JOWƐL 3:2 - WƖA TENIŊ

² Mɩ jaŋ kɛŋ tinteyee kala kʋ hɛ dɔŋɔ, a kɛmba kʋ tuu fuonaa-la ba sɩɩ yɩrɛ Jehosafat. (Ʋ bʋbʋɔŋ nɛ La TƖƖNA dii nɩaa sarɩya.) Nɩmɛ nɛ mɩ jaŋ diiba sarɩya, a mʋ tɩgɛ mɩ nɩaa Iziral tɩŋŋaa lɛ, nɩalɩŋ mɩ sɩ lɩɩsa, bɛɛ wɩaa ba ŋaa mɩ nɩaa pɩsa hɛ tinteyee lɛ nɛ a kɛŋ mɩ tinteeŋ kpaa.

JOWƐL 3:2 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:26

Tapʋl nɛsɛ chɛɛŋ ba hilimi fuonaa kʋbala lɛ baa yɩrɛ Bɛraka a dɛnnɛ La TƖƖNA. Ŋɩɩ nɛ tɩɩ ba kɛŋ fuonaa-la yɩyɩrɛ Bɛraka arɩ jɩnɩŋ kala. (Ʋ bʋbʋɔŋ nɛ ‘ŋ lɔlʋŋ’.)

AZAAYA 66:16

La TƖƖNA jaŋ kɛŋ nyiniŋ arɩ tokobiiŋ a dii nɩaa sarɩya. Nɩ-daŋ nɛ La TƖƖNA jaŋ kpʋ.

AZAAYA 66:18

Mɩ jɩŋ ba tʋɔbɩɩnaa arɩ ba wɩɩkala nɛ. Bʋa-la yie nɛ mɩ sɩ jaŋ kɛŋ tinteyee sɩɩ bʋl yikori doho na-kala kʋ hɛ dɔŋɔ dɩ ba na mɩ tʋla.

JƐRƖMAAYA 12:14

Wɩɩ-la La TƖƖNA sɩ bʋla nɛ ŋ-la: “Nɩbɔmɔ-la sɩ jʋʋ kpɩkpagɛ mɩ nɩaa Iziral tɩŋŋaa, a kɛŋ dʋa-la mɩ sɩ joŋo pɩba kaa laa, mɩ jaŋ churi nɩbɔmɔ-la ba tinteeŋ lɛ a nagɛ mɩ sɩ churi Juda nɩaa ba tinteeŋ lɛ ŋɩɩ.

JƐRƖMAAYA 25:31

Goŋ-bal-la jaŋ chɩɩmɛ dʋnɩa kala, bɛɛ wɩaa mɩ-na ma TƖƖNA kɛŋ wɩɩ nɛ a mʋ tɩgɛ tinteyee lɛ. Mɩ jaŋ dii dʋnɩa nɩaa kala sarɩya, a kpʋ nɩbɔŋŋɔɔ. Mɩ-na ma TƖƖNA nɛ bʋla.’ ”

JƐRƖMAAYA 49:1

Wɩalɩŋ sɩ mʋ tɩgɛ Amɔŋ tɩŋŋaa lɛ nɛ ŋ-la: Wɩɩ-la La TƖƖNA sɩ bʋla nɛ ŋ-la: “Iziral bɩ hambolibiisiŋ kɛnɛɛ? Ʋ bɩ nɩalɩŋ sɩ jaŋ dii ʋ dʋa kɛnɛɛ? Bɛɛ nɛ saa tɩɩ vene-la ba sɩɩ yɩrɛ Mɔlɛk laa Gad tinteeŋ? Bɛɛ nɛ tɩɩ ʋ nɩaa hɔŋ Gad tasɩŋ lɛ?

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

ƐZƖKƖƐL 25:8

“Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: A tɩŋ tinteye-la ba sɩɩ yɩrɛ Mʋab arɩ Sɛɛ sɩ sɩ, ‘Má bee na, Juda dɩa nɩaa ma nagɛ tinteyee dɔnsʋŋ nɩaa kala nɛ,’

ƐZƖKƖƐL 34:6

Mɩ piesee gɔllɔɔ baarɛ peelee arɩ dundolluŋ nyuŋ kala nɛ. Ba fá pɩsa su dʋnɩa lee-kala nɛ, ka nʋʋkala bɩ bee chɛba.

ƐZƖKƖƐL 35:10

Ma sɩ, ‘Tinteyee deemba balɩa, Juda arɩ Iziral kala jaŋ ŋaa la kɩaa, la jaŋ laaba a tɩɩ,’ arɩ mɩ-na ba TƖƖNA sɩ hɛ lee-la ma kala.

ƐZƖKƖƐL 36:1

La TƖƖNA sɩ, “Nuhuobiiŋ, bʋl wɩaa mɩ doluŋ lɛ pɩ Iziral peelee dɩ ba jegile nɩɩ wɩɩ-la mɩ sɩ bʋla.

ƐZƖKƖƐL 36:5

Mɩ-na ma TƖƖNA Wɩɩjarɩbakɔ na baanɩŋ nɛ tinteye-la sɩ gollima arɩ Ɛdɔm tinteeŋ kala nyuŋ. Ba mɔŋ mɩ nɩaa nɛ a sieri ba lɛ, a laa mɩ tinteeŋ ma ʋ ŋaa ba kʋŋ a kɛŋ ʋ pʋsʋŋ dɩ-diilee ma kaa laa.

ƐZƖKƖƐL 38:22

Mɩ jaŋ joŋ nyanyal bɔŋŋɔɔ hɛ ʋ nɩaa lɛ. Ba jaŋ kpʋkpʋ dɔŋɔ. Mɩ jaŋ leŋ dɩ duonuŋ faasa nɩɩ, dɩ duoŋ-tabɩaa tel ba nyuŋ, dɩ jiribiiŋ ma chol nyiniŋ a wurisi ʋ dɩ ʋ laalɩyuoroo arɩ tintee daŋ-la nɩaa sɩ kʋ pɛ ʋ lɛ.

ƐZƖKƖƐL 39:11

Tapʋlɩɩ-la, mɩ jaŋ dagɛ Gɔg dɩ-huguŋ Iziral tinteeŋ lɛ. Ʋ jaŋ hɛ wɛŋ-vɛnnɛɛ fuonaaŋ sɩ hɛ Mʋgʋ-sʋʋŋ wɩɩpɔsʋŋ dɩɩrɩŋ. Ʋ jaŋ tɔ wɛŋ-vɛnnɛɛ wombiiŋ, bɛɛ wɩaa ba jaŋ hugi Gɔg arɩ ʋ laalɩyuori daŋ-la kala nɩmɛ. Ba jaŋ yɩyɩrɛ lee-la Hamɔŋ Gɔg laalɩyuoroo fuonaaŋ.

JOWƐL 3:12

“Má leŋ dɩ tinteyee nɩaa kɛŋ ba tɩtɩa hɛ dɔŋɔ, má leŋ dɩ ba kɔ fuonaa-la lɛ mɩ sɩɩ dii sarɩya, bɛɛ wɩaa mɩ jaŋ hɔŋ nɩmɛ a dii tinteye-la sɩ gollima sarɩya.

JOWƐL 3:14

Nɩ-daŋ, nɩ-daŋ nɛ hɛ fuonaa-la lɛ ʋ sɩɩ dii sarɩya. La TƖƖNA tapʋlʋŋ kpaga nɛ dɩ ʋ dii sarɩya nɩmɛ.

AMƆS 1:11

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Ɛdɔm nɩaa a tɩŋ ba wʋbɔŋ dandaŋ-la wɩaa. Ba baanɩŋ sɩ sie a faasa hosi, ba bɩ wuo kɛŋ ba tɩtɩa aŋ kire to kpʋ ba naambiiriŋ Iziral tɩŋŋaa a bɩ ba nenige fá.

MƖKA 4:12

Ama ba bɩ mɩ-na ma TƖƖNA tʋɔbɩɩnaa jɩŋ, ba bɩ wɩalɩŋ mɩ sɩɩ bɩɩnʋ dɩ mɩ ŋaa bʋbʋɔŋ jɩŋ. Mɩ kɛmba kʋ hɛ dɔŋɔ lɛ a nagɛ mɩɩ-jagɩsɩŋ ba sɩ kaa hɛ dɔŋɔ taha lɛ nɛ.

ZEFANAAYA 3:8

Ŋɩɩ wɩaa La TƖƖNA bɩra bʋl, “Má gbɛrɛ tapʋlɩɩ-la mɩ sɩ jaŋ dagɛ tinteyee nɩaa wʋcheelee pɩba. Mɩ kɛŋ mɩ tʋɔŋ dɩ mɩ yɩrɛ tinteyee arɩ kuoru tinteyee nɩaa hilimi nɛ, a kɛŋ baanɩŋ dɔgɩsɛba. Mɩ baanɩŋ chaasa sii ba nyuŋ nɛ. Mɩ baanɩŋ sɩ sie mɩ yaraa bibieri ŋɩɩ, ʋ jaŋ nagɛ nyiniŋ a joŋ dʋnɩa kala dii.

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 16:14

Jɩŋ-bɔŋŋɔɔ deemba batori lɩɩ Sɩtaanɩ lɛ nɛ a yie ŋɩŋaa wʋkpuŋkperisiŋ. Ba nɛ gɔllɛ dʋnɩa kuoroo kala teeŋ, a kɛmba hɛ dɔŋɔ lɛ baa kɛŋ ba tɩtɩa dɩ ba yuo laalɩŋ La Tɩɩna doluŋ kala Tɩɩna tapʋl-bal-la.

Jɔɔŋ Wʋnaalaa 16:16

Ŋɩɩ nɛ jɩŋ-bɔmɔ-la kɛŋ dʋnɩa kuorusu-la a kaa mʋ hilimi lee kʋbala dɩ ba yuo laalɩŋ. Hiburu tɩŋŋaa yikoro lɛ baa yɩrɛ lee-la Amagɛdɔŋ.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

Jɔɔŋ Wʋnaalaa 20:8

Ʋ jaŋ kʋ lɩɩ a nyɩsɛ dʋnɩa nɩaa sɩ hɛ tinteeŋ sɛmɛ-na kala lɛ dɩ ba kʋ hɛ dɔŋɔ a yuo laalɩŋ. Gɔg arɩ Magɔg nɩaa nɛ ŋɩɩ. Ba yʋga nɛ woruŋ a nagɛ mʋgʋ-balɩŋ niiŋ hagɩlɩ-bumbugulo.