JOWƐL 1:2 - WƖA TENIŊ

² Nɩhɩasɩŋ, má nɩɩ wɩɩŋ deeŋ, ma nɩalɩŋ kala sɩ hɛ tinteeŋ lɛ, má jegile nɩɩ. Wʋdoho deeŋ ha ŋaa ma mɩɩsɩŋ bʋa lɛ koo ma naabalɩmaba mɩɩsɩŋ bʋa lɛɛ?

JOWƐL 1:2 ပူးပေါင်းရင်းမြစ်များ

JOB 12:12

Wʋjɩmɩŋ ŋaa nɩhɩasɩŋ kʋŋ nɛ, nɩalɩŋ sɩ diene dʋnɩa lɛ nɛ yie jɩŋ wɩaa bʋbʋɔŋ.

JOB 15:10

La ma kɛŋ nɩaa sɩ hɩɛsa ba nyuŋ pʋllɛ nɛ, ba paala hɩa ŋ nyɩmma.

JOB 21:7

Bɛɛ nɛ tɩɩ nɩbɔŋŋɔɔ hɛ nɩmɛ a kɛŋ mɩɩsɩŋ, a hɩɛsɛ ma, ka ba doluŋ pʋŋa pɩpɛ?

JOB 8:8

Pɩɛsɛ faafaa nɩaa a na wɩalɩŋ ba naabalɩmaba sɩ gʋnna.

WƖA YƖƖLAA 49:1

Nʋʋ na-kala sɩ hɛ dʋnɩa deeŋ lɛ, má jegile nɩɩ wɩɩŋ deeŋ,

AZAAYA 34:1

Má kɔ, ma tinteyee nɩaa kala a jegili, nʋʋkala jegile nɩɩ. Má leŋ dɩ kʋŋ na-kala sɩ hɛ dʋnɩa lɛ nɩɩ.

AZAAYA 7:17

La TƖƖNA jaŋ lɔgɛ wɩaa hɛ ŋ dɩ ŋ nɩaa arɩ ŋ nyɩmma dɩa nɩaa kala lɛ, wɩalɩŋ doho ma ha sɩ bɩ na aŋ ka a chɩŋ bʋa-la lɛ Iziral arɩ Juda tinteeŋ sɩ pɔrɛ dɔŋɔ lɛ. Ʋ jaŋ kɛŋ Asiiria kuoro kʋ hɛ ma lɛ.

JƐRƖMAAYA 30:7

Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

JƐRƖMAAYA 5:21

Ma ŋaa nɩyaara nɛ a chʋʋlɛ, má nɩɩ wɩɩŋ deeŋ, ma kɛŋ sɩaa nɛ aŋ bɩ na, a kɛŋ dɩgɩlaa ma aŋ bɩ nɩɩ.”

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

HOSIA 4:1

Iziral tɩmma, má nɩɩ wɩɩ-la La TƖƖNA sɩ bʋla, La TƖƖNA kɛŋ wɩɩ nɛ a kʋkɔ dɩ ʋ hɛ ma nɩalɩŋ sɩ hɛ tintee-la lɛ. Ʋ sɩ, “Ma bɩ wʋtɩtɩɩ kɛnɛ, a bɩ dɔŋɔ cho. Tintee-la lɛ, ma bɩ jɩŋ arɩ mɩ nɛ Wɩa.

HOSIA 5:1

La TƖƖNA sɩ, “Ma Wɩɩsʋllɩ sɩpaalaaraa, má nɩɩ wɩɩŋ deeŋ. Iziral sɩpaalaaraa, má jegili. Kuoro dɩa nɩaa, má ma jegili. Wɩɩŋ deeŋ ŋaa ma wɩɩ nɛ. Mɩzɩpa lɛ ma nagɛ bɛrɛ́ nɛ ma nɩaa lɛ, a ŋaa jóŋ, ba sɩ joŋo yuo peel-la ba sɩɩ yɩrɛ Tabɔ lɛ.

JOWƐL 1:14

Má leŋ dɩ nɩaa vɔɔ nii-la sɩɩ tɔrɛ Wɩa tʋɔŋ, má hilimi Wɩa yɩrɩŋ lɛ. Má yɩrɛ nɩhɩasɩŋ arɩ nɩalɩŋ kala sɩ hɛ tintee-la lɛ dɩ ba kɔ ma TƖƖNA Wɩa dɩa, a yele pɩ La TƖƖNA.

JOWƐL 2:2

Ʋ jaŋ ŋaa biriŋ lim tapʋlɩɩ, duoŋ-bɩlɩmbaanaa jaŋ tɔ dɩ leriŋ biri. A nagɛ wɩɩpɔsʋŋ sɩ yie guu tɔɔ lɩɩ ŋɩɩ peelee nyuŋ, ŋɩɩ nɛ laalɩyuoroo sɩ yʋga a kɛŋ doluŋ woruŋ jaŋ kɔ. Ba doho ha bɩ kɔ aŋ ka, maachie ma ba bɩra bɩ jaŋ kɔ.

AMƆS 3:1

Iziral tɩmma, má jegile nɩɩ wɩɩ-la La Tɩɩna sɩ bʋla a tɩgɛ ma lɛ, ma tintee-la kala nɩaa ʋ sɩ kaa kʋ lɩɩ Ijipiti tinteeŋ lɛ,

AMƆS 4:1

La Tɩɩna sɩ, “Ma haala-la sɩ hɛ Samarɩa lɛ, a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ, lee-la ba sɩɩ yɩrɛ Basaŋ, má jegile nɩɩ wɩɩŋ deeŋ: Ma nɛ nɩalɩŋ sɩ dɔgɩsɛ summoo, aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu, aŋ yie bʋla pɩ ma balaba, ‘Má pɩla sɩnɩŋ.’

AMƆS 5:1

Ma Iziral tɩmma, má jegile nɩɩ jembii-la mɩ-na Amɔs sɩ ta a tɩgɛ ma lɛ:

MƖKA 1:2

Tinteyee nɩaa kala, má jegile nɩɩ. Dʋnɩa arɩ kɩalɩŋ kala sɩ hɛ ʋ lɛ, má nɩɩ woruŋ. La TƖƖNA Wɩɩjarɩbakɔ na ma wʋbɔŋŋɔɔ nɛ, ʋ jaŋ chɩŋ kporoo a bʋlba. La TƖƖNA hɛ ʋ dɩɩ-balɩŋ sɩ bɩ disiniŋ kɛnɛ lɛ nɛ.

MƖKA 3:1

Ŋɩɩ nɛ mɩ-na Mɩka bʋl, “Iziral tɩŋŋaa sɩpaalaaraa, má jegili mɩ teeŋ, ma nɩalɩŋ sɩɩ beŋ Iziral tɩŋŋaa. Ʋ maga dɩ ma nɛ jɩŋ wɩalɩŋ sɩ maga dɩ nɩaa ŋɩŋaa,

MƖKA 3:9

Iziral tɩŋŋaa sɩpaalaaraa, má nɩɩ wɩɩŋ deeŋ, ma nɩalɩŋ sɩɩ beŋ Iziral tɩŋŋaa, ma bɛrɛ wʋtɩtɩɩ nɛ a kɛŋ wɩalɩŋ kala sɩ tʋʋla a golibi.

Matiu 13:9

Yesu sɩ magɛ namaga-la dɛrɛ, ŋɩɩ nɛ ʋ bʋl, “Dɩgɩlaa tɩŋŋaa, má wuoli ma dɩgɩlaa a nɩɩ wɩaa deemba.”

Matiu 24:21

Wɩa sɩ ŋaa dʋnɩa a kuu lɩɩ jɩnɩŋ, nʋʋkala ha bɩ hɛɛ-doho deeŋ na a nagɛ ŋɩɩ, ba bɩra bɩ jaŋ na hɛɛŋ ŋɩɩ a kaa mʋ wuu.

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.