JONA 2:2 - WƖA TENIŊ

² Ʋ sɩ, “Wɩaa sɩ jʋʋmɛ, mɩ bunso pɩ mɩ Tɩɩna nɛ, ʋ nɩɩ a lɩɩsɛmɛ sʋʋŋ bʋa lɛ.

JONA 2:2 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 33:12

Ʋ sɩ hɛ nɩmɛ a nɩna hɛɛŋ, ʋ leŋ ʋ sɩaa tuu tinteeŋ ʋ nyɩmmaba Wɩa teeŋ, aŋ sʋl ʋ TƖƖNA Wɩa dɩ ʋ pɛ ʋ lɛ.

WƖA YƖƖLAA 116:3

Sʋʋŋ ŋmɛsɩŋ vɔɔmɛ nɛ a golli, fawʋllʋŋ kɛmmɛ, wɩaa jʋʋmɛ, mɩ tʋɔŋ chei.

WƖA YƖƖLAA 120:1

Wɩaa sɩ jʋʋmɛ, mɩ yɩrɛ La Tɩɩna nɛ, ʋ laa mɩ sʋla.

WƖA YƖƖLAA 16:10

Mɩ nɛ ŋaa nɩɩ-la ŋ sɩ lɩɩsa, ŋ bɩ jaŋ leŋ dɩ mɩ ka bʋa tʋɔŋ, koo a mʋ lɛlɛɛ-jaŋ.

WƖA YƖƖLAA 22:24

La Tɩɩna bɩ nɩalɩŋ sɩɩ na hɛɛŋ wɩaa yʋa. Ʋ bɩ ba kaa gbigbesi ba wʋjʋʋlaa lɛ. Dɩ ba nɛ yɩrʋ dɩ ʋ pɛ ba lɛ, ʋ yie nɩɩ nɛ. Ʋ bɩ harɩŋ joŋo yɩyɩaba.

WƖA YƖƖLAA 34:6

Mɩ fa bɩ nʋʋ ŋaa, ama mɩ sɩ sʋl La Tɩɩna, ʋ laamɛ ta nɛ mɩ wʋjʋʋlaa kala lɛ.

WƖA YƖƖLAA 4:1

Mɩ Tɩɩna Wɩa, ŋ ŋaa tʋɔpʋl Tɩɩna nɛ. Dɩ mɩ nɛ yɩrɩŋ, jegile nɩɩ mɩ teeŋ. Lɩɩsɛmɛ hɛɛŋ lɛ, fá mɩ nisusuŋ aŋ laa mɩ sʋla.

WƖA YƖƖLAA 61:2

Mɩ hɛ dɩ-bolii nɛ aŋ yɩrɩŋ. Mɩ tʋɔŋ faasa chei nɛ mɩ ŋmoo niiŋ pɩpɩŋ. Laa mɩ sɩpaaŋ a kɛmmɛ kaa jɩl bʋŋ-la sɩ leŋie kɩɩmɛ.

WƖA YƖƖLAA 65:2

Nɩaa kala jaŋ kɔ ŋ teeŋ, bɛɛ wɩaa ŋ nɩɩ laa ba sʋla nɛ.

WƖA YƖƖLAA 86:13

Ŋ chomi nɛ kɩŋkɛŋ a chu tɔ mɩ lɛ, a laamɛ ta mɩ bɩ sʋba.

AZAAYA 14:9

Lɛlɛɛ-jaŋ kɛŋ ʋ tɩtɩa hɛ dɔŋɔ nɛ a gbɛrɛ dɩ Babɩlɔŋ kuoro kɔ ʋ teeŋ. Nɩalɩŋ kala fa sɩ ŋaa sɩpaalaaraa dʋnɩa lɛ aŋ sʋʋ, ba dɩnsɩŋ kɛŋ ba tɩtɩa hɛ dɔŋɔ nɛ dɩ ba laaŋ. Nɩalɩŋ kala fa sɩ ŋaa kuoroo a bibeŋ tinteyee aŋ sʋʋ, sii ba kuoru kpasɩnɩŋ nyuŋ nɛ, ba dɩnsɩŋ kɛŋ ba tɩtɩa hɛ dɔŋɔ nɛ dɩ ba cheme kɛnɩŋ.

JEMBIEE 3:55

La TƖƖNA, mɩ hɛ buotuo-luŋii-la lɛ nɛ aŋ yɩrɩŋ dɩ ŋ pɛ mɩ lɛ.

ƐZƖKƖƐL 26:20

Mɩ jaŋ leŋ dɩ ŋ mʋ lɛlɛɛ-jaŋ a pɛ faafaa nɩaa tʋɔŋ. Mɩ jaŋ leŋ dɩ ŋ hɛ bʋa tʋɔŋ. Ŋ bɩra bɩ jaŋ wuo guoli nɩweyee tʋɔŋ.

ƐZƖKƖƐL 31:14

Ŋɩɩ wɩaa, a chɩŋ lɛɛlɛ a kaa mʋ, tɩa kala bɩra bɩ jaŋ waa a magɛ ŋɩɩ a jɩlaa tɩgɛ wɩa-nyuŋ, ʋ cho ʋ na lɩɩŋ a mɩmagɛ ɛɛ kala. Ba kala jaŋ sʋʋ a nagɛ nuhuobiinee sɩ yie sʋʋ ŋɩɩ a mʋ lɛlɛɛ-jaŋ.”

Matiu 12:40

Jona fa sɩ hɛ chenfil-bal-la tʋɔŋ tapʋlaa batori wɩɩhɛyɛ arɩ tɩtaŋɩŋ kala, ŋɩɩ tɩtɩa nɛ mɩ-na Nuhuobiine Bie ma jaŋ hɛ sʋʋŋ bʋa tʋɔŋ tapʋlaa batori, wɩɩhɛyɛ arɩ tɩtaŋɩŋ kala.

Luuk 11:10

Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la kala sɩɩ chɛ kɩaa, ʋ yie na nɛ. Nɩɩ-la ma kala sɩ du boro, ba yie kaa suro pʋ nɛ.

Luuk 22:44

Ʋ tʋɔŋ fa faasa chei nɛ woruŋ. Ŋɩɩ nɛ ʋ chʋɔlɛ Wɩa arɩ sɩɩfɩɛsɩŋ, ʋ suoluŋ paala nagɛ chalɩŋ a tutuu tinteeŋ.]

Tɩntɩŋŋaa 2:27

Dɩ mɩ nɛ sʋba, ŋ bɩ jaŋ leŋ dɩ mɩ ka bʋa tʋɔŋ, koo a leŋ dɩ mɩ-na ŋ Tɩntɩnnɩ-tɩtɩɩ-la yaraa pʋa.

Hiburu TƖŊŊAA 5:7

Yesu fa sɩ hɛ ʋ mɩɩsɩŋ lɛ dʋnɩa deeŋ lɛ, ʋ chʋɔlɛ Wɩa a faasa yel sɩlɩɩrɩŋ a sʋl Wɩa, ʋ-na nɩɩ-la sɩ jaŋ wuo laa ʋ mɩɩsɩŋ ta dɩ ʋ sɩ́ sʋʋ. Yesu kɛŋ ʋ tɩtɩa muuri nɛ a ŋaa wɩalɩŋ sɩɩ tɔrɛ Wɩa tʋɔŋ, ŋɩɩ nɛ tɩɩ Wɩa laa ʋ Wɩɩsʋlʋŋ.

1 SAMƲƐL 1:16

Sɩ́ mɩ-na ŋ tɩntɩnna joŋo arɩ mɩ ŋaa hatɔɔ nɛ, ba lɩma kɛmmɛ nɛ. Mɩ tʋɔŋ nɛ cheye kɩŋkɛŋ mɩ sʋsʋl Wɩa ŋɩɩ.”

1 SAMƲƐL 30:6

Devit tʋɔŋ fa faasa chei, bɛɛ wɩaa, baala-la bʋla arɩ ba jaŋ yagʋ kpʋ arɩ tabɩaa a tɩŋ ba sɩ kɛsɛ ba hambolibiisiŋ arɩ hantolibiisiŋ viiri wɩaa. Ka La TƖƖNA Wɩa leŋ Devit ha kɛŋ bɔɩ-duoŋ.