JONA 3:5 - WƖA TENIŊ

⁵ Ba sɩ nɩɩ ŋɩɩ, Nɩnɩvɛ nɩaa laa Wɩa wɩaa dii. Ŋɩɩ nɛ ba sɩ dɩ nʋʋkala vɔɔ niiŋ, nɩhɩasɩŋ arɩ hambiisiŋ kala a laalɛ tʋɔ-chei gɛnnɩŋ.

JONA 3:5 ပူးပေါင်းရင်းမြစ်များ

2 KUOROO 19:1

Kuoro Hezikaaya sɩ nɩɩ wɩalɩŋ, ʋ kɛŋ ʋ gɛnnɩŋ kɩɛsɛ aa dagɛ tʋɔ-cheeŋ, aŋ paa tʋɔ-chei gɛnnɩŋ laalɛ a mʋ jʋʋ La TƖƖNA dɩɩ-bal-la sɩ hɛ Jerusalɛm lɛ.

2 IZIRAL TƖŊŊAA NAABARƖŊ 20:3

Fawʋllʋŋ kɛŋ Jehosafat, ʋ pɩɛsɛ La TƖƖNA dɩ ʋ na wɩɩ-la sɩ maga dɩ ʋ ŋaa, aŋ heele bʋla pɩ Juda tinteeŋ nɩaa kala ba vɔɔ niiŋ.

ƐZƖRA 8:21

La sɩ hɛ Ahava lɩɩ-libe-la ba sɩ kpɛrɛ leriŋ, mɩ leŋ la vɔɔ niiŋ, dɩ la kɛŋ la tɩtɩa muuri la Wɩa sɩpaaŋ dɩ la dɩ la biiriŋ vɛŋ la wombiiŋ woruŋ arɩ la kɩaa kala.

ƐSƖTA 4:1

Modikaaya sɩ nɩɩ teŋ-la ba sɩ ŋmʋnsa wɩaa, ʋ kɛŋ ʋ gɛnnɩŋ kɩɛsɛ aŋ ŋaa tʋɔrʋŋ bʋgɛ, a laalɛ tʋɔ-chei gɛrɩŋ a faasaa ŋmoo niiŋ.

MOSIS KƐŊ IZIRAL TƖŊŊAA LƖƖ 33:6

Ŋɩɩ nɛ Iziral tɩŋŋaa wuri ba kpɩɛraa kala ta peel-la ba sɩɩ yɩrɛ Sɩnaɩ bʋbʋɔŋ.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 36:9

Josaaya nanʋala Jehoyakim sɩ dii Juda kuoruŋ ʋ jɩsɩŋ banɔŋ chɛnsɩŋ nibi lɛ, bʋa-la lɛ nɛ Jerusalɛm nɩaa kala arɩ nɩalɩŋ sɩ lɩɩ Juda tasɩŋ kʋ vɔɔ niiŋ a sʋl La TƖƖNA.

JƐRƖMAAYA 42:1

Ŋɩɩ nɛ laalɩyuori-hɩasɩ-la kala a pɛ Karɩa nanʋala Johanaŋ lɛ arɩ Hosaaya nanʋala Jezania arɩ nɩalɩŋ kala a chɩŋ ba nɩbiisiŋ lɛ a kaa jɩl ba nɩbalaa

JƐRƖMAAYA 42:8

Ŋɩɩ nɛ ʋ yɩrɛ Karɩa nanʋala Johanaŋ arɩ laalɩyuori-hɩasɩ-la fa sɩ hɛ ʋ teeŋ arɩ nɩalɩŋ kala a chɩŋ ba nɩbiisiŋ lɛ a kaa jɩl ba nɩbalaa.

DANƖƐL 9:3

Ŋɩɩ nɛ mɩ chʋɔlɛ La TƖƖNA Wɩa a sʋlʋ, a vɔɔ niiŋ a laalɛ tʋɔ-chei gɛnnɩŋ a ŋaa tʋɔrʋŋ bʋgɛ.

JOWƐL 1:14

Má leŋ dɩ nɩaa vɔɔ nii-la sɩɩ tɔrɛ Wɩa tʋɔŋ, má hilimi Wɩa yɩrɩŋ lɛ. Má yɩrɛ nɩhɩasɩŋ arɩ nɩalɩŋ kala sɩ hɛ tintee-la lɛ dɩ ba kɔ ma TƖƖNA Wɩa dɩa, a yele pɩ La TƖƖNA.

JONA 3:7

Ŋɩɩ nɛ kuoro ŋaa ba heele pɩ Nɩnɩvɛ nɩaa a bʋl, “Kuoro arɩ ʋ nɩhɩasɩŋ sɩ nuhuobiiŋ koo pʋna kala bɩ maga dɩ ʋ dii kɩaa koo a nyʋa lɩɩŋ.

Matiu 12:41

Sarɩya chɛ-diiliŋ, Nɩnɩvɛ nɩaa ma jaŋ sii a joŋ cheeriŋ pɩ ma jɩnɩŋ nɩaa woruŋ. Bʋa-la lɛ Jona fa sɩ mʋ bʋl Wɩa wɩaa pɩ Nɩnɩvɛ nɩaa, ba bɩrɩma lɩɩ ba wʋbɔŋŋɔɔ lɛ nɛ a to Wɩa. Mɩ jaŋ bʋla pɩma arɩ nʋʋ nɛ hɛ ma tʋɔŋ a yʋga kɩɩ Jona, ka ma bɩ sɛɩ dɩ ma jegile nɩɩ ʋ wɩaa.”

Luuk 11:32

Sarɩya chɛ-diiliŋ, Nɩnɩvɛ nɩaa ma jaŋ sii a joŋ cheeriŋ a pɩma woruŋ. Bʋa-la lɛ Jona ma fa sɩ mʋ bʋl Wɩa wɩaa pɩ Nɩnɩvɛ nɩaa, ba bɩrɩma lɩɩ ba wʋbɔŋŋɔɔ lɛ nɛ aŋ to Wɩa. Mɩ jaŋ bʋla pɩma arɩ nʋʋ nɛ hɛ ma tʋɔŋ a yʋga kɩɩ Jona, ka ma bɩ sɛɩ dɩ ma jegile nɩɩ ʋ wɩaa.”

Tɩntɩŋŋaa 27:25

Ŋɩɩ wɩaa, mɩ naambiiriŋ, má nyɩrɛ bɔyɛ. Mɩ laa Wɩa dii arɩ wɩɩ-la kala ʋ sɩ bʋla pɩmɛ, ʋ jaŋ sɛnɛ ŋaa.

Tɩntɩŋŋaa 8:10

Nɩbalaa arɩ nɩbiisiŋ kala joŋ ba nyuŋ hɛ ʋ wʋŋaalaa lɛ a bʋl, “Baala deeŋ nɛ ŋaa wɩa. Ʋ kɛŋ doluŋ, dol-la ba sɩɩ yɩrɛ Wɩa dol-balɩŋ.”

Hiburu TƖŊŊAA 11:1

Dɩ ŋ nɛ laa Wɩa wɩaa dii, ŋ yie jɩŋ arɩ kɩalɩŋ ŋ sɩɩ yɩɛlʋ Wɩa teeŋ, ŋ jaŋ naba. Ŋ jaŋ jɩŋ arɩ kɩalɩŋ ŋ sɩɩŋ sɩ bɩ na sɛnɛ hɛ nɩmɛ nɛ.

Hiburu TƖŊŊAA 11:7

Nowa ma fa laa Wɩa wɩaa dii nɛ. Ŋɩɩ nɛ Wɩa kpʋrɩsɛ ʋ dɩgɩlaa a mʋ tɩgɛ wɩɩ-la sɩ jaŋ ŋaa dʋnɩa lɛ a pʋ, ʋ bɩ wɩɩ-la na aŋ sɛɩ Wɩa niiŋ a kpaasɛ lɩɩŋ daboro dɩ ʋ laa ʋ dɩ ʋ dɩa nɩaa ta. Nowa sɩ laa Wɩa wɩaa dii nɛ tɩɩ ʋ kʋ ŋaa tʋɔpʋl tɩɩna aŋ joŋ cheeriŋ a pɩ nɩkaana-la kala.

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”