JOSUA 1:17 - WƖA TENIŊ

¹⁷ La sɩ to Mosis niiŋ ŋɩɩ, ŋɩɩ tɩtɩa nɛ la jaŋ to ŋ ma niiŋ, a leŋ dɩ La TƖƖNA Wɩa hɛ ŋ teeŋ arɩ ʋ fa sɩ hɛ Mosis teeŋ ŋɩɩ.

JOSUA 1:17 ပူးပေါင်းရင်းမြစ်များ

2 SAMƲƐL 14:17

Kuoro, mɩ nɩhɩaŋ, mɩ bʋl mɩ tʋɔŋ lɛ arɩ ŋ wʋbʋlaa jaŋ wuo laamɛ ta dɩ mɩ wiesi, bɛɛ wɩaa ŋ-na kuoro nagɛ Wɩa-tɩndaara nɛ, a jɩŋ wʋzɔmʋŋ arɩ wʋbɔmʋŋ bʋa. A leŋ dɩ La TƖƖNA ŋ Wɩa chɩŋ ŋ harɩŋ.”

1 KUOROO 1:37

La TƖƖNA fa chɩŋ ŋ harɩŋ nɛ woruŋ, a leŋ dɩ ʋ chɩŋ Solomoŋ harɩŋ a kɩɩ ŋɩɩ, dɩ ʋ kuoruŋ yʋga kɩɩ ŋ kʋa.”

1 IZIRAL TƖŊŊAA NAABARƖŊ 28:20

Devit bʋla pɩ ʋ nanʋala Solomoŋ, “Ʋ maga dɩ ŋ nyɩrɛ bɔyɛ a kɛŋ tʋɔ-doluŋ a tɩŋ tɩntɩmɩɩ-la. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ. Mɩ TƖƖNA Wɩa mɩ sɩ tɩmaa pa jaŋ pɛ ŋ lɛ. Ʋ bɩ jaŋ vɩaŋ ta, ʋ jaŋ pɛ ŋ lɛ dɩ ŋ tɩŋ ʋ dɩɩ-bal-la tɩntɩŋŋaa kala dɛrɛ.

WƖA YƖƖLAA 20:1

Mɩɩ sʋl La Tɩɩna bʋa-la lɛ wɩaa sɩ jaŋ jʋʋŋ, dɩ ʋ jegile nɩɩ ŋ teeŋ, a leŋ dɩ Jekɔb Wɩa pɔŋ,

WƖA YƖƖLAA 20:4

a leŋ dɩ ʋ pɩŋ kɩalɩŋ kala ŋ sɩɩ chɛ, dɩ wɩɩkala ŋ sɩɩ bɩɩnʋ vɛŋ woruŋ pɩŋ.

WƖA YƖƖLAA 20:9

La Tɩɩna, laa kuoru-la ta! Dɩ la nɛ yɩrɩŋ, nɩɩ a fá la bunso.

NAMBABA 27:18

Ŋɩɩ nɛ La TƖƖNA bʋla pɩ Mosis, “Lɩɩsɛ Nuŋ nanʋala Josua, a joŋ ŋ nɩsɩŋ daŋ ʋ lɛ. Mɩ Dɩma hɛ ʋ lɛ nɛ.

NAMBABA 27:20

Chɔgɛ ŋ dol-la pʋ dɩ Iziral tɩŋŋaa kala tuto ʋ niiŋ.

Matiu 21:9

Nɩ-daŋ-la sɩ laa Yesu sɩpaaŋ arɩ nɩalɩŋ sɩɩ to ʋ harɩŋ suomo ŋɩŋaa goŋ a bʋl, “Tabarɩkala Devit nihii! Wɩa jaŋ pɛ nɩɩ-la sɩɩ kɔ La Tɩɩna doluŋ lɛ. Má leŋ dɩ la dɛnnɛ Wɩa.”

MOSIS BƖRA WULLI WƖA WOMBIIŊ 34:9

Nuŋ nanʋala Josua fa kɛŋ wʋjɩmɩŋ nɛ woruŋ, bɛɛ wɩaa Mosis fa joŋ ʋ nɩsɩŋ a daŋ ʋ lɛ nɛ a sʋl Wɩa pʋ. Ŋɩɩ nɛ Iziral tɩŋŋaa kala sɛɩ Josua niiŋ, a to wɩalɩŋ kala La TƖƖNA sɩ to Mosis lɛ a dagɛba.

JOSUA 1:16

Ŋɩɩ nɛ ba bʋla pɩ Josua, “La jaŋ ŋaa wɩɩ-la kala ŋ sɩ sɩ la ŋaa, lee na-kala ŋ sɩ sɩ la mʋ, la jaŋ mʋ.

JOSUA 1:18

Nɩɩ-la kala sɩ bɩŋ sɛyɛ aŋ ŋaa wɩɩ a chei wɩalɩŋ ŋ sɩ daga, la jaŋ kpʋ tɩɩna. Ŋ-na nyɩrɛ ŋ bɔyɛ a kɛŋ tʋɔ-doluŋ.”

JOSUA 1:5

Josua, ŋ mɩɩsɩŋ kala lɛ, nʋʋkala bɩ jaŋ wuo yuo diiŋ. Mɩ jaŋ hɛ ŋ teeŋ arɩ mɩ fa sɩ hɛ Mosis teeŋ ŋɩɩ. Mɩ bɩ jaŋ kɔ dɩ mɩ vɩaŋ ta koo a lɩɩ ŋ harɩŋ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

JOSUA 4:14

La TƖƖNA sɩ ŋaa wɩɩ-la tapʋlɩɩ-la Iziral tɩŋŋaa na, ŋɩɩ leŋe ba joŋ Josua ʋ ŋaa nɩyuŋi nɛ ba teeŋ. Ba zilu woruŋ ʋ mɩɩsɩŋ kala lɛ arɩ ba fa sɩɩ zil Mosis ŋɩɩ.

1 SAMƲƐL 17:37

La TƖƖNA sɩ lɩɩsɛmɛ naachigee arɩ lʋgʋmaa niiŋ lɛ, ʋ jaŋ lɩɩsɛmɛ Fɩlɩsɩtɩa tɩɩna deeŋ ma nɩsɩŋ lɛ.” Ŋɩɩ nɛ Sɔɔl bʋla pɩ Devit, “Mʋ, La TƖƖNA jaŋ chɩŋ ŋ harɩŋ.”

1 SAMƲƐL 20:13

Dɩ mɩ nɛ wuo jɩŋ dɩ mɩ nyɩmma ka chɛ dɩ ʋ ŋaaŋ wʋbɔŋ nɛ, aŋ vɩa dɩ mɩ bʋla pɩŋ, dɩ ŋ fá viiri arɩ yarɩfɩɛlaa, a leŋ dɩ La TƖƖNA dɔgɩsɛmɛ woruŋ. A leŋ dɩ La TƖƖNA chɩŋ ŋ harɩŋ arɩ ʋ fa sɩ chɩŋ mɩ nyɩmma harɩŋ ŋɩɩ.