JONA 3:9 - WƖA TENIŊ

⁹ Kapo, Wɩa baaŋ-la sɩ faasa sii la nyuŋ jaŋ fɩɛlɛ, dɩ ʋ joŋ la wʋbɔŋŋɔɔ chɛla dɩ la sɩ́ sʋʋ.”

JONA 3:9 ပူးပေါင်းရင်းမြစ်များ

2 SAMƲƐL 12:22

Devit bʋl, “Bile fa sɩ weye, mɩ vɩa kʋdiilee nɛ aŋ yiyel, bɛɛ wɩaa mɩ fa bɩɩna La TƖƖNA jaŋ fá mɩ nenige a leŋ dɩ bile kɛŋ mɩɩsɩŋ.

WƖA YƖƖLAA 106:45

Ʋ tɩŋ ba wɩaa a liise yi nii-la sɩ hɛ ʋ dɩ ba pɛgɛ lɛ nɛ arɩ ʋ chono-la sɩ bɩ dɛrɛ lɛ, aŋ bɩrɩmɛ ʋ tʋɔbɩɩnaa.

WƖA YƖƖLAA 85:3

Ŋ fa sɩ faasa na baaŋ-la ba nyuŋ, ŋ joŋo ta nɛ.

WƖA YƖƖLAA 90:13

La Tɩɩna, sɩ́ baanɩŋ na ŋ tɩntɩnnaa nyuŋ a dieni, fá la nenige.

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

DANƖƐL 4:27

Ŋɩɩ wɩaa, kuoro, mɩɩ sʋlʋŋ, sɛɩ wɩɩ-la mɩ sɩ jaŋ dagɛ: Leŋ ŋ wʋbɔmɔ-la ŋaanɩŋ aŋ ŋɩŋaa wɩaa ba bʋa lɛ, a leŋ ŋ nɩbɔŋ wɩalɩŋ aŋ kɛŋ zile nɩalɩŋ ba sɩ nyaga bil lɛ. Ʋ ŋɩɩ nɛ jaŋ leŋ dɩ wɩaa vɛŋ woruŋ pɩŋ.”

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

JONA 1:15

Ŋɩɩ nɛ ka ba joŋ Jona yuo hɛ mʋgʋ-bal-la lɛ, lɩɩ-pel-la guu sigili.

JONA 1:6

Daboro-la kʋhɩaŋ tuu pɩɛsʋ, “Ɛɛ nɛ ŋ jaŋ wuo pɩŋ doŋ ŋ-la? Ŋ ma sii bunso pɩ ŋ vene, kapo ʋ jaŋ nɩɩ a fá la nenige dɩ la sɩ́ sʋʋ.”

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

ZEFANAAYA 2:3

Má chɛ La TƖƖNA, ma nɩalɩŋ kala sɩ kɛŋ ma tɩtɩa muuri a hɛ tintee-la lɛ, ma nɩalɩŋ sɩɩ ŋaa wɩalɩŋ ʋ sɩ daga, má kɛŋ tʋɔpʋla, a kɛŋ ma tɩtɩa muuri, ŋ bɩ pɔ ma jaŋ na leriŋ a kɛŋ ma nyusuŋ pɛllɛ tapʋlɩɩ-la La TƖƖNA sɩ jaŋ na baanɩŋ.

1 SAMƲƐL 6:5

Ʋ maga dɩ ma mɛ kɩalɩŋ sɩ nagɛ mɔpʋllʋŋ, a bɩra mɛ kɩalɩŋ sɩ nagɛ taatɩaa. Kɩaa deemba nɛ jʋʋ chichei ma tinteeŋ. Má kɛmba kaa mʋ zil Iziral tɩŋŋaa Wɩa. Kapo ʋ jaŋ leŋ ma dɩ ma vesiŋ arɩ ma tinteeŋ kala dɔgʋsʋŋ.