JOSUA 1:8 - WƖA TENIŊ

⁸ Kɩkarɩmɛ teŋ-la Mosis sɩ ŋmʋnsɛ mɩ wombiee hɛ bʋa na-kala, aŋ kɛmba chʋchɔgɩsɛ ŋ tʋɔŋ lɛ tɩtaŋɩŋ arɩ wɩɩhɛyɛ, aŋ fɩɛlɛ ŋ sɩaa a to wɩalɩŋ kala ba sɩ ŋmʋnsa hɛ ʋ lɛ. Dɩ ŋ nɛ ŋaa ŋɩɩ, ŋ wɩɩkala jaŋ chaasa vɛŋ woruŋ.

JOSUA 1:8 ပူးပေါင်းရင်းမြစ်များ

WƖAA DƖ-SUOMUŊ 24:63

Ŋɩɩ nɛ dɩdaaŋ kʋbala ʋ lɩɩ jɩl pɔkɔŋ nyuŋ dɩ ʋ kɛŋ ʋ tʋɔbɩɩnaa chɔ, ʋ bee na bʋntaŋŋaba dɩ baa kɔ.

2 IZIRAL TƖŊŊAA NAABARƖŊ 26:5

Zɛkarɩya mɩɩsɩŋ kala lɛ, Uzia fa to Wɩa nɛ woruŋ, bɛɛ wɩaa ʋ nɛ faa dagʋ. Ʋ sɩ to La TƖƖNA ŋɩɩ, Wɩa leŋ ʋ wɩɩkala vɛŋ woruŋ.

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

WƖA YƖƖLAA 119:15

Mɩ jaŋ kɛŋ ŋ wʋdagaa chʋchɔgɩsɛ, aŋ joŋ mɩ sɩaa hɛ ŋ wombiee lɛ.

WƖA YƖƖLAA 119:97

Mɩ chaasa cho wombii-la ŋ sɩ bile dɩ la tuto nɛ woruŋ. Mɩ kɛnʋ chʋchɔgɩsɛ mɩ tʋɔŋ lɛ nɛ tapʋlɩɩ kala.

WƖA YƖƖLAA 119:99

Mɩ jɩŋ wɩaa sɩaa a kɩɩ nɩalɩŋ kala sɩɩ dagɛmɛ, bɛɛ wɩaa mɩ kɛŋ wɩalɩŋ ŋ sɩ daga chʋchɔgɩsɛ nɛ.

WƖA YƖƖLAA 19:14

Leŋ dɩ mɩ tʋɔbɩɩnaa arɩ mɩ niiŋ wʋbʋlaa tʋtɔrɛ ŋ tʋɔŋ. La Tɩɩna, ŋ nɛ kɛŋ doluŋ a nagɛ bʋŋ a laamɛ tɩta.

WƖA YƖƖLAA 40:10

Mɩ bɩ ŋ tʋɔpʋla wɩaa kaa fɩfaa. Mɩ yie leŋ nɩaa jɩŋ ŋɩɩ ŋ sɩ kɛŋ wʋtɩtɩɩ a laa nɩaa tɩta nɛ. Mɩ bɩ ŋ chono-la sɩ bɩ dɛrɛ arɩ ŋ wʋtɩtɩɩ wɩaa joŋo faa ŋ nɩalɩŋ sɩ yʋga aa hilimi ŋ yɩrɩŋ lɛ.

NAMAGABA 3:1

Mɩ bii, sɩ́ wɩalɩŋ mɩ sɩ dagɩŋ yʋ, ama joŋ mɩ niiŋ wɩaa hɛ ŋ tʋɔŋ lɛ.

AZAAYA 59:21

La TƖƖNA bɩra sɩ, “Mɩ bil niiŋ nɛ mɩ dɩ ma pɛgɛ, mɩ joŋ mɩ Dɩma hɛ ma lɛ nɛ, a joŋ mɩ niiŋ wɩaa kala ma a hɛ ma niiree lɛ, wɩalɩŋ bɩ jaŋ lɛl ma niiree lɛ. Má joŋo dagɛ ma biiriŋ arɩ ma doho nɩaa kala sɩ jaŋ to harɩŋ kɔ dɩ wɩalɩŋ hɛ nɩmɛ a kaa mʋ wuu. Mɩ-na ma TƖƖNA nɛ bʋla.”

Matiu 12:35

Nɩzɔmʋŋ kɛŋ tʋɔbɩɩŋ zɔŋŋɔɔ nɛ a ŋɩŋaa wʋzɔmɔ-la ʋ sɩɩ bɩɩnʋ. Nɩbɔmʋŋ ma kɛŋ tʋɔbɩɩŋ bɔŋŋɔɔ a ma ŋɩŋaa wʋbɔmɔ-la ʋ sɩɩ bɩɩnʋ.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Matiu 7:21

Nʋʋkala sɩ yɩrɛmɛ, ‘mɩ Tɩɩna, mɩ Tɩɩna,’ dee bɩ jaŋ jʋʋ Wɩa kuorii-la tʋɔŋ, see nɩalɩŋ sɩɩ ŋaa wɩalɩŋ mɩ Nyɩmma sɩ hɛ Wɩa-jaŋ sɩ daga.

Matiu 7:24

Yesu bɩra sɩ, “Nɩɩ-la kala sɩ kɔ mɩ teeŋ a jegile nɩɩ mɩ niiŋ wɩaa deemba mɩ sɩ bʋla pɩma a tutoba, mɩ jaŋ dagɛma ŋɩɩ ʋ sɩ naga. Ʋ nagɛ wʋjɩnna sɩ saa ʋ dɩa nɛ. Ʋ saaʋ kpagɩnyɩlɩŋ nyuŋ nɛ.

