JOWƐL 1:9 - WƖA TENIŊ

⁹ Ba giri mɩaa Wɩɩsʋlʋŋ arɩ kʋnyʋalaa Wɩɩsʋlʋŋ ta nɛ La TƖƖNA dɩɩ-balɩŋ lɛ. Ŋɩɩ leŋ Wɩɩsʋllɩ sɩpaalaaraa yiyel, nɩalɩŋ sɩɩ tɩŋ La TƖƖNA sɩpaaŋ.

JOWƐL 1:9 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 13:10

Ama, La TƖƖNA nɛ ŋaa la-na Wɩa, la bɩ ʋ vɩa. Wɩɩsʋllɩ sɩpaalaaraa ŋaa Arɔŋ biiriŋ, Levi doho nɩaa ma nɛ ŋaa nɩalɩŋ sɩ pɛ ba lɛ ba tɩtɩŋ.

MOSIS KƐŊ IZIRAL TƖŊŊAA LƖƖ 28:1

Ŋɩɩ nɛ La TƖƖNA bʋla pɩ Mosis, “Kɛŋ ŋ naambie Arɔŋ arɩ ʋ hambolibiisiŋ Nadab, Abihu, Elieza arɩ Ɩtama lɩɩsɛ Iziral tɩŋŋaa tʋɔŋ, ba nɛ jaŋ ŋaa mɩ Wɩɩsʋllɩ sɩpaalaaraa.

AZAAYA 61:6

Ma-na jaŋ ŋaa La TƖƖNA Wɩɩsʋllɩ sɩpaalaaraa, a ŋaa la Wɩa tɩntɩnnaa. Ma nɛ jaŋ tɩɩ tinteyee kala dʋa, a kɛŋ ba kɩalɩŋ ŋmuŋmoo bɔyɛ.

JEMBIEE 1:16

Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 1:4

Zaayɔŋ wombiee ka yel nɛ, bɛɛ wɩaa nʋʋkala bɩ ba to kʋkɔ ʋ gbielee leriŋ. Ʋ boi-baalaa kala pɩŋ hoi nɛ. Wɩɩsʋllɩ sɩpaalaaraa huhuuni, hatolie-la sɩ hɛ ʋ lɛ tʋɔŋ faasa chei nɛ, Zaayɔŋ kala ŋaa hɛɩ.

HOSIA 9:4

Ba bɩ jaŋ na wombiiŋ nɩmɛ a kɛŋ sɩnɩŋ ŋaa kʋnyʋalaa Wɩɩsʋlʋŋ a pɩ La TƖƖNA. Pʋsʋ-la ba sɩ jaŋ kpʋ a ŋaa Wɩɩsʋlʋŋ ma bɩ jaŋ tɔrɛ ʋ tʋɔŋ. Ba Wɩɩsʋlʋŋ kɩaa jaŋ nagɛ nɩalɩŋ sɩɩ yel yoho kʋdiilee, nɩalɩŋ kala sɩ diiba jaŋ kɛŋ disiniŋ. Kʋdiilee deemba jaŋ ŋaa ba tɩtɩa kɩaa, ba bɩ jaŋ wuo kɛmba jʋʋ La TƖƖNA dɩɩ-balɩŋ.

JOWƐL 1:13

Wɩɩsʋllɩ sɩpaalaaraa, má laalɛ tʋɔ-chei gɛnnɩŋ a yel, má ŋmoo niiŋ, ma nɩalɩŋ sɩɩ tɩŋ Wɩɩsʋlʋŋ koru-la lɛ. Má kɔ, a laalɛ tʋɔ-chei gɛnnɩŋ tɩtaŋɩŋ kala, ma nɩalɩŋ sɩɩ tɩŋ La TƖƖNA sɩpaaŋ, bɛɛ wɩaa, mɩaa Wɩɩsʋlʋŋ arɩ kʋnyʋalaa Wɩɩsʋlʋŋ kɩaa bɩra tuo Wɩa dɩɩ-balɩŋ lɛ.

JOWƐL 1:16

Laa beŋ nɛ ka ba chichei la kʋpɛrɛɛ. Tʋɔtɔrʋŋ bɩra tuo, nɩaa bɩra bɩ jʋɔsɛ Wɩa dɩɩ-balɩŋ lɛ.

JOWƐL 2:14

Kʋbɛɛ nɛ jɩma? Ʋ jaŋ wuo joŋ ʋ baanɩŋ ta aŋ fá ma nisusuŋ a joŋ kʋ-daŋ pɛ ma lɛ, dɩ ma kaa ŋaa mɩaa Wɩɩsʋlʋŋ arɩ kʋnyʋalaa Wɩɩsʋlʋŋ, a pɩ ma TƖƖNA Wɩa.

JOWƐL 2:17

Má leŋ dɩ Wɩɩsʋllɩ sɩpaalaaraa, nɩalɩŋ sɩɩ tɩŋ La TƖƖNA sɩpaaŋ chɩŋ Wɩa dɩɩ-bal-la zawʋra arɩ Wɩɩsʋlʋŋ koru-la pɛgɛ a yiyel. Má leŋ dɩ ba bʋl, “La TƖƖNA, laa sʋlʋŋ, joŋo chɛ ŋ nɩaa. Sɩ́ leŋe dɩ nɩalɩŋ ŋ sɩ lɩɩsa ŋaa mɔmɩa, dɩ tinteyee nɩaa sisieri ba lɛ. Sɩ́ leŋe dɩ tinteyee nɩaa pɩɛsɛ arɩ nɩɩ nɛ ba Wɩa hɛ.”