JOWƐL 3:3 - WƖA TENIŊ

³ Ba tɔnsɔ nɛ a lɩɩsɛ mɩ nɩaa a joŋ ba hambolibiisiŋ yallɛ dɩ ba kaa ŋɩŋaa wʋlɩɩlɩŋ, a yallɛ ba hantolibiisiŋ a laa moribiee dɩ ba kaa nyʋnyʋa sɩnɩŋ.

JOWƐL 3:3 ပူးပေါင်းရင်းမြစ်များ

JOB 6:27

Ma jaŋ paala wuo tɔnsɛ, a joŋ biisime pa dɩ ʋ ŋaa ma yomo, a yallɛ ma nandɔŋ-chooluŋ a kɛŋ kɩaa.

ƐZƖKƖƐL 27:13

Ŋ dɩ tinteyee deemba nɩaa: Giriisi tɩŋŋaa, Tubal tɩŋŋaa arɩ Mɛsɛk tɩŋŋaa ma dii yɔbɔ nɛ, ba joŋ yosuŋ arɩ kɩalɩŋ ba sɩ kɛŋ kɔlɩɩŋ ŋaa a lenni ŋ bayal kɩaa.

JOWƐL 1:5

Má sii doŋ lɛ sɩ-nyʋara, a yel. Má ŋmoo niiŋ, ma nɩalɩŋ kala sɩɩ nyʋa girep nɛnɛɛ sɩnɩŋ. Má ŋmoo niiŋ a tɩŋ girep nɛnɛɛ sɩ-falɩɩ-la wɩaa, bɛɛ wɩaa ba kɛnʋ vaara laa nɛ ma niiŋ lɛ.

AMƆS 2:6

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Iziral nɩaa a tɩŋ ba wʋbɔŋ dandaŋ-la wɩaa. Ba kɛsɛ tʋɔpʋl tɩŋŋaa yallɛ moribiee nɛ, aŋ kɛsɛ nɩalɩŋ ma sɩ bɩ ba tɩtɩa lɛ wuo pɛ a yallɛ nɛntɛŋŋɛɛ yalɩŋ.

OBADAAYA 1:11

Tapʋlɩɩ-la fa sɩ maga dɩ ŋ pɛ Jerusalɛm lɛ, ŋ chɩna ta jɩa nɛ aŋ ka ʋ dʋndɔŋŋɔɔ kʋ fʋga jʋʋ ʋ boi-baalaa a chʋŋ ʋ dʋa kala, a kaa kpaa dɔŋɔ. Ŋ ma fa nagɛ ba dɔŋɔ nɛ.

NAHUM 3:10

Arɩ ŋɩɩ kala, ba fa yuo kɛnʋ nɛ a kaa mʋ yoŋ-baga. Ba paa ʋ bii-mulluŋ vɩɩra kpʋ nɛ ba womporunuŋ lɛ. Nɩalɩŋ sɩ yuo diiu tɔnsɔ lɩɩsɛ ʋ nɩyuŋŋoo nɛ, aŋ kɛŋ ʋ nɩbalaa kala hɛ chɔrʋmɔɔ.

Jɔɔŋ Wʋnaalaa 18:13

kɩaa ba sɩ yie joŋo hɛ kʋdiilee lɛ ba sʋɔra sɩŋ arɩ tegisiŋ, kʋsʋɔrʋsʋŋ, tɩɩ-kel-la ba sɩɩ yɩrɛ mɛɛ arɩ fɩraŋkɩsɛŋ, sɩnɩŋ, nʋʋŋ, munuŋ sɩ bɩɩ nʋgʋgʋ, mɩaa, nɛsɩŋ, arɩ piesee, arɩ janɩŋ, arɩ janɩŋ torukoba, arɩ yosuŋ arɩ nɩaa ba sɩ yuo kɛsɛ laalɩŋ lɛ.