Luuk 11:28

Ŋɩɩ nɛ Yesu mɩɩra bʋla pʋ, “Nɩɩ-la sɩ nɩɩ Wɩa niiŋ wɩaa a tutoba, ʋ-na tɩɩna tʋɔŋ nɛ jaŋ tɔrɛ.”

Jɔɔŋ 13:17

Ma lɛɛlɛ sɩ jɩŋ wɩaa deemba ŋɩɩ, dɩ ma nɩɩ ŋaaba, ma jaŋ kɛŋ tʋɔtɔrʋŋ.

Jɔɔŋ 14:21

Nɩɩ-la kala sɩ nɩɩ mɩ niiŋ wɩaa aa toba, ʋ tɩɩna nɛ chomi. Mɩ Nyɩmma ma saa jaŋ cho nɩɩ-la sɩ chomi. Mɩ ma jaŋ cho tɩɩna a kɛŋ mɩ tɩtɩa kaa dagʋ.”

Ɛfɛsɩs Nɩaa 4:29

Má sɩ́ leŋe dɩ wʋbɔŋ kala lɩɩ ma niiŋ lɛ. Má bʋl wʋzɔmɔ-la sɩɩ jʋʋ nɩaa dɩgɩlaa bʋa-la lɛ sɩ maga, a leŋ dɩ wɩalɩŋ ma sɩɩ bʋl pɛ nɩalɩŋ sɩɩ jegili ba lɛ.

MOSIS BƖRA WULLI WƖA WOMBIIŊ 29:8

a laa ba tinteeŋ a joŋo pɩ Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ ʋ ŋaa ba kʋŋ.

MOSIS BƖRA WULLI WƖA WOMBIIŊ 29:9

Má fɩɛlɛ ma sɩaa a to niiŋ deeŋ woruŋ, dɩ ŋɩɩ leŋ dɩ wɩɩ na-kala ma sɩɩ ŋaa vɛŋ woruŋ.

MOSIS BƖRA WULLI WƖA WOMBIIŊ 30:14

Ŋɩɩ dee wɩalɩŋ nagɛ, ba kpagɛma nɛ kɩŋkɛŋ. Ma jɩmba nɛ woruŋ a jaŋ wuo toba ma.

MOSIS BƖRA WULLI WƖA WOMBIIŊ 31:11

dɩ Iziral tɩŋŋaa kala nɛ kʋ hɛ dɔŋɔ ma TƖƖNA Wɩa sɩpaaŋ, lee-la ʋ sɩ jaŋ dagɛ lɛ, ma jaŋ karɩmɛ La TƖƖNA niiŋ wɩaa deemba ba sɩpaaŋ dɩ ba nɩɩ.

MOSIS BƖRA WULLI WƖA WOMBIIŊ 31:24

Ŋɩɩ nɛ Mosis ŋmʋnsɛ Wɩa wombie-la kala a hɛ teniŋ lɛ.

MOSIS BƖRA WULLI WƖA WOMBIIŊ 5:1

Ŋɩɩ nɛ Mosis yɩrɛ Iziral tɩŋŋaa kala kʋ hɛ dɔŋɔ a bʋla pɩba: Iziral tɩmma, má jegile nɩɩ niiri-la arɩ wombie-la mɩ sɩɩ dagɛma jɩnɩŋ. Má gʋnnɛba woruŋ a kɛmba kaa tɩŋ.

MOSIS BƖRA WULLI WƖA WOMBIIŊ 5:29

Dɩ ba nɛ jaŋ kɛŋ ŋɩɩ naaŋ lɛ a zizilmi, aŋ tuto wɩalɩŋ mɩ sɩ daga, ŋɩɩ fa jaŋ leŋ dɩ wɩaa vɛŋ woruŋ a pɩ ba dɩ ba biiriŋ kala a kaa mʋ wuu.

MOSIS BƖRA WULLI WƖA WOMBIIŊ 5:32

Ŋɩɩ wɩaa, má hɛ doluŋ aŋ to wɩalɩŋ kala ma TƖƖNA Wɩa sɩ dagɛma, má sɩ́ begilu.

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

JOSUA 1:7

Nyɩrɛ bɔyɛ a leŋ dɩ ŋ tʋɔŋ faasa dol. Fɩɛlɛ ŋ sɩaa a to wombii-la kala mɩ tɩntɩnna Mosis sɩ dagɩŋ. Pɔ dɩ ŋ sɩ́ begilu wombii-la lɛ a mʋ nadiiŋ koo nagʋa, dɩ wɩɩkala ŋ sɩɩ ŋaa vɛŋ woruŋ pɩŋ lee na-kala ŋ sɩ jaŋ mʋ.

JOSUA 8:34

Ʋ ŋɩɩ harɩŋ nɛ Josua karɩmɛ La TƖƖNA wombie-la kala, wɩalɩŋ nɩa sɩ jaŋ ŋaa dɩ La TƖƖNA pɛ ʋ lɛ arɩ wɩalɩŋ nɩa sɩ jaŋ ŋaa dɩ La TƖƖNA ŋmɩaŋ diiu, arɩ ŋɩɩ ba sɩ ŋmʋnsa a hɛ La TƖƖNA wombiee teŋ-la tʋɔŋ.

Jɔɔŋ Wʋnaalaa 22:14

Nɩalɩŋ sɩɩ to Wɩa wɩaa, Wɩa jaŋ pɛ ba lɛ dɩ ba wuo na wombiiŋ a to tabal-la boi-baalaa jʋʋ, a wuo dii tɩa-la sɩɩ pɩ nɩaa mɩɩsɩŋ nɛnɛɛ.