JOSUA 1:2 - WƖA TENIŊ

² Ʋ sɩ, “Mɩ tɩntɩnna Mosis sʋba nɛ, ŋɩɩ wɩaa, ŋ dɩ Iziral tɩŋŋaa kala kɛŋ ma tɩtɩa hɛ dɔŋɔ a chol Jɔdaŋ fuo-la a mʋ tintee-la mɩ sɩ jaŋ joŋo pɩma.

JOSUA 1:2 ပူးပေါင်းရင်းမြစ်များ

WƖAA DƖ-SUOMUŊ 17:8

Kɛnaŋ tinteeŋ deeŋ lɛ ŋ sɩ hɛ a ŋaa nʋhʋɔrʋ ŋ-la, mɩ jaŋ joŋu pɩ ŋ dɩ ŋ doho nɩaa dɩ ʋ ŋaa ma kʋŋ a kaa mʋ wuu dɩ mɩ ŋaa ba Wɩa.”

NƐHƖMAAYA 9:23

Ŋ leŋe ba biiriŋ yʋgɛ nɛ a nagɛ chɛnwʋlaa sɩ hɛ wɩa-nyuŋ. Ŋ kɛmba kaa kʋ jʋʋ tintee-la ŋ sɩ bʋla pɩ ba naabalɩmaba dɩ ba mʋ laa tɩɩ nɛ.

JOB 1:8

Ŋɩɩ nɛ La TƖƖNA pɩɛsʋ, “Ŋ na mɩ tɩntɩnna Job nɛɛ? Nʋʋkala tuo dʋnɩa lɛ a nagʋ. Ʋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋʋ fá mɩ-na Wɩa nɛ woruŋ a bɩ chɛ dɩ ʋ sɩɩŋ na wʋbɔmʋŋ.”

AZAAYA 42:1

La TƖƖNA sɩ, “Mɩ tɩntɩnna nɛ ŋ-la, mɩ nɛ leŋe ʋ kɛŋ doluŋ. Ʋ nɛ mɩ lɩɩsɛ mɩ tʋɔŋ tɔrɛ ʋ nyuŋ. Mɩ joŋ mɩ Dɩma a hɛ ʋ lɛ nɛ, dɩ ʋ leŋ dɩ wʋtɩtɩɩ chɩŋ tinteyee kala lɛ.

NAMBABA 12:7

Ama ŋɩɩ dee mɩ yie bʋl wɩaa mɩ tɩntɩnna Mosis teeŋ. Mɩ laaʋ dii nɛ a joŋ mɩ nɩaa kala hɛ ʋ nɩsɩŋ lɛ.

MOSIS BƖRA WULLI WƖA WOMBIIŊ 3:28

Ama dagɛ Josua wɩalɩŋ ʋ sɩ jaŋ ŋaa, a pʋ doluŋ a leŋ dɩ ʋ nyuŋ nyaasɛ, bɛɛ wɩaa ʋ nɛ jaŋ laa Iziral tɩŋŋaa sɩpaaŋ a kɛŋ ba chol Jɔdaŋ fuo-la dɩ ba yuo laa tintee-la ŋ sɩ jɩl peeliŋ a na.”

MOSIS BƖRA WULLI WƖA WOMBIIŊ 31:7

Ŋɩɩ nɛ Mosis yɩrɛ Josua Iziral tɩŋŋaa kala sɩpaaŋ a bʋla pʋ, “Nyɩrɛ ŋ bɔyɛ a kɛŋ tʋɔ-doluŋ, ŋ nɛ jaŋ kɛŋ nɩaa deemba a mʋ tintee-la La TƖƖNA sɩ hɛ niiŋ pɩ ba naabalɩmaba arɩ ʋ jaŋ joŋo pɩba a kɛŋ tintee-la kpaa pɩba dɩ ʋ ŋaa ba kʋŋ.

MOSIS BƖRA WULLI WƖA WOMBIIŊ 34:5

Ŋɩɩ nɛ Mosis, La TƖƖNA tɩntɩnna sʋʋ Mʋab tintee-la lɛ arɩ La TƖƖNA sɩ bʋl ŋɩɩ.

JOSUA 1:1

La TƖƖNA tɩntɩnna Mosis sʋʋŋ harɩŋ lɛ, La TƖƖNA fa bʋl wɩaa a pɩ Nuŋ nanʋala Josua, nɩɩ-la fa sɩ pɛ Mosis lɛ ba tɩtɩŋ.

JOSUA 1:11

“Má jʋʋ ma dɩhɔnʋŋ a gɔllɔ bʋla pɩ nɩaa kala dɩ ba ŋaa ba kʋdiilee a kɛŋ ba tɩtɩa hɛ dɔŋɔ. A chɩŋ jɩnɩŋ a kaa mʋ tapʋlaa batori pɛgɛ, ma jaŋ chol Jɔdaŋ fuoŋ a mʋ laa tintee-la ma TƖƖNA Wɩa sɩ joŋo pɩpɩma dɩ ʋ ŋaa ma kʋŋ.”