JONA 1:16 - WƖA TENIŊ

¹⁶ Lɩɩ-pel-la sɩ guu sigili ŋɩɩ, nɩalɩŋ faasa fá La TƖƖNA. Ba kpʋ pʋsʋŋ a ŋaa Wɩɩsʋlʋŋ pɩ La TƖƖNA aŋ ta niiree ʋ teeŋ.

JONA 1:16 ပူးပေါင်းရင်းမြစ်များ

WƖAA DƖ-SUOMUŊ 28:20

Jekɔb ta niiŋ a bʋl, “Dɩ Wɩa nɛ jaŋ chɩŋ mɩ harɩŋ a pɔmɛ wombiiŋ deeŋ mɩ sɩ joŋo lɛ, a pɩmɛ kʋdiilee dɩ mɩ dii arɩ gɛnnɩŋ mɩ laalɛ,

WƖAA DƖ-SUOMUŊ 8:20

Ŋɩɩ nɛ Nowa saa Wɩɩsʋllɩ koruŋ a pɩ La TƖƖNA a kɛsɛ kɩalɩŋ ba sɩ bɩ kɩsɛ: Pʋsʋŋ doho kala dɔnsʋŋ arɩ zaaraa doho kala dɔnsʋŋ, a kpʋ a ŋaa kʋnyɩgaa Wɩɩsʋlʋŋ a pɩ Wɩa Wɩɩsʋlʋŋ koru-la nyuŋ.

2 KUOROO 5:17

Naamaŋ bɩra bʋl, “Mɩɩ sʋlʋŋ, dɩ ŋ nɛ bɩ kʋŋkala jaŋ laa, leŋ dɩ mɩ-na ŋ tɩntɩnna ŋaa ma tinteeŋ hagɩla kakumo toruko sɩɩŋ bʋlɩa a kaa viiri. A chɩŋ lɛɛlɛ a kaa mʋ mɩ-na ŋ tɩntɩnna bɩra bɩ jaŋ kɔ dɩ mɩ nyɩgɛ kɩaa pɩ vene koo a kpaarɛ vene kala, see La TƖƖNA dʋndʋŋa.

JOB 37:24

Ŋɩɩ nɛ tɩɩ nɩaa zizilu, nɩalɩŋ sɩ bɩɩna ba jɩŋ wɩaa, ʋ yie yʋ ba wɩaa nɛ.”

WƖA YƖƖLAA 107:22

Ʋ maga dɩ ba kpʋ pʋsʋŋ a ŋaa Wɩɩsʋlʋŋ a lɔllʋ, a yɩɩ yɩɩlaa arɩ tʋɔtɔrʋŋ a dagɛ wɩalɩŋ ʋ sɩ ŋaa.

WƖA YƖƖLAA 116:14

Mɩ jaŋ lɩɩsɛ niiri-la mɩ sɩ hɛ pɩ La Tɩɩna ʋ nɩaa kala sɩpaaŋ.

WƖA YƖƖLAA 50:14

Mɩ nɛ Wɩa, mɩ nɛ kɩɩ kʋŋkala. Wɩɩsʋlɩɩ-la doho mɩ sɩɩ chɛ nɛ, dɩ ma lʋlɔllɛmɛ, aŋ lɩɩsɛ niiri-la ma sɩ hɛ pɩmɛ.

TƖƖCHA 5:4

Dɩ ŋ nɛ ta niiŋ Wɩa teeŋ, sɩ́ leŋe dɩ ʋ dieni ka dɩ ŋ lɩɩsɛ nii-la. Ʋ tʋɔŋ bɩ nɩyaaraa nyuŋ ka tɔrɛ. Lɩɩsɛ nii-la ŋ sɩ ta.

AZAAYA 26:9

Mɩ dɩma arɩ mɩ tʋɔŋ kala hɩɛna aa chɛŋ nɛ tɩtaŋɩŋ kala. Dɩ ŋ nɛ dii tinteeŋ nɩaa sarɩya, dʋnɩa nɩaa kala jaŋ chɩchɛ dɩ ba jɩŋ tʋɔpʋla wombiiŋ.

JƐRƖMAAYA 5:22

La TƖƖNA pɩɛsa, “Ma bɩ mɩ ka fáa? Ma bɩ maga dɩ ma chichel mɩ sɩpaaŋ? Mɩ-na nɛ bil hagɩlɩ-bumbugulo ʋ ŋaa mʋgʋ-balɩŋ bʋa, bʋa-la hɛ nɩmɛ nɛ a kaa mʋmʋ wuu, ʋ bɩ jaŋ wuo cholu. Lɩɩ-peliŋ jaŋ wuo sii, ama ʋ bɩ jaŋ wuo cholu. Ba jaŋ wuo huuri woruŋ, ama ba bɩ jaŋ wuo cholu.

DANƖƐL 6:26

Mɩ hɛ niiŋ nɛ aa pɩ nʋʋ na-kala sɩ hɛ mɩ tinteeŋ sɛmɛ kala lɛ, arɩ ʋ maga dɩ ma fá Danɩɛl Wɩa nɛ a zizilu. Ʋ nɛ Wɩa sɩ weye. Ʋ nɛ hɛ nɩmɛ a kaa mʋ deeŋ deeŋ. Ʋ kuoruŋ bɩ jaŋ kɔ dɩ ʋ tele, ʋ doluŋ bɩ jaŋ dɛrɛ.

JONA 1:10

Ŋɩɩ nɛ Jona bɩra bʋl, “Mɩ fáa lɛl La TƖƖNA teeŋ nɛ.” Ʋ sɩ bʋl ŋɩɩ, fawʋllʋŋ kɛmba kɩŋkɛŋ. Ŋɩɩ nɛ ba pɩɛsʋ, “Bɛɛ nɛ ŋ ŋaa ŋ-la?”

JONA 1:14

Ŋɩɩ nɛ ba bunso pɩ La TƖƖNA, “Ou, La TƖƖNA, jaaŋ jaaŋ, joŋo chɛla la sɩɩ chɛ dɩ la kpʋ baala deeŋ sɩ bɩ wɩɩ cheye. Sɩ́ la dɔgɩsʋ, bɛɛ wɩaa ŋ ŋaa wɩɩ-la ŋ sɩ cho nɛ.”

Maak 4:31

Ʋ nagɛ kʋdoho kʋbala ba sɩɩ yɩrɛ masɩtad nɛ, ba yie joŋo duu. Ʋ nɛ muuro kɩɩ kʋdoho na-kala sɩ hɛ nɩmɛ.

Tɩntɩŋŋaa 5:11

Nɩalɩŋ kala sɩ laa Yesu wɩaa dii aa hilimi arɩ nɩalɩŋ dɔnsʋŋ ma sɩ nɩɩ wɩɩ-la, fawʋllʋŋ kɛmba woruŋ.

SƖPAALAARAA 13:16

La TƖƖNA tɩndaarʋ-la bʋl, “Dɩ mɩ nɛ hɔnɔ ma, mɩ bɩ jaŋ dii ma kʋŋkala. Ama dɩ ma nɩɩ chɛ, má kpʋ bʋʋŋ-la a ŋaa kʋnyɩgaa Wɩɩsʋlʋŋ a pɩ La TƖƖNA.” (Manʋa fa bɩ jɩŋ arɩ La TƖƖNA tɩndaara nɛ.)