JONA 3:8 - WƖA TENIŊ

⁸ Ama má leŋ dɩ nʋʋkala laalɛ tʋɔ-chei gɛnnɩŋ, aŋ paa dɔnsʋŋ vɔɔ pʋsʋŋ a chaasa sʋl Wɩa woruŋ a leŋ yuosuŋ arɩ wʋbɔŋŋɔɔ ŋaanɩŋ.

JONA 3:8 ပူးပေါင်းရင်းမြစ်များ

JOB 16:17

Arɩ ŋɩɩ kala mɩ bɩ yuosu hɛ, mɩ Wɩɩ-chʋɔlʋŋ kala nɛ pʋlla.

JOB 36:10

Ʋ yie leŋ ba jegili wɩalɩŋ ʋ sɩ ŋaa a kɛmba tʋraa kɩɩ nɛ, aŋ bʋla pɩba dɩ ba bɩrɩma lɩɩ ba wʋbɔŋŋɔɔ lɛ.

AZAAYA 58:6

Nii-vɔbɩɩ-la doho mɩ sɩɩ chɛ nɛ ŋ-la: Má laa nɩalɩŋ wɩaa sɩ nyaga bil ba nɩna hɛɛŋ ta, a giri wʋbɔŋŋɔɔ ŋaanɩŋ, a laa nɩalɩŋ sɩ bɩ wɩɩ ŋaa ka baa dɔgɩsɛba ta.

AZAAYA 59:6

Ma badɛrɛ chakʋʋrɩba-la ma sɩ ŋaa, ba ŋaa pɛɩ nɛ ba bɩ jaŋ wuo pilime tɔ ma wʋbɔmɔ-la. Ma wɩɩkala ŋaa nɩbɔŋ wɩɩ nɛ, ma wʋŋaalaa kala ŋaa yuosuŋ nɛ.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 25:5

Ba sɩ, “Má kʋŋkala bɩrɩma lɩɩ ma wombii-bɔmɔ-la ma sɩɩ to arɩ wʋbɔmɔ-la ma sɩɩ ŋaa lɛ. Dɩ ma nɛ ŋaa ŋɩɩ, ma jaŋ wuo hɔŋ tintee-la lɛ La TƖƖNA sɩ joŋo pɩ ma dɩ ma naabalɩmaba a kaa mʋ wuu.

JƐRƖMAAYA 26:3

Kapo ba jaŋ jegile nɩɩ, dɩ ba kʋŋkala bɩrɩma lɩɩ ba wʋbɔŋŋɔɔ ŋaanɩŋ lɛ. Dɩ ba nɛ ŋaa ŋɩɩ, mɩ jaŋ kɛŋ mɩ tʋɔbɩɩnaa bɩrɩmɛ. Mɩ bɩra bɩ jaŋ kɛŋ wʋlɔrʋŋ kʋ hɛ ba lɛ, wʋlɔrʋ-la mɩ fa sɩ bɩɩna dɩ mɩ kaa kʋ hɛ ba lɛ a tɩŋ wʋbɔmɔ-la ba sɩ ŋaa wɩaa.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

DANƖƐL 4:27

Ŋɩɩ wɩaa, kuoro, mɩɩ sʋlʋŋ, sɛɩ wɩɩ-la mɩ sɩ jaŋ dagɛ: Leŋ ŋ wʋbɔmɔ-la ŋaanɩŋ aŋ ŋɩŋaa wɩaa ba bʋa lɛ, a leŋ ŋ nɩbɔŋ wɩalɩŋ aŋ kɛŋ zile nɩalɩŋ ba sɩ nyaga bil lɛ. Ʋ ŋɩɩ nɛ jaŋ leŋ dɩ wɩaa vɛŋ woruŋ pɩŋ.”

JOWƐL 1:14

Má leŋ dɩ nɩaa vɔɔ nii-la sɩɩ tɔrɛ Wɩa tʋɔŋ, má hilimi Wɩa yɩrɩŋ lɛ. Má yɩrɛ nɩhɩasɩŋ arɩ nɩalɩŋ kala sɩ hɛ tintee-la lɛ dɩ ba kɔ ma TƖƖNA Wɩa dɩa, a yele pɩ La TƖƖNA.

JONA 1:14

Ŋɩɩ nɛ ba bunso pɩ La TƖƖNA, “Ou, La TƖƖNA, jaaŋ jaaŋ, joŋo chɛla la sɩɩ chɛ dɩ la kpʋ baala deeŋ sɩ bɩ wɩɩ cheye. Sɩ́ la dɔgɩsʋ, bɛɛ wɩaa ŋ ŋaa wɩɩ-la ŋ sɩ cho nɛ.”

JONA 1:6

Daboro-la kʋhɩaŋ tuu pɩɛsʋ, “Ɛɛ nɛ ŋ jaŋ wuo pɩŋ doŋ ŋ-la? Ŋ ma sii bunso pɩ ŋ vene, kapo ʋ jaŋ nɩɩ a fá la nenige dɩ la sɩ́ sʋʋ.”

Matiu 3:8

Máa ŋaa wɩalɩŋ sɩ jaŋ dagɛ arɩ ma bɩrɩma lɩɩ ma wʋbɔŋŋɔɔ lɛ nɛ,

Tɩntɩŋŋaa 26:20

Ŋɩɩ nɛ mɩ suomo bʋl Wɩa wɩaa Damasɩkʋs lɛ arɩ Jerusalɛm lɛ a kaa mʋ Judiya tinteeŋ kala, arɩ nɩalɩŋ sɩ bɩ Juu tɩmma ŋaa tʋɔŋ. Mɩ bʋla pɩba dɩ ba bɩrɩma lɩɩ ba wʋbɔŋŋɔɔ lɛ aŋ bɩrɩma to Wɩa, a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”