JONA 3:10 - WƖA TENIŊ

¹⁰ Wɩa sɩ na dɩ ba ŋaa ŋɩɩ, a leŋ ba wʋbɔŋŋɔɔ ŋaanɩŋ, ʋ fá ba nenige, ʋ bɩ ba kpʋa arɩ ʋ fa sɩ bɩɩnɛ ŋɩɩ.

JONA 3:10 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 21:15

Ŋɩɩ nɛ Wɩa tɩŋ ʋ tɩndaara dɩ ʋ mʋ chei Jerusalɛm. Ama ʋ tɩndaarʋ-la sɩɩ chei leriŋ, La TƖƖNA tʋɔŋ chei, ʋ bʋla pɩ ʋ tɩndaarʋ-la sɩɩ kpʋ nɩalɩŋ, “Ʋ maga nɛ, lemba magɛ ŋɩɩ.” Bʋa-la lɛ dɩ La TƖƖNA tɩndaarʋ-la fa hɛ Jebus tɩɩna kʋbala ba sɩɩ yɩrɛ Araʋna taha lɛ.

MOSIS KƐŊ IZIRAL TƖŊŊAA LƖƖ 32:14

Ŋɩɩ nɛ La TƖƖNA leŋ wʋbɔŋ-la ʋ fa sɩ bɩɩna dɩ ʋ joŋo ŋaa ʋ nɩaa lɛ.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 30:18

La TƖƖNA ka gbɛrɛ nɛ dɩ ʋ dagɛma ʋ zile, ʋ jaŋ fá ma nenige. La TƖƖNA Wɩa kɛŋ wʋtɩtɩɩ nɛ woruŋ, ʋ jaŋ pɛ nɩalɩŋ kala sɩɩ gbɛrʋ lɛ.

JƐRƖMAAYA 18:7

Dɩ mɩ nɛ bʋla bʋa na-kala lɛ arɩ mɩ jaŋ churi tintee nɩaa koo kuoru-gentine a yige lo a cheiba,

JƐRƖMAAYA 18:8

dɩ tintee-la nɩaa mɩ sɩ bʋl ŋɩɩ pa nɛ bɩrɩma lɩɩ ba wʋbɔŋŋɔɔ lɛ, ŋɩɩ-na mɩ jaŋ lemba, mɩ bɩra bɩ jaŋ joŋ wʋlɔrʋŋ hɛ ba lɛ arɩ mɩ sɩ bɩɩnɛ ŋɩɩ.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 42:10

‘Dɩ ma nɛ hɔŋ tinteeŋ deeŋ lɛ, mɩ jaŋ leŋ dɩ ma waa, mɩ bɩ jaŋ yigima lo. Mɩ jaŋ leŋ dɩ ma chɩŋ, mɩ bɩ jaŋ churima. Mɩ tʋɔŋ chaasa chei nɛ wʋlɔrʋnʋ-la mɩ sɩ joŋo hɛ ma lɛ.

JOWƐL 2:13

Má leŋ dɩ ma tʋɔŋ nɛ chei aŋ sɩ́ ma gɛnnɩŋ nɛ kɩɛsʋ. Má mɩɩra kɔ ma TƖƖNA Wɩa teeŋ, ʋ nɛ kɛŋ zile, a fɩfá nɩaa nenige. Ʋ baanɩŋ bɩ lɩma lɩma ka sii, aŋ cho nɩaa ma woruŋ. Ʋ yie kɛŋ ʋ tɩtɩa hɛ dɔŋɔ dɩ ʋ joŋ wɩaa chɛla nɛ bʋa na-kala a bɩ chɛ ʋ dɔgɩsɛla.

AMƆS 7:3

Ŋɩɩ nɛ La Tɩɩna kɛŋ ʋ tʋɔbɩɩnaa bɩrɩmɛ a bʋl, “Wɩɩ-la ŋ sɩ na bɩra bɩ jaŋ ŋaa.”

AMƆS 7:6

La Tɩɩna Wɩɩjarɩbakɔ bɩra kɛŋ ʋ tʋɔbɩɩnaa bɩrɩmɛ a bʋl, “Wɩɩŋ deeŋ ma bɩra bɩ jaŋ ŋaa.”

JONA 4:11

Ama Nɩnɩvɛ kɛŋ nɩaa bʋɩ-zɔlɔ arɩ mara nɛ sɩ bɩ ba nadiiŋ arɩ ba nagʋa jɩŋ, a kɛŋ pʋŋ-daŋ ma. Ʋ maga dɩ mɩ lɩɩsɛ mɩ jɩa ta tabalɩŋ deeŋ lɛ nɛɛ?”

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

Luuk 11:32

Sarɩya chɛ-diiliŋ, Nɩnɩvɛ nɩaa ma jaŋ sii a joŋ cheeriŋ a pɩma woruŋ. Bʋa-la lɛ Jona ma fa sɩ mʋ bʋl Wɩa wɩaa pɩ Nɩnɩvɛ nɩaa, ba bɩrɩma lɩɩ ba wʋbɔŋŋɔɔ lɛ nɛ aŋ to Wɩa. Mɩ jaŋ bʋla pɩma arɩ nʋʋ nɛ hɛ ma tʋɔŋ a yʋga kɩɩ Jona, ka ma bɩ sɛɩ dɩ ma jegile nɩɩ ʋ wɩaa.”

Luuk 15:20

Ʋ sɩ kɔ ʋ nyɩmma teeŋ, ʋ fa ha hɛ dɩ-bolii nɛ, ka ʋ nyɩmma naʋ. Nenige kɛnʋ woruŋ. Ʋ fá mʋ a guoru.