JOSUA 1:5 - WƖA TENIŊ

⁵ Josua, ŋ mɩɩsɩŋ kala lɛ, nʋʋkala bɩ jaŋ wuo yuo diiŋ. Mɩ jaŋ hɛ ŋ teeŋ arɩ mɩ fa sɩ hɛ Mosis teeŋ ŋɩɩ. Mɩ bɩ jaŋ kɔ dɩ mɩ vɩaŋ ta koo a lɩɩ ŋ harɩŋ.

JOSUA 1:5 ပူးပေါင်းရင်းမြစ်များ

WƖAA DƖ-SUOMUŊ 39:2

Ŋɩɩ nɛ Wɩa chɩŋ Josɛf harɩŋ, ʋ wɩɩkala wasɛ ʋ kʋhɩaŋ Ijipiti tɩɩna-la dɩa lɛ.

1 KUOROO 1:37

La TƖƖNA fa chɩŋ ŋ harɩŋ nɛ woruŋ, a leŋ dɩ ʋ chɩŋ Solomoŋ harɩŋ a kɩɩ ŋɩɩ, dɩ ʋ kuoruŋ yʋga kɩɩ ŋ kʋa.”

1 KUOROO 11:38

Dɩ ŋ nɛ ŋaa wɩalɩŋ kala mɩ sɩ dagɩŋ, a to mɩ wombiee a ŋaa wɩaa ba bʋa lɛ mɩ sɩpaaŋ a kɛŋ wɩalɩŋ kala mɩ sɩ daga a kaa tɩtɩŋ arɩ mɩ tɩntɩnna Devit fa sɩ ŋaa ŋɩɩ, mɩ jaŋ hɛ ŋ teeŋ bʋa na-kala. Mɩ jaŋ leŋ ŋ dɩ ŋ doho nɩaa didii kuoruŋ Iziral tinteeŋ lɛ bʋa na-kala, arɩ mɩ sɩ leŋe Devit doho nɩaa didii kuoruŋ ŋɩɩ. Iziral tinteeŋ kala jaŋ hɛ ŋ nɩsɩŋ lɛ.

1 KUOROO 6:13

Mɩ jaŋ guoli mɩ nɩaa Iziral tɩŋŋaa tʋɔŋ, mɩ bɩ jaŋ vɩaba ta.”

1 KUOROO 8:57

A leŋ dɩ La TƖƖNA Wɩa hɛ la teeŋ arɩ ʋ fa sɩ hɛ la naabalɩmaba teeŋ ŋɩɩ. Mɩɩ sʋlʋ dɩ ʋ hɛ la ma teeŋ a sɩ́ la vɩa ta.

1 IZIRAL TƖŊŊAA NAABARƖŊ 28:20

Devit bʋla pɩ ʋ nanʋala Solomoŋ, “Ʋ maga dɩ ŋ nyɩrɛ bɔyɛ a kɛŋ tʋɔ-doluŋ a tɩŋ tɩntɩmɩɩ-la. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ. Mɩ TƖƖNA Wɩa mɩ sɩ tɩmaa pa jaŋ pɛ ŋ lɛ. Ʋ bɩ jaŋ vɩaŋ ta, ʋ jaŋ pɛ ŋ lɛ dɩ ŋ tɩŋ ʋ dɩɩ-bal-la tɩntɩŋŋaa kala dɛrɛ.

WƖA YƖƖLAA 46:11

La Tɩɩna doluŋ kala Tɩɩna hɛ la teeŋ nɛ, Jekɔb Wɩa nɛ la dɩ-duoŋ.

MOSIS KƐŊ IZIRAL TƖŊŊAA LƖƖ 3:12

Ŋɩɩ nɛ Wɩa bʋl, “Mɩ jaŋ chɩŋ ŋ harɩŋ. Dɩ ŋ nɛ kɛŋ Iziral tɩmma-la kaa kɔ peeliŋ deeŋ nyuŋ dɩ ba chʋɔlɛmɛ daha, ŋɩɩ nɛ jaŋ dagɛ arɩ mɩ-na Wɩa nɛ tɩmɩŋ.”

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

JƐRƖMAAYA 1:8

Sɩ́ ba fá, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

DANƖƐL 11:16

Siiria kuoru-la sɩ kɔ dɩ ʋ yuoba jaŋ ŋaa wɩɩ-la kala ʋ sɩ cho. Nʋʋkala bɩ ʋ sɩpaaŋ jaŋ wuo chɩŋ. Ʋ dɩ laalɩyuoroo jaŋ chɩŋ Iziral tɩŋŋaa tintee-zɔŋ-la lɛ a yuo laa ʋ kala a cheyu.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Rom Tɩŋŋaa 8:31

Dɩ la nɛ jɩŋ wɩaa deemba kala, bɛɛ nɛ bɩra ka dɩ la bʋl? Dɩ Wɩa nɛ chɩŋ la harɩŋ, kʋbɛɛ ma nɛ bɩra kɛŋ doluŋ a kɩɩla?

Rom Tɩŋŋaa 8:37

Arɩ ŋɩɩ kala, dɩ wɩaa deemba kʋŋkala nɛ kʋ jʋʋla, la yie wuo yuo dii nɛ a tɩŋ nɩɩ-la sɩ chola wɩaa.

MOSIS BƖRA WULLI WƖA WOMBIIŊ 20:1

Dɩ laalɩŋ nɛ sii ma dɩ ma dʋndɔŋŋɔɔ pɛgɛ, dɩ ma nɛ na ba janɩŋ arɩ ba janɩŋ torukoba arɩ ba laalɩyuoroo dɩ ba yʋga kɩɩma, má sɩ́ leŋe dɩ fawʋllʋŋ kɛmma, bɛɛ wɩaa ma TƖƖNA Wɩa sɩ kɛmma kaa lɩɩ Ijipiti tinteeŋ lɛ chɩŋ ma harɩŋ nɛ.

MOSIS BƖRA WULLI WƖA WOMBIIŊ 20:4

Ma Tɩɩna Wɩa nɛ kɛmma vɩvɛŋ, ʋ jaŋ yuo dii ma dʋndɔŋŋɔɔ a pɩma.”

MOSIS BƖRA WULLI WƖA WOMBIIŊ 31:23

Ŋɩɩ nɛ aŋ ka La TƖƖNA bʋla pɩ Nuŋ nanʋala Josua, “Nyɩrɛ bɔyɛ a kɛŋ tʋɔ-doluŋ, bɛɛ wɩaa ŋ nɛ jaŋ kɛŋ Iziral tɩŋŋaa kaa mʋ tintee-la mɩ sɩ hɛ niiŋ dɩ mɩ joŋo pɩba. Mɩ jaŋ chɩŋ ŋ harɩŋ.”

MOSIS BƖRA WULLI WƖA WOMBIIŊ 4:31

Ma TƖƖNA ŋaa Wɩa sɩɩ fa nɩaa nenige nɛ. Ʋ bɩ jaŋ vɩama ta koo a cheima. Ʋ bɩ jaŋ yʋ nii-la sɩ hɛ ʋ dɩ ma naabalɩmaba pɛgɛ wɩaa.

MOSIS BƖRA WULLI WƖA WOMBIIŊ 7:24

Ʋ jaŋ joŋ ba kuoroo ma a hɛ ma nɩsɩŋ lɛ, dɩ ma leŋ dɩ ba yɩraa lɛl dʋnɩa kala lɛ. Nɩalɩŋ kʋŋkala bɩ jaŋ wuo yuo diima. Ma nɛ jaŋ yuo diiba a cheiba.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

Hiburu TƖŊŊAA 13:5

Má sɩ́ faasa cho moribiee kɩŋkɛŋ. Kɩalɩŋ ma sɩ kɛnɛ, má leŋ dɩ ma sɩɩŋ suba. Ŋ-la nɛ Wɩa bʋl ʋ teniŋ tʋɔŋ. Ʋ sɩ, “Mɩ bɩ jaŋ vɩama ta. Mɩ bɩ jaŋ kɔ dɩ mɩ lɩɩ ma harɩŋ.”

JOSUA 1:17

La sɩ to Mosis niiŋ ŋɩɩ, ŋɩɩ tɩtɩa nɛ la jaŋ to ŋ ma niiŋ, a leŋ dɩ La TƖƖNA Wɩa hɛ ŋ teeŋ arɩ ʋ fa sɩ hɛ Mosis teeŋ ŋɩɩ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

JOSUA 10:8

La TƖƖNA bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, mɩ jomba hɛ ŋ nɩsɩŋ lɛ nɛ. Ba kʋŋkala bɩ ŋ sɩpaaŋ wuo chɩŋ.”

JOSUA 21:44

La TƖƖNA fa pɩ Iziral tɩŋŋaa wiese nɛ sɛmɛ na-kala, arɩ ʋ fa sɩ hɛ niiŋ ŋɩɩ a pɩ ba naabalɩmaba. Ba dʋndɔŋ-kala fa bɩ wuo yuo diiba. La TƖƖNA joŋ ba dʋndɔŋŋɔɔ kala a hɛ ba nɩsɩŋ lɛ nɛ ba wuoba.

JOSUA 3:7

Ŋɩɩ nɛ La TƖƖNA bʋla pɩ Josua, “Jɩnɩŋ mɩ jaŋ suomo to ŋ lɛ a ŋaa wɩaa Iziral tɩŋŋaa sɩɩŋ lɛ a leŋ dɩ ŋ ŋaa nɩyuŋi ba teeŋ, dɩ ba jɩŋ arɩ mɩ hɛ ŋ teeŋ nɛ arɩ mɩ fa sɩ hɛ Mosis teeŋ ŋɩɩ.

JOSUA 6:27

La TƖƖNA fa chɩŋ Josua harɩŋ nɛ woruŋ, ʋ yɩrɩŋ teeli tintee-la kala.

SƖPAALAARAA 2:18

Bʋa na-kala dɩ La TƖƖNA nɛ lɩɩsɛ sɩpaalaara pɩba, ʋ yie chɩŋ sɩpaa-laarʋ-la harɩŋ nɛ, a lɩɩsɛ Iziral tɩŋŋaa ba dʋndɔŋŋɔɔ nɩsɩŋ lɛ sɩpaa-laarʋ-la mɩɩsɩŋ kala lɛ. Bʋa na-kala dɩ ba dʋndɔŋŋɔɔ nɛ dɔgɩsɛba dɩ ba na hɛɛŋ a yele pʋ, ʋ yie fá ba nenige nɛ a laaba ta.

SƖPAALAARAA 6:16

La TƖƖNA bʋla pʋ, “Mɩ jaŋ chɩŋ ŋ harɩŋ, dɩ ŋ wuo kpʋ Midiaŋ tɩŋŋaa kala hɛ dɔŋɔ.”

1 SAMƲƐL 10:7

Dɩ wʋmagɩlaa deemba kala nɛ kʋ ŋaa ŋ lɛ, wɩɩ-la na-kala ŋ sɩ bene dɩ ʋ zɔmɔ, ŋaa. Wɩa chɩŋ ŋ harɩŋ nɛ.