JOSUA 1:6 - WƖA TENIŊ

⁶ Nyɩrɛ ŋ bɔyɛ a kɛŋ tʋɔ-doluŋ, bɛɛ wɩaa ŋ nɛ jaŋ laa nɩaa deemba sɩpaaŋ dɩ ma mʋ laa tintee-la tɩɩ, tintee-la mɩ fa sɩ hɛ niiŋ a pɩ ba naabalɩmaba arɩ mɩ jaŋ joŋo pɩba.

JOSUA 1:6 ပူးပေါင်းရင်းမြစ်များ

WƖAA DƖ-SUOMUŊ 12:7

Ŋɩɩ nɛ La TƖƖNA kɛŋ ʋ tɩtɩa dagɛ Abɩram, aŋ bʋla pʋ, “Mɩ jaŋ joŋ tinteeŋ deeŋ a pɩ ŋ dɩ ŋ doho nɩaa.” Ŋɩɩ nɛ Abɩram saa Wɩɩsʋllɩ koruŋ a pɩ La TƖƖNA, lee-la ʋ sɩ kɛŋ ʋ tɩtɩa dagʋ.

WƖAA DƖ-SUOMUŊ 26:3

Hɔŋ tinteeŋ deeŋ lɛ mʋa, mɩ jaŋ chɩŋ ŋ harɩŋ a pɛ ŋ lɛ. Ŋ dɩ ŋ doho nɩaa nɛ mɩ jaŋ joŋ leriŋ deeŋ pa arɩ mɩ sɩ bil niiŋ pɩ ŋ nyɩmma Abɩraham ŋɩɩ.

2 SAMƲƐL 10:12

Nyɩrɛ bɔyɛ a kɛŋ bɔɩ-duoŋ dɩ la yuo laa la nɩaa arɩ la Wɩa tasɩŋ. La TƖƖNA jaŋ leŋ dɩ wɩɩ-la sɩ zɔmɔ pʋ chɩŋ.”

1 KUOROO 2:2

Ʋ sɩ, “Mɩ sʋʋŋ yie nɛ, ŋɩɩ wɩaa nyɩrɛ bɔyɛ a kɛŋ tʋɔ-doluŋ.

1 IZIRAL TƖŊŊAA NAABARƖŊ 22:13

Dɩ ŋ nɛ fɩɛlɛ ŋ sɩaa a to ʋ niiriŋ arɩ ʋ wombie-la ʋ sɩ to Mosis lɛ a dagɛ Iziral tɩŋŋaa, wɩaa jaŋ vɛŋ woruŋ a pɩŋ. Nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ.

1 IZIRAL TƖŊŊAA NAABARƖŊ 28:10

Ʋ maga dɩ ŋ jɩŋ arɩ La TƖƖNA lɩɩsɩŋ nɛ dɩ ŋ saa ʋ dɩɩ-balɩŋ sɩ bɩ disiniŋ kɛnɛ. Kɛŋ tʋɔ-doluŋ a tɩŋ tɩntɩmɩɩ-la.”

1 IZIRAL TƖŊŊAA NAABARƖŊ 28:20

Devit bʋla pɩ ʋ nanʋala Solomoŋ, “Ʋ maga dɩ ŋ nyɩrɛ bɔyɛ a kɛŋ tʋɔ-doluŋ a tɩŋ tɩntɩmɩɩ-la. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ. Mɩ TƖƖNA Wɩa mɩ sɩ tɩmaa pa jaŋ pɛ ŋ lɛ. Ʋ bɩ jaŋ vɩaŋ ta, ʋ jaŋ pɛ ŋ lɛ dɩ ŋ tɩŋ ʋ dɩɩ-bal-la tɩntɩŋŋaa kala dɛrɛ.

2 IZIRAL TƖŊŊAA NAABARƖŊ 15:7

Ama ma-na, má kɛŋ bɔɩ-duoŋ a sɩ́ leŋe dɩ ma nandaasɩŋ yʋɔrɛ. Wɩalɩŋ kala ma sɩɩ ŋaa, ma jaŋ na ba nyʋʋrʋŋ.”

2 IZIRAL TƖŊŊAA NAABARƖŊ 20:11

Lɛɛlɛ, na ŋɩɩ ba sɩ joŋo ŋɩŋaa la lɛ, ba kɔ nɛ dɩ ba kirila ta tintee-la ŋ sɩ joŋo pɩla dɩ ʋ ŋaa la kʋŋ lɛ.

2 IZIRAL TƖŊŊAA NAABARƖŊ 20:7

La Wɩa, ŋ nɛ kiri tinteye-la nɩaa fa sɩ hɛ tinteeŋ deeŋ lɛ ta ŋ nɩaa Iziral tɩŋŋaa sɩpaaŋ, aŋ joŋo pɩ ŋ nandɔŋɔ Abɩraham doho nɩaa dɩ ʋ ŋaa ba kʋŋ a kaa mʋ wuu.

WƖA YƖƖLAA 27:14

Má kɛŋ yɩɛlaa a gbɛrɛ La Tɩɩna. Má nyɩrɛ bɔyɛ a kɛŋ tʋɔ-doluŋ a gbɛrɛ La Tɩɩna.

DANƖƐL 10:19

Ʋ bʋla pɩmɛ, “Wɩa choŋ nɛ woruŋ, sɩ́ fawʋllʋŋ fá, kɛŋ yarɩfɩɛlaa a faasa dol.” Ʋ sɩ bʋl ŋɩɩ, mɩ bɩra kɛŋ doluŋ a bʋl, “Mɩ nɩhɩaŋ, bʋl wɩaa pɩmɛ, ŋ sɩ folo pɩmɛ doluŋ.”

HAGAƖ 2:4

La TƖƖNA bɩra sɩ, “Zerubabɛl, kɛŋ bɔɩ-duoŋ a tɩŋ, Jehozadak nanʋala Josua ma sɩ ŋaa Wɩɩsʋllɩ sɩpaalaaraa nɩhɩaŋ, ŋ ma kɛŋ bɔɩ-duoŋ a tɩŋ. Ma nɩkaana-la kala sɩ hɛ tintee-la lɛ, má ma kɛŋ bɔɩ-duoŋ a tɩŋ. Mɩ hɛ ma teeŋ nɛ, mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 8:9

Wɩɩ-la La TƖƖNA doluŋ kala sɩ bʋla nɛ ŋ-la: “Ma-na nɩalɩŋ lɛɛlɛ sɩɩ nɩɩ wɩalɩŋ mɩ wʋlaabʋlla-la fa sɩ bʋla bʋa-la lɛ ba sɩɩ bil mɩ-na ma TƖƖNA doluŋ kala Tɩɩna dɩɩ-bal-la gentine, má nyɩrɛ bɔyɛ a wasa saa mɩ dɩɩ-bal-la.

NAMBABA 26:53

“Nɩaa deemba ŋ sɩ dɩɩsa, kɛŋ tintee-la kpaa pɩba a magɛ doho kala sɩ magɛ ŋɩɩ.

NAMBABA 33:53

aŋ laa tintee-la tɩɩ a hɔŋ nɩmɛ. Mɩ nɛ joŋo pɩma.

1 Kɔrɩntɩ Nɩaa 16:13

Má pɔ, a chɩŋ wɩalɩŋ ma sɩ laa dii lɛ kpaŋ kpaŋ. Má kɛŋ bɔɩ-duoŋ a kɛŋ doluŋ Wɩa teeŋ.

Ɛfɛsɩs Nɩaa 6:10

Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.

MOSIS BƖRA WULLI WƖA WOMBIIŊ 1:21

Má bee na tintee-la ma TƖƖNA Wɩa sɩ joŋo pɩma nɛ pɩŋ ma sɩpaaŋ ŋɩɩ, má mʋ a hɔŋ ʋ lɛ a tɩɩʋ arɩ ma nyɩmmaba Wɩa sɩ dagɛma ŋɩɩ. Má sɩ́ leŋe dɩ fawʋllʋŋ kɛmma koo dɩ ma nandaasɩŋ yʋɔrɛ.”

MOSIS BƖRA WULLI WƖA WOMBIIŊ 1:8

Leree deemba kala nɛ mɩ-na ma TƖƖNA hɛ niiŋ a pɩ ma naabalɩmaba Abɩraham, Aɩzɩk arɩ Jekɔb arɩ mɩ jaŋ joŋo pɩ ba dɩ ba doho nɩaa kala. Má mʋ hɔŋ nɩmɛ, ma nɛ tɩɩʋ.”

MOSIS BƖRA WULLI WƖA WOMBIIŊ 11:8

Ŋɩɩ wɩaa má to wɩalɩŋ kala mɩ sɩɩ dagɛma jɩnɩŋ. Dɩ ma nɛ toba, ma jaŋ kɛŋ doluŋ a wuo chol Jɔdaŋ fuo-la a jʋʋ tintee-la a laaʋ tɩɩ.

MOSIS BƖRA WULLI WƖA WOMBIIŊ 31:23

Ŋɩɩ nɛ aŋ ka La TƖƖNA bʋla pɩ Nuŋ nanʋala Josua, “Nyɩrɛ bɔyɛ a kɛŋ tʋɔ-doluŋ, bɛɛ wɩaa ŋ nɛ jaŋ kɛŋ Iziral tɩŋŋaa kaa mʋ tintee-la mɩ sɩ hɛ niiŋ dɩ mɩ joŋo pɩba. Mɩ jaŋ chɩŋ ŋ harɩŋ.”

2 Timoti 2:1

Ŋ-na mɩ bii Timoti, kɛŋ bɔɩ-duoŋ La Tɩɩna Yesu Kirisito lahɔrɩmɔ lɛ.

JOSUA 1:18

Nɩɩ-la kala sɩ bɩŋ sɛyɛ aŋ ŋaa wɩɩ a chei wɩalɩŋ ŋ sɩ daga, la jaŋ kpʋ tɩɩna. Ŋ-na nyɩrɛ ŋ bɔyɛ a kɛŋ tʋɔ-doluŋ.”

JOSUA 1:7

Nyɩrɛ bɔyɛ a leŋ dɩ ŋ tʋɔŋ faasa dol. Fɩɛlɛ ŋ sɩaa a to wombii-la kala mɩ tɩntɩnna Mosis sɩ dagɩŋ. Pɔ dɩ ŋ sɩ́ begilu wombii-la lɛ a mʋ nadiiŋ koo nagʋa, dɩ wɩɩkala ŋ sɩɩ ŋaa vɛŋ woruŋ pɩŋ lee na-kala ŋ sɩ jaŋ mʋ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

JOSUA 10:25

Josua bɩra bʋla pɩba, “Má sɩ́ fawʋllʋŋ fá, má sɩ́ leŋe dɩ ma nandaasɩŋ yʋɔrɛ. Má nyɩrɛ bɔyɛ a kɛŋ tʋɔ-doluŋ. Wɩɩ-la La TƖƖNA sɩ jaŋ joŋo ŋaa ma dʋndɔmɔ-la kala sɩ jaŋ yuyuo ma lɛ nɛ ŋɩɩ.”

JOSUA 13:6

Nɩalɩŋ kala sɩ hɔŋ peelee nyuŋ, a chɩŋ Lɛbanɔŋ tinteeŋ a kaa mʋ yi Mɩsɩrɛfɔf Meem, ba kala ŋaa Sidonia tɩmma nɛ. Mɩ-na tɩtɩa nɛ jaŋ kiriba ta Iziral tɩŋŋaa sɩpaaŋ. Tinteeŋ deeŋ nɛ, ŋ jaŋ kaa kpaa Iziral tɩŋŋaa arɩ mɩ sɩ dagɩŋ ŋɩɩ, dɩ ʋ ŋaa ba kʋŋ.

JOSUA 18:3

Ŋɩɩ nɛ Josua pɩɛsɛ Iziral tɩmma-la, “Ɛɛ nɛ ma chɩchɛ dɩ ma diene magɛ aŋ-na sii a laa tintee-la La TƖƖNA, ma naabalɩmaba Wɩa sɩ jaŋ joŋo pɩma dɩ ʋ ŋaa ma kʋŋ?

JOSUA 21:43

La TƖƖNA joŋ tintee-la kala ʋ fa sɩ hɛ niiŋ a pɩ Iziral tɩŋŋaa naabalɩmaba, arɩ ʋ jaŋ joŋo pɩba dɩ ʋ ŋaa ba kʋŋ pɩba nɛ. Ba hɔŋ nɩmɛ.

JOSUA 5:6

Iziral tɩŋŋaa fa baarɛ tintee-hɩlɩŋ tʋɔŋ jɩsɩŋ mahɩŋ balɩa nɛ deeŋ deeŋ, baala-la kala sɩ magɛ laalɩŋ yuonuŋ a lɩɩ Ijipiti tinteeŋ sʋʋ dɛrɛ, bɛɛ wɩaa ba fa vɩa La TƖƖNA niiŋ nɛ. La TƖƖNA fa chaasa ŋmɩɛsɛ nɛ arɩ ba bɩ jaŋ na tintee-la ʋ sɩ hɛ niiŋ a pɩ ba naabalɩmaba arɩ ʋ jaŋ joŋo pɩba, tintee-la sɩ chaasa sɩŋ a kɛŋ kɩaa woruŋ.

1 SAMƲƐL 4:9

Fɩlɩsɩtɩa tɩmma, má nyɩrɛ bɔyɛ, a yuo arɩ baalɩŋ, dɩ ŋɩɩ dee ma jaŋ bɩrɩmɛ Hiburu tɩmma-la yosi arɩ ba fa sɩ ŋaa ma yosi ŋɩɩ.”