩm lɛ. Ʋ jaŋ sii ma lɛ arɩ ʋ fa sɩ ŋaa ŋɩɩ Gibioŋ fuonaaŋ lɛ, dɩ ŋɩɩ leŋ dɩ ʋ wuo ŋaa wɩalɩŋ ʋ sɩɩ chɛ ʋ ŋaa, wɩalɩŋ ma ha sɩ bɩ na aŋ ka.

AZAAYA 38:8

Ʋ jaŋ leŋ dɩ wɩɩpɔsʋŋ daaliimiŋ mɩɩra mʋ harɩŋ naakieliŋ fii, lee-la kuoro Ahas lusuŋ-choluŋ sɩ chɩna.” Ŋɩɩ nɛ daaliiŋ-la sɛnɛ mɩɩra mʋ harɩŋ naakieliŋ fii.

AZAAYA 60:20

Ŋ wɩɩpɔsʋŋ bɩra bɩ jaŋ jʋʋ, ŋ chɛnɛ ma bɩ jaŋ jʋʋ birimiŋ. Ŋ TƖƖNA nɛ jaŋ ŋaa ŋ pʋlʋmʋŋ a kaa mʋ wuu. Tʋɔ-chee-la kala ŋ sɩ kɛnɛ jaŋ dɛrɛ.

JƐRƖMAAYA 28:1

Zedikaaya sɩ dii Juda tinteeŋ kuoruŋ, ʋ jɩ-nɛsɛ tʋɔŋ chɛŋ-nɔŋ lɛ nɛ, Wɩa wʋlaabʋlla Hananaaya, sɩ ŋaa Azu nanʋala a lɩɩ Gibioŋ bʋl wɩaa pɩmɛ La TƖƖNA dɩɩ-bal-la tʋɔŋ, Wɩɩsʋllɩ sɩpaalaaraa arɩ nɩalɩŋ kala sɩpaaŋ. Ʋ sɩ,

AMƆS 2:9

Iziral tɩmma, Amɔrɩ tɩŋŋaa fa hɛ Kɛnaŋ tinteeŋ lɛ nɛ ka ma-na jʋʋ nɩmɛ. Ba fa duomo nɛ woruŋ a nagɛ kuolu tɩɩsɩŋ a kɛŋ doluŋ ma a nagɛ piine tɩɩsɩŋ, ka mɩ chei ba nɛnɛɛ arɩ ba naapoloo kala.

AMƆS 8:9

La Tɩɩna Wɩɩjarɩbakɔ sɩ, “Tapʋlɩɩ-la, mɩ jaŋ leŋ dɩ wɩɩpɔsʋŋ jʋʋ, dɩ leriŋ kala biri lim wɩɩhɛyɛ.

HABAKU 2:20

Ama La TƖƖNA hɛ ʋ dɩɩ-bal-la sɩ bɩ disiniŋ kɛnɛ tʋɔŋ nɛ, dʋnɩa nɩaa kala, má ŋaa fʋɩɩ ʋ sɩpaaŋ.

HABAKU 3:11

Wɩɩpɔsʋŋ arɩ chɛnɛ chɩŋ dɩ-bala nɛ wɩa-nyuŋ ba sɩ na ŋ to-hɛŋŋɛɛ arɩ ŋ tiŋŋee sɩɩ lɩgɩsʋ wɩa-nyuŋ.

ZƐKARƖYA 2:13

Nuhuobiinee kala, má chɩŋ sɔm La TƖƖNA sɩpaaŋ, bɛɛ wɩaa ʋ sii ʋ dɩjʋʋlʋŋ sɩ bɩ disiniŋ kɛnɛ lɛ nɛ a kʋkɔ.

MOSIS BƖRA WULLI WƖA WOMBIIŊ 17:3

a zizil wɩa-nyuŋ kʋŋ, wɩɩpɔsʋŋ, chɛnɛ, koo chɛnwʋlaa, arɩ vesiŋ dɔnsʋŋ La TƖƖNA sɩ bɩ ŋɩɩ daga,

MOSIS BƖRA WULLI WƖA WOMBIIŊ 4:19

Má sɩ kɩaa deemba ma sɩɩ na wɩa-nyuŋ zil: Wɩɩpɔsʋŋ, chɛnɛ arɩ chɛnwʋlaa. Ba ŋaa kɩa nɛ La TƖƖNA sɩ joŋo pɩ dʋnɩa nɩaa kala.

JOSUA 10:13

Ŋɩɩ nɛ wɩɩpɔsʋŋ chɩŋ dɩ-bala. Chɛnɛ ma bɩ vɛnɛ a mʋ yi bʋa-la lɛ Iziral tɩŋŋaa sɩ yuo dii ba dʋndɔŋŋɔɔ, arɩ ba sɩ ŋmʋnsɛ ŋɩɩ hɛ Jasa teniŋ tʋɔŋ. Wɩɩpɔsʋŋ jɩl nyu-gbaŋa aŋ chɩŋ nɩmɛ ŋɩɩ a mʋ yi tapʋl-piliŋ.

JOSUA 19:42

Saalabɩŋ, Aɩjalɔŋ, Ɩfɩla,

JOSUA 21:24

Aɩjalɔŋ arɩ Gaf Rimoŋ. Ba ŋaa tasɩŋ banɛsɛ nɛ arɩ lere-la ba pʋsʋŋ sɩ jaŋ didii.

SƖPAALAARAA 12:12

Ŋɩɩ nɛ Ɛlɔŋ ma sʋʋ, ba hugu taŋ-la ba sɩɩ yɩrɛ Aɩjalɔŋ sɩ hɛ Zebuluŋ tinteeŋ lɛ.

SƖPAALAARAA 5:20

Chɛnwʋlaa faa vɛŋ wɩa-nyuŋ nɛ aŋ yuyuo Sɩsɛra.

1 SAMƲƐL 12:18

Samʋɛl sɩ sʋl La TƖƖNA, tapʋlɩɩ-la tɩtɩa nɛ La TƖƖNA leŋ taŋ dɔŋ, duonuŋ nɩɩ. Ŋɩɩ nɛ nɩalɩŋ kala chaasa fɩfá La TƖƖNA arɩ Samʋɛl.

1 SAMƲƐL 14:31

Tapʋlɩɩ-la Iziral tɩŋŋaa sɩ chɩŋ lee-la ba sɩɩ yɩrɛ Mɩkɩmas, aŋ kpʋ Fɩlɩsɩtɩa tɩŋŋaa ŋɩɩ deeŋ deeŋ a mʋ yi Aɩjalɔŋ, ŋɩɩ harɩŋ, ba chaasa lɔl nɛ woruŋ.