JOWƐL 2:3 - WƖA TENIŊ

³ Nyiniŋ jaŋ didii ba sɩpaaŋ, dɩ nyiŋgeliŋ ma sisii ba harɩŋ. Ba sɩpaaŋ tintee-la jaŋ nagɛ Ɛdɩŋ ŋmaŋkaa-la, ka ba harɩŋ dɩɩrɩŋ nagɛ tintee-hɩlɩŋ kʋŋ sɩ tuo. Kʋŋkala bɩ ba nɩsɩŋ lɛ ka fori.

JOWƐL 2:3 ပူးပေါင်းရင်းမြစ်များ

WƖAA DƖ-SUOMUŊ 13:10

Ŋɩɩ nɛ Lɔt bee na Jɔdaŋ fuonaaŋ kala dɩ ʋ pɩna a fɩɛlɛ woruŋ. Fuonaa-la pɩŋ ŋɩɩ nɛ a mʋ yi taŋ-la ba sɩɩ yɩrɛ Zʋaa. Ʋ fa kɛŋ lɩɩŋ kɩŋkɛŋ a nagɛ Ɛdɩŋ ŋmaŋkaaŋ a bɩra nagɛ Ijipiti tinteeŋ ma. (Bʋa-la lɛ dɩ La TƖƖNA fa ha bɩ tasɩ-la ba sɩɩ yɩrɛ Sodom arɩ Gomora cheye.)

WƖAA DƖ-SUOMUŊ 2:8

Bʋa-la lɛ La TƖƖNA Wɩa keri ŋmaŋkaaŋ nɛ a joŋ baal-la ʋ sɩ mɛ a hɛ nɩmɛ. Lee-la yɩrɩŋ nɛ Ɛdɩŋ, a hɛ wɩɩpɔsʋŋ dɩɩrɩŋ.

WƖA YƖƖLAA 50:3

La Wɩa kɔ nɛ ʋ bɩ lʋara, nyiŋgeliŋ laa ʋ sɩpaaŋ nɛ, ka pel-duoŋ gollu.

WƖA YƖƖLAA 97:3

Nyiniŋ nɛ laa ʋ sɩpaaŋ a dii ʋ dʋndɔŋŋɔɔ sɛmɛ na-kala.

MOSIS KƐŊ IZIRAL TƖŊŊAA LƖƖ 10:15

Ba tɔ Ijipiti tinteeŋ kala nɛ ʋ biri, a dii kʋŋ na-kala sɩ nyʋa, tɩɩnɛnɛɛ, pɩpaarɩŋ arɩ kʋŋ na-kala duoŋ-tabɩa-la sɩ bɩ kpʋa.

MOSIS KƐŊ IZIRAL TƖŊŊAA LƖƖ 10:5

Ba jaŋ tɔ tinteeŋ kala, lee bɩ jaŋ ka. Ba jaŋ dii kʋŋ na-kala duoŋ tabɩa-la sɩ bɩ kpʋa, arɩ tɩɩsɩŋ kala sɩ hɛ ma bagɩsɩŋ lɛ.

AZAAYA 14:17

ʋ dee bɩ tasɩŋ cheye ŋɩɩ a leŋ tinteeŋ pɩŋ jikpeeŋ a bɩ chɛ dɩ nɩalɩŋ ʋ sɩ kɛsɛ mɩɩra mʋ ba dɩɩsɩŋ?’

AZAAYA 15:6

Fuo-la ba sɩɩ yɩrɛ Nimirim lɩɩŋ kala nɛ hʋa, yaŋ-la ma sɩ hɛ nɩmɛ kala hɩl. Kʋ-laarɩŋ sʋba nɛ, kʋ-laa kala bɩra tuo nɩmɛ.

AZAAYA 33:4

Ŋ yie yuo laa tinteye-la kɩaa a nagɛ hɔbɩ-laalɩŋ sɩ dii kɩaa nɛ.

AZAAYA 51:3

Mɩ-na ma TƖƖNA jaŋ nyagɛ Zaayɔŋ nɩaa bɔyɛ a fá Jerusalɛm nɩaa nisusuŋ arɩ nɩalɩŋ kala sɩ hɛ ʋ jikpeeni-la lɛ. Mɩ jaŋ leŋ dɩ ʋ tintee-hɩlɩŋ kala mɩɩra nagɛ mɩ-na ma TƖƖNA ŋmaŋkaa-la fa sɩ hɛ Ɛdɩŋ lɛ. Ʋ tintee-hɩlɩɩ-la jaŋ nagɛ mɩ ŋmaŋkaaŋ. Tʋɔtɔrʋŋ jaŋ hɛ nɩmɛ, dɩ ba yɩɩ yɩɩlaa a dɩdɛnnɛmɛ.

AZAAYA 9:18

Tɛŋɛ, nɩalɩŋ wʋbɔŋŋɔɔ ŋaanɩŋ nagɛ nyiniŋ sɩɩ dii nɛ, ʋ yie dii ya-kʋɔŋ arɩ sɔsʋŋ a chol duuŋ nyiŋgeliŋ sisii, nyʋɔsʋŋ sii tɔ dugugu.

AZAAYA 9:19

La TƖƖNA doluŋ kala Tɩɩna baanɩŋ jaŋ nagɛ nyiniŋ a dii tintee-la arɩ nɩaa kala. Nʋʋkala bɩ jaŋ fá ʋ naambie nenige.

JƐRƖMAAYA 5:17

Ba jaŋ chei ma kʋpɛrɛɛ arɩ ma kʋdiilee. Ba jaŋ kpʋ ma hambolibiisiŋ arɩ ma hantolibiisiŋ. Ba jaŋ kpʋ ma piesee arɩ ma nɛsɩŋ kala. Ba jaŋ keri ma girep tɩɩsɩŋ arɩ ma tutogusuŋ ta. Ba jaŋ kɛŋ ba tokobiee a chei ma tabala-la ma sɩ saa kɛrɩsɩŋ golli a joŋ ma yɩɛlaa hɛ.”

ƐZƖKƖƐL 36:35

Ba jaŋ bʋl, ‘Tinteeŋ deeŋ fa sɩ pɩŋ kʋŋkʋlʋŋ ŋɩɩ, lɛɛlɛ ʋ mɩɩra nagɛ Ɛdɩŋ ŋmaŋkaa-la nɛ, tabalaa deemba fa pɩŋ jikpeeŋ nɛ a ŋaa hoi a kala chei, ba lɛ nɛ nɩaa lɛɛlɛ hɛ ŋɩɩ a saa kɛrɩsɩŋ golli.’

AMƆS 7:4

Wɩalɩŋ La Tɩɩna Wɩɩjarɩbakɔ bɩra sɩ joŋo dagɛmɛ a nagɛ duosoo tʋɔŋ nɛ ŋ-la: Mɩ na dɩ ʋ joŋ nyiniŋ dɩ ʋ kaa dɔgɩsɛ ʋ nɩaa. Nyiŋ-la dii mʋgʋ-balɩŋ sɩ faasa luŋ arɩ kʋŋkala sɩ hɛ tintee-la lɛ.

HABAKU 1:6

Mɩ jaŋ leŋ dɩ Babɩlɔŋ tɩŋŋaa bɩra kɛŋ doluŋ, nɩalɩŋ sɩ kɛŋ tʋɔhɛɛŋ a chaasa bɔŋ woruŋ, a wuo vɛnɛ mʋmʋ dʋnɩa sɛmɛ na-kala dɩ ba yuo laa tinteye-la sɩ bɩ ba kɩaa ŋaa.

ZƐKARƖYA 7:14

Mɩ leŋe pel-duo nɛ kɛmba pɩsa hɛ tinteyee lɛ, ba ŋaa nʋhʋɔra. Tintee-la fa pɩŋ hoi nɛ, nʋʋkala bɩ nɩmɛ ka mʋ koo a lɩɩ nɩmɛ kʋkɔ. Wɩalɩŋ ba sɩ ŋaa a leŋ tintee-zɔŋ-la pɩŋ hoi nɛ ŋɩɩ.”