JONA 1:6 - WƖA TENIŊ

⁶ Daboro-la kʋhɩaŋ tuu pɩɛsʋ, “Ɛɛ nɛ ŋ jaŋ wuo pɩŋ doŋ ŋ-la? Ŋ ma sii bunso pɩ ŋ vene, kapo ʋ jaŋ nɩɩ a fá la nenige dɩ la sɩ́ sʋʋ.”

JONA 1:6 ပူးပေါင်းရင်းမြစ်များ

2 SAMƲƐL 12:22

Devit bʋl, “Bile fa sɩ weye, mɩ vɩa kʋdiilee nɛ aŋ yiyel, bɛɛ wɩaa mɩ fa bɩɩna La TƖƖNA jaŋ fá mɩ nenige a leŋ dɩ bile kɛŋ mɩɩsɩŋ.

ƐSƖTA 4:16

“Kɛŋ Juu tɩmma-la kala sɩ hɛ Susa tinteeŋ lɛ hɛ dɔŋɔ a bʋla pɩba dɩ ba vɔɔ niiŋ wɩɩhɛyɛ arɩ tɩtaŋɩŋ kala tapʋlaa batori a sʋl Wɩa pɩmɛ. Mɩ dɩ mɩ ketiee ma jaŋ ŋaa ŋɩɩ tɩtɩa. Ʋ ŋɩɩ harɩŋ mɩ jaŋ jʋʋ kuoro teeŋ, dɩ ʋ nɛ paala magɛ dɩ mɩ sʋʋ ma, mɩ jaŋ sʋʋ.”

WƖA YƖƖLAA 107:6

Wɩaa chaasa jʋʋba nɛ ba ŋmoo niiŋ pɩ La Tɩɩna, ʋ laaba ta ba hɛɛŋ lɛ.

WƖA YƖƖLAA 78:34

Dɩ Wɩa nɛ kpʋ ba dɔnsʋŋ bʋa na-kala, nɩkaana-la yie mɩɩra chɛ ʋ leriŋ nɛ, a bɩrɩma lɩɩ ba wʋbɔŋŋɔɔ lɛ.

AZAAYA 3:15

La TƖƖNA doluŋ kala Tɩɩna sɩ, “Ma bɩ wombiiŋ kɛnɛ dɩ ma nʋɔsɛ mɩ nɩaa bil tinteeŋ a kɛŋ summoo jɩla tutuu.”

ƐZƖKƖƐL 18:2

“Namaga deeŋ ma sɩ yie magɛ Iziral tinteeŋ lɛ bʋbʋɔŋ nɛ bɛɛ? ‘Nyɩmmaba nɛ chaŋ girep nɛŋ huoruŋ, aŋ ka ba biiriŋ nyɩlaa mɩɩra nyal.’

JOWƐL 2:11

La TƖƖNA kpɩa ʋ laalɩyuoroo lɛ nɛ. Ʋ laalɩyuoroo bɩ nii kɛnɛ. Nɩalɩŋ sɩɩ to ʋ niiŋ ŋaa nɩduoru nɛ. La TƖƖNA tapʋlɩɩ-la ŋaa tapʋl-bal nɛ a kɛŋ fawʋllʋŋ woruŋ. Kʋbɛɛ nɛ jaŋ wuo nyalɩmɛ tapʋlɩɩ-la?

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

JONA 3:8

Ama má leŋ dɩ nʋʋkala laalɛ tʋɔ-chei gɛnnɩŋ, aŋ paa dɔnsʋŋ vɔɔ pʋsʋŋ a chaasa sʋl Wɩa woruŋ a leŋ yuosuŋ arɩ wʋbɔŋŋɔɔ ŋaanɩŋ.

JONA 3:9

Kapo, Wɩa baaŋ-la sɩ faasa sii la nyuŋ jaŋ fɩɛlɛ, dɩ ʋ joŋ la wʋbɔŋŋɔɔ chɛla dɩ la sɩ́ sʋʋ.”

Tɩntɩŋŋaa 21:13

Ŋɩɩ nɛ Pɔɔl bʋla pɩba, “Bɛɛ nɛ tɩɩ ma yiyel ŋ-la a ŋaa mɩ tʋɔŋ chichei? Dɩ ba nɛ jaŋ kɛmmɛ vɔɔ, koo dɩ ba nɛ kpʋmɛ ma Jerusalɛm lɛ a tɩŋ mɩ Tɩɩna Yesu wɩaa, mɩ sɛyɛ nɛ.”

Rom Tɩŋŋaa 13:11

Máa ŋaa wɩaa deemba. Ma paala jɩŋ bʋa deeŋ lɛ la sɩ hɛ sɩ nagɛ ŋɩɩ nɛ. Bʋa-la lɛ ma sɩ jaŋ sii doŋ lɛ yie nɛ. Bʋa-la lɛ Wɩa sɩ jaŋ laala ta dʋnɩa deeŋ lɛ faasa kpagɛ nɛ. Ʋ nɛ kpaga kɩɩ bʋa-la lɛ la sɩ laa sɩpaaŋ laa Yesu wɩaa dii.

Ɛfɛsɩs Nɩaa 5:14

Ŋɩɩ wɩaa nɛ tɩɩ ba bʋl, “Ma nɩalɩŋ sɩ pɩŋ doŋ a nagɛ ma sʋba, má sii doŋ lɛ. Kirisito jaŋ chaana hɛ ma lɛ.”