JOWƐL 2:2 - WƖA TENIŊ

² Ʋ jaŋ ŋaa biriŋ lim tapʋlɩɩ, duoŋ-bɩlɩmbaanaa jaŋ tɔ dɩ leriŋ biri. A nagɛ wɩɩpɔsʋŋ sɩ yie guu tɔɔ lɩɩ ŋɩɩ peelee nyuŋ, ŋɩɩ nɛ laalɩyuoroo sɩ yʋga a kɛŋ doluŋ woruŋ jaŋ kɔ. Ba doho ha bɩ kɔ aŋ ka, maachie ma ba bɩra bɩ jaŋ kɔ.

JOWƐL 2:2 ပူးပေါင်းရင်းမြစ်များ

WƖA YƖƖLAA 10:6

Ba tʋɔŋ lɛ ba sɩ, “Wɩɩkala bɩ jaŋ ŋaa la lɛ. La tʋɔŋ jaŋ tɔrɛ bʋa na-kala, wɩɩkala bɩ jaŋ jʋʋla.”

WƖA YƖƖLAA 97:2

Duoŋ-bɩlɩmbaanɩŋ arɩ birimiŋ lim nɛ gollu. Tʋɔpʋla arɩ wʋtɩtɩɩ nɛ ŋaa ʋ kuoruŋ gentine.

MOSIS KƐŊ IZIRAL TƖŊŊAA LƖƖ 10:14

Hɔbɔ-la faasa yʋgɛ a kʋ tɔ Ijipiti tinteeŋ lee-kala. Hɔbɔ-la doho ha bɩ Ijipiti tinteeŋ ŋɩɩ tɔ aŋ ka, ba maachie ma saa bɩra bɩ jaŋ kɔ dɩ ba tɔ Ijipiti tinteeŋ ŋɩɩ.

MOSIS KƐŊ IZIRAL TƖŊŊAA LƖƖ 10:6

Hɔbɔ-la jaŋ su ŋ dɩa, ŋ nɩhɩasɩŋ dɩɩsɩŋ a su Ijipiti tɩŋŋaa kala dɩɩsɩŋ. Wɩɩŋ deeŋ jaŋ ŋaa wʋmagɩl ma nyɩmmaba arɩ ma naabalɩmaba ha sɩ bɩ na aŋ ka ba sɩ sie kala.’ ” Ŋɩɩ nɛ Mosis lɩɩ Ijipiti tinteeŋ kuoro teeŋ a viiri.

MOSIS KƐŊ IZIRAL TƖŊŊAA LƖƖ 20:21

Ŋɩɩ nɛ nɩalɩŋ chɩŋ dɩ-bolii, ka Mosis mʋ yi biriŋ lim-la tʋɔŋ Wɩa sɩ hɛ.

AZAAYA 5:30

Tapʋlɩɩ-la huuro jaŋ huuri nɩaa nyuŋ a nagɛ mʋga sɩɩ huuru, dɩ nʋʋ nɛ beŋ tintee-la, ʋ jaŋ na leriŋ kala bire dɩ tʋɔ-cheeŋ hɛ nɩmɛ. Duoŋ-bɩlɩmbaanaa jaŋ leŋ dɩ pʋlʋmʋŋ bɩrɩmɛ birimiŋ.

AZAAYA 8:22

Ba jaŋ beŋ tinteeŋ ma a chɛ kʋŋ ka, see tʋɔ-cheeŋ arɩ birimiŋ arɩ fawʋllʋŋ dʋndʋŋa, biriŋ-la tʋɔŋ nɛ ba jaŋ hɛ.

JƐRƖMAAYA 13:16

Má zil ma TƖƖNA Wɩa, ka dɩ ʋ-na leŋ dɩ leriŋ biri, dɩ ma gɛrɛ dundollu-la sɩ kɛŋ birimiŋ lɛ. Maa chɛ dɩ ma na pʋlʋmʋŋ nɛ, ama ʋ jaŋ kɛŋ pʋlʋŋ-la bɩrɩmɛ birimiŋ lim, a ŋaa dɩ leriŋ faasa biri woruŋ.

JƐRƖMAAYA 13:6

Ʋ dieni, ka La TƖƖNA bɩra bʋla pɩmɛ, “Mʋ Pɛraf a joŋ tɩŋgɛnnɛ-la mɩ fa sɩ ŋaa ŋ kaa mʋ faa nɩmɛ.”

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

ƐZƖKƖƐL 32:7

Dɩ mɩ nɛ cheyiŋ dɛrɛ, mɩ jaŋ leŋ dɩ wɩa-nyuŋ kala biri dɩ chɛnwʋlaa sɩ́ wuo chaanɛ. Mɩ jaŋ leŋ dɩ duoŋ-bɩlɩmbaanɩŋ tɔ wɩɩpɔsʋŋ, aŋ leŋ dɩ chɛnɛ ma sɩ́ wuo chaanɛ.

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

ƐZƖKƖƐL 38:9

Ŋ dɩ ŋ laalɩyuoroo arɩ tintee daŋ-la nɩaa sɩ hɛ ŋ teeŋ kala jaŋ mʋ tintee-la lɛ a nagɛ duoŋ-peliŋ, a tɔ ʋ kala a nagɛ duoŋ-bɩlɩmbaanɩŋ.”

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

DANƖƐL 9:12

Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.

JOWƐL 1:6

Tintee nɩaa nɛ kɔ dɩ ba yuo mɩ tinteeŋ, ba kɛŋ doluŋ nɛ woruŋ, ba bɩ nii kɛnɛ. Ba nyɩlaa nagɛ naachigiŋ nyɩlaa nɛ, a duomo nagɛ naachigi-haala kɩaa.

JOWƐL 2:25

Mɩ jaŋ bɩra pɩma kɩalɩŋ kala hɔbɔ sɩ die, kɩalɩŋ hɔbɩ-balɩŋ arɩ hɔbɩ-biisiŋ sɩ die, a pɛ hɔbɩ-la dɔnsʋŋ lɛ arɩ hɔbɩ-laal-la, mɩ laalɩyuori duoru-la mɩ fa sɩ joŋo hɛ ma lɛ.

JOWƐL 2:31

Wɩɩpɔsʋŋ jaŋ biri, dɩ chɛnɛ fɩɛsɛ a nagɛ chalɩŋ, ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na kɔ.

JOWƐL 2:5

Ba dɔmɔ nagɛ laalɩŋ janɩŋ torukoba dɔmɔ nɛ. Ba fɩla kikieli peelee nyu-gbaŋa, baa pɔsʋ a nagɛ sekelee sɩ hɛ nyiniŋ tʋɔŋ nɛ. Ba nagɛ laalɩyuori duoruŋ sɩ kɛŋ ba tɩtɩa hɛ dɔŋɔ dɩ ba yuo laalɩŋ nɛ.

JOWƐL 3:4

Taaya, Sɩdɔŋ arɩ tasɩ-la kala sɩ hɛ Fɩlɩsɩtɩa tinteeŋ lɛ, lɛɛlɛ wʋbɛɛ nɛ ma kaa chɩŋ mɩ lɛ? Mɩ ŋaa wɩɩ nɛ ma lɛ maa chɛ ma ŋaa timmii? Dɩ wɩɩ nɛ mɩ ŋaa ma lɛ, maa chɛ ma ŋaa timmi, mɩ jaŋ mɩɩra leŋ dɩ wɩɩ-la ma sɩɩ chɛ ma ŋaa mɩ lɛ guu ŋaa ma lɛ lɩma lɩma.

AMƆS 4:13

Má bee na, mɩ nɛ ŋaa peelee arɩ peliŋ, a kɛŋ mɩ tʋɔbɩɩnaa a dagɛ nuhuobiine. Mɩ nɛ yie ŋaa taŋ biri, aŋ vɩvɛŋ peelee nyuŋ. Mɩ yɩrɩŋ nɛ ma Tɩɩna Wɩa doluŋ kala Tɩɩna.”

ZEFANAAYA 1:7

Má ŋaa fʋɩɩ La TƖƖNA Wɩɩjarɩbakɔ sɩpaaŋ, bɛɛ wɩaa La TƖƖNA tapʋlʋŋ kpaga nɛ. La TƖƖNA fa leŋe ʋ nɩaa nagɛ pʋsʋŋ nɛ dɩ ba kpʋ a lɩɩsɛ nɩalɩŋ ma sɩ jaŋ kpʋba.

ZƐKARƖYA 14:6

Tapʋlɩɩ-la, pʋlʋmʋŋ jaŋ tuo, waarɩŋ koo bʋrʋŋ ma jaŋ tuo.

Matiu 24:21

Wɩa sɩ ŋaa dʋnɩa a kuu lɩɩ jɩnɩŋ, nʋʋkala ha bɩ hɛɛ-doho deeŋ na a nagɛ ŋɩɩ, ba bɩra bɩ jaŋ na hɛɛŋ ŋɩɩ a kaa mʋ wuu.

Maak 13:19

Wɩa sɩ ŋaa dʋnɩa a kʋʋ lɩɩ jɩnɩŋ, nʋʋkala ha bɩ hɛɛŋ deeŋ na a nagɛ ŋɩɩ, nʋʋ bɩra bɩ jaŋ na hɛɛŋ ŋɩɩ a kaa mʋ wuu.

MOSIS BƖRA WULLI WƖA WOMBIIŊ 32:7

Má liisi wɩalɩŋ sɩ ŋaa faafaa, a pɩɛsɛ ma nyɩmmaba dɩ ba bʋl wɩalɩŋ sɩ ŋaa a pɩma, má pɩɛsɛ ma nɩhɩasɩŋ ma, dɩ ba dagɛ wɩalɩŋ pɩma.

Hiburu TƖŊŊAA 12:18

Ma kɔ Wɩa teeŋ nɛ, ama ma bɩ peel-la ba sɩɩ yɩrɛ Sɩnaɩ leriŋ nɛ kɔ a nagɛ Iziral tɩŋŋaa fa sɩ kɔ ʋ teeŋ ŋɩɩ, peel-la ma sɩ jaŋ wuo na a pɛ digi, peel-la fa sɩɩ chol nyiŋgeliŋ, birimiŋ tɔ ʋ kala lim ka duoŋ-pel-balɩŋ lulu.

Juud 1:13

Nɩaa deemba nagɛ lɩɩ-peliŋ sɩ dolie nɛ. Ba hɩɩsɩ wɩalɩŋ ma nagɛ disiniŋ lɩɩ-peliŋ sɩ kaa kʋ lɩɩ ta lɩɩŋ niiŋ. Ba nagɛ chɛnwʋlaa sɩ churo nɛ a mʋ jʋʋ sɛmɛ dɔŋɔ birimiŋ tʋɔŋ lim. Ba jaŋ hɛ nɩmɛ a kaa mʋ wuu.

Jɔɔŋ Wʋnaalaa 9:2

Ŋɩɩ nɛ ʋ suri buotuo-luŋii-la boro, nyʋɔsʋŋ lɩɩ buotuo-luŋii-la tʋɔŋ a nagɛ nyiŋ-balɩŋ nyʋɔsʋŋ, a tɔ pʋlʋmʋŋ arɩ wɩɩpɔsʋŋ kala ba biri.