JOSUA 1:7 - WƖA TENIŊ

⁷ Nyɩrɛ bɔyɛ a leŋ dɩ ŋ tʋɔŋ faasa dol. Fɩɛlɛ ŋ sɩaa a to wombii-la kala mɩ tɩntɩnna Mosis sɩ dagɩŋ. Pɔ dɩ ŋ sɩ́ begilu wombii-la lɛ a mʋ nadiiŋ koo nagʋa, dɩ wɩɩkala ŋ sɩɩ ŋaa vɛŋ woruŋ pɩŋ lee na-kala ŋ sɩ jaŋ mʋ.

JOSUA 1:7 ပူးပေါင်းရင်းမြစ်များ

1 KUOROO 2:2

Ʋ sɩ, “Mɩ sʋʋŋ yie nɛ, ŋɩɩ wɩaa nyɩrɛ bɔyɛ a kɛŋ tʋɔ-doluŋ.

1 KUOROO 2:3

To wɩalɩŋ kala ŋ TƖƖNA Wɩa sɩɩ chɛ: To ʋ wombiee, arɩ ʋ wʋdagaa kala. Tuto wɩalɩŋ kala ʋ sɩ joŋo dagɛ Mosis ʋ ŋmʋnsa bil dɩ nɩaa tuto, dɩ ŋɩɩ leŋ dɩ wɩɩkala ŋ sɩɩ ŋaa arɩ lee-kala ŋ sɩɩ mʋ, dɩ wɩaa vɛŋ woruŋ pɩŋ.

2 KUOROO 22:2

Josaaya fa ŋaa wɩalɩŋ sɩɩ tɔrɛ La TƖƖNA tʋɔŋ nɛ. Ʋ fa to wɩalɩŋ kala ʋ naabalɩma Devit sɩ to nɛ, ʋ bɩ begile mʋ nadiiŋ koo nagʋa.

1 IZIRAL TƖŊŊAA NAABARƖŊ 22:13

Dɩ ŋ nɛ fɩɛlɛ ŋ sɩaa a to ʋ niiriŋ arɩ ʋ wombie-la ʋ sɩ to Mosis lɛ a dagɛ Iziral tɩŋŋaa, wɩaa jaŋ vɛŋ woruŋ a pɩŋ. Nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ.

2 IZIRAL TƖŊŊAA NAABARƖŊ 15:7

Ama ma-na, má kɛŋ bɔɩ-duoŋ a sɩ́ leŋe dɩ ma nandaasɩŋ yʋɔrɛ. Wɩalɩŋ kala ma sɩɩ ŋaa, ma jaŋ na ba nyʋʋrʋŋ.”

2 IZIRAL TƖŊŊAA NAABARƖŊ 26:5

Zɛkarɩya mɩɩsɩŋ kala lɛ, Uzia fa to Wɩa nɛ woruŋ, bɛɛ wɩaa ʋ nɛ faa dagʋ. Ʋ sɩ to La TƖƖNA ŋɩɩ, Wɩa leŋ ʋ wɩɩkala vɛŋ woruŋ.

JOB 1:8

Ŋɩɩ nɛ La TƖƖNA pɩɛsʋ, “Ŋ na mɩ tɩntɩnna Job nɛɛ? Nʋʋkala tuo dʋnɩa lɛ a nagʋ. Ʋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋʋ fá mɩ-na Wɩa nɛ woruŋ a bɩ chɛ dɩ ʋ sɩɩŋ na wʋbɔmʋŋ.”

WƖA YƖƖLAA 80:19

La Tɩɩna Wɩa doluŋ kala Tɩɩna, kɛnla mɩɩra kɔ, a suri ŋ sɩaa pɩla dɩ la wuo na wiese.

NAMAGABA 4:27

Pʋpɔ ŋ sɩ́ begile mʋ nadiiŋ koo nagʋa, lɩɩsɛ ŋ tɩtɩa wʋbɔŋŋɔɔ lɛ.

NAMAGABA 8:20

Mɩɩ vɛŋ tʋɔpʋl tɩŋŋaa wombiiŋ lɛ nɛ a bɩraa vɛŋ wʋtɩtɩɩ tɩŋŋaa wombiiŋ ma lɛ,

DANƖƐL 10:19

Ʋ bʋla pɩmɛ, “Wɩa choŋ nɛ woruŋ, sɩ́ fawʋllʋŋ fá, kɛŋ yarɩfɩɛlaa a faasa dol.” Ʋ sɩ bʋl ŋɩɩ, mɩ bɩra kɛŋ doluŋ a bʋl, “Mɩ nɩhɩaŋ, bʋl wɩaa pɩmɛ, ŋ sɩ folo pɩmɛ doluŋ.”

NAMBABA 27:23

a joŋ ʋ nɩsɩŋ daŋ ʋ lɛ a leŋ nɩalɩŋ kala jɩŋ arɩ ʋ nɛ ŋaa ba sɩpaalaara, arɩ La TƖƖNA sɩ dagɛ Mosis ŋɩɩ.

MOSIS BƖRA WULLI WƖA WOMBIIŊ 11:8

Ŋɩɩ wɩaa má to wɩalɩŋ kala mɩ sɩɩ dagɛma jɩnɩŋ. Dɩ ma nɛ toba, ma jaŋ kɛŋ doluŋ a wuo chol Jɔdaŋ fuo-la a jʋʋ tintee-la a laaʋ tɩɩ.

MOSIS BƖRA WULLI WƖA WOMBIIŊ 12:32

Má hɛ doluŋ aŋ to wɩalɩŋ kala mɩ sɩ dagɛma, ma pʋpɔ má sɩ́ wɩɩ lɩɩsa ta a sɩ́ wɩɩ ma kaa pɛ.

MOSIS BƖRA WULLI WƖA WOMBIIŊ 28:14

Ma pɔ má sɩ́ harɩŋ joŋo yɩa wɩalɩŋ kʋŋkala mɩ sɩ joŋo dagɛma jɩnɩŋ, a sɩ́ begile mʋ nadiiŋ koo nagʋa, a mʋ tuto vesiŋ a kpʋkpaarɛba.

MOSIS BƖRA WULLI WƖA WOMBIIŊ 29:8

a laa ba tinteeŋ a joŋo pɩ Rubiŋ doho nɩaa, Gad doho nɩaa arɩ Manasɛ doho nɩaa kpaa magɛ dɔŋɔ ʋ ŋaa ba kʋŋ.

MOSIS BƖRA WULLI WƖA WOMBIIŊ 29:9

Má fɩɛlɛ ma sɩaa a to niiŋ deeŋ woruŋ, dɩ ŋɩɩ leŋ dɩ wɩɩ na-kala ma sɩɩ ŋaa vɛŋ woruŋ.

MOSIS BƖRA WULLI WƖA WOMBIIŊ 31:7

Ŋɩɩ nɛ Mosis yɩrɛ Josua Iziral tɩŋŋaa kala sɩpaaŋ a bʋla pʋ, “Nyɩrɛ ŋ bɔyɛ a kɛŋ tʋɔ-doluŋ, ŋ nɛ jaŋ kɛŋ nɩaa deemba a mʋ tintee-la La TƖƖNA sɩ hɛ niiŋ pɩ ba naabalɩmaba arɩ ʋ jaŋ joŋo pɩba a kɛŋ tintee-la kpaa pɩba dɩ ʋ ŋaa ba kʋŋ.

MOSIS BƖRA WULLI WƖA WOMBIIŊ 4:2

Má pɔ ma sɩ́ wɩɩ kaa pɛ wɩalɩŋ mɩ sɩ dagɛma lɛ, koo a keri wɩalɩŋ kʋŋ ta. Má tuto ma TƖƖNA Wɩa niiri-la kala mɩ sɩ dagɛma.

MOSIS BƖRA WULLI WƖA WOMBIIŊ 5:32

Ŋɩɩ wɩaa, má hɛ doluŋ aŋ to wɩalɩŋ kala ma TƖƖNA Wɩa sɩ dagɛma, má sɩ́ begilu.

JOSUA 1:1

La TƖƖNA tɩntɩnna Mosis sʋʋŋ harɩŋ lɛ, La TƖƖNA fa bʋl wɩaa a pɩ Nuŋ nanʋala Josua, nɩɩ-la fa sɩ pɛ Mosis lɛ ba tɩtɩŋ.

JOSUA 1:8

Kɩkarɩmɛ teŋ-la Mosis sɩ ŋmʋnsɛ mɩ wombiee hɛ bʋa na-kala, aŋ kɛmba chʋchɔgɩsɛ ŋ tʋɔŋ lɛ tɩtaŋɩŋ arɩ wɩɩhɛyɛ, aŋ fɩɛlɛ ŋ sɩaa a to wɩalɩŋ kala ba sɩ ŋmʋnsa hɛ ʋ lɛ. Dɩ ŋ nɛ ŋaa ŋɩɩ, ŋ wɩɩkala jaŋ chaasa vɛŋ woruŋ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

JOSUA 11:15

La TƖƖNA fa sɩ dagɛ ʋ tɩntɩnna Mosis ŋɩɩ, ŋɩɩ tɩtɩa nɛ Mosis ma dagɛ Josua ʋ ŋaa. Wɩalɩŋ kala La TƖƖNA fa sɩ dagɛ Mosis, ba kala nɛ Josua fa ŋaa, ʋ bɩ ba kʋŋkala kere ta.

JOSUA 23:6

Má chɩŋ kpaŋkpaŋ, a fɩɛlɛ ma sɩaa a to wombie-la kala Mosis sɩ ŋmʋnsa bil teniŋ tʋɔŋ, a sɩ́ begile mʋ nadiiŋ koo nagʋa.