Jɔɔŋ 9:8 - WƖA TENIŊ

⁸ Ŋɩɩ nɛ ʋ pɛ-jʋʋraa arɩ nɩalɩŋ kala fa sɩ naʋ dɩ ʋʋ sʋl kɩaa, ba pɩpɩɛsɛ dɔŋɔ, “Baala deeŋ dee fa bɩ hɔnɔ sʋsʋl kɩaa ŋɩɩ?”

Jɔɔŋ 9:8 ပူးပေါင်းရင်းမြစ်များ

Maak 10:46

Ŋɩɩ nɛ ba kʋ yi taŋ kʋbala baa yɩrɛ Jeriko. Yesu arɩ ʋ harɩ-tooroo sɩ sie dɩ ba lɩɩ taŋ-la lɛ, nɩ-daŋ to ba harɩŋ. Ba kala mʋmʋ dɩ nyʋlɩma hɔŋ wombiiŋ niiŋ. Ʋ ŋaa sʋllʋ nɛ, ʋ yɩrɩŋ nɛ Batimeyas a ŋaa Timeyas nanʋala.

Luuk 1:58

Ʋ sɩ lʋl ŋɩɩ, ʋ pɛ-jