JONA 4:2 - WƖA TENIŊ

² Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

JONA 4:2 ပူးပေါင်းရင်းမြစ်များ

1 KUOROO 19:4

aŋ tɩtɩa joŋ tapʋl bala a vɛnɛ mʋ tintee-hɩlɩŋ. Ʋ mʋ hɔŋ tɩa kʋbala bʋbʋɔŋ, aŋ sʋl Wɩa a chɩchɛ dɩ ʋ leŋ dɩ ʋ sʋʋ. Ʋ sɩ, “Mɩ TƖƖNA, mɩ na hɛɛŋ magɛ nɛ, leŋ dɩ mɩ sʋʋ. Mɩ bɩ mɩ naabalɩmaba kɩɩ.”

WƖA YƖƖLAA 103:8

La Tɩɩna kɛŋ zile a fɩfá nɩaa nenige, ʋ baanɩŋ bɩ lɩma lɩma ka sii, ʋ nɩaa chonuŋ ma bɩ dɩdɛrɩ kɛnɛ.

WƖA YƖƖLAA 145:8

La Tɩɩna ka fá nɩaa nenige nɛ, a kɛŋ zile. Ʋ baanɩŋ bɩ lɩma lɩma ka sii, ʋ cho nɩaa bʋa na-kala lɛ.

WƖA YƖƖLAA 78:38

Ama Wɩa fa ha fá ʋ nɩaa nenige nɛ, a joŋ ba wʋbɔŋŋɔɔ chɛba, a bɩ ba cheye. Naansɩɩŋ yʋga nɛ ʋ sɩ nyalɩma a bɩ baanɩŋ ka na ba nyuŋ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

WƖA YƖƖLAA 90:13

La Tɩɩna, sɩ́ baanɩŋ na ŋ tɩntɩnnaa nyuŋ a dieni, fá la nenige.

MOSIS KƐŊ IZIRAL TƖŊŊAA LƖƖ 32:14

Ŋɩɩ nɛ La TƖƖNA leŋ wʋbɔŋ-la ʋ fa sɩ bɩɩna dɩ ʋ joŋo ŋaa ʋ nɩaa lɛ.

JƐRƖMAAYA 18:8

dɩ tintee-la nɩaa mɩ sɩ bʋl ŋɩɩ pa nɛ bɩrɩma lɩɩ ba wʋbɔŋŋɔɔ lɛ, ŋɩɩ-na mɩ jaŋ lemba, mɩ bɩra bɩ jaŋ joŋ wʋlɔrʋŋ hɛ ba lɛ arɩ mɩ sɩ bɩɩnɛ ŋɩɩ.

JƐRƖMAAYA 20:7

La TƖƖNA, ŋ nyɩsɛmɛ nɛ, mɩ sɛɩ. Ŋ dolie kɩɩmɛ nɛ, a yuo diimi. Nɩaa ka sieri mɩ lɛ nɛ tapʋlɩɩ kala, nʋʋkala mʋmɔŋ mɩ lɛ.

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 42:10

‘Dɩ ma nɛ hɔŋ tinteeŋ deeŋ lɛ, mɩ jaŋ leŋ dɩ ma waa, mɩ bɩ jaŋ yigima lo. Mɩ jaŋ leŋ dɩ ma chɩŋ, mɩ bɩ jaŋ churima. Mɩ tʋɔŋ chaasa chei nɛ wʋlɔrʋnʋ-la mɩ sɩ joŋo hɛ ma lɛ.

AMƆS 7:3

Ŋɩɩ nɛ La Tɩɩna kɛŋ ʋ tʋɔbɩɩnaa bɩrɩmɛ a bʋl, “Wɩɩ-la ŋ sɩ na bɩra bɩ jaŋ ŋaa.”

AMƆS 7:6

La Tɩɩna Wɩɩjarɩbakɔ bɩra kɛŋ ʋ tʋɔbɩɩnaa bɩrɩmɛ a bʋl, “Wɩɩŋ deeŋ ma bɩra bɩ jaŋ ŋaa.”

JONA 1:3

Jona vɩa Wɩa niiŋ aŋ mɩɩra fá mʋmʋ lee-la ba sɩɩ yɩrɛ Taasɩs. Ʋ sɩ mʋ yi Jopa, ʋ na lɩɩŋ daboro sɩɩ mʋ nɩmɛ. Ʋ tiŋ moribiiŋ aŋ jʋʋ, dɩ ʋ duoro mʋ Taasɩs a fá lɛl La TƖƖNA teeŋ.

JONA 3:10

Wɩa sɩ na dɩ ba ŋaa ŋɩɩ, a leŋ ba wʋbɔŋŋɔɔ ŋaanɩŋ, ʋ fá ba nenige, ʋ bɩ ba kpʋa arɩ ʋ fa sɩ bɩɩnɛ ŋɩɩ.

JONA 3:9

Kapo, Wɩa baaŋ-la sɩ faasa sii la nyuŋ jaŋ fɩɛlɛ, dɩ ʋ joŋ la wʋbɔŋŋɔɔ chɛla dɩ la sɩ́ sʋʋ.”

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

Luuk 10:29

Ŋɩɩ nɛ Wɩa teniŋ kerichi-la chɩchɛ dɩ ʋ dagɛ arɩ ʋ kɛŋ wʋtɩtɩɩ. Ŋɩɩ nɛ ʋ pɩɛsɛ Yesu, “Kʋbɛɛ nɛ ŋaa mɩ dɔŋɔ tɩɩna?”

MOSIS BƖRA WULLI WƖA WOMBIIŊ 4:31

Ma TƖƖNA ŋaa Wɩa sɩɩ fa nɩaa nenige nɛ. Ʋ bɩ jaŋ vɩama ta koo a cheima. Ʋ bɩ jaŋ yʋ nii-la sɩ hɛ ʋ dɩ ma naabalɩmaba pɛgɛ wɩaa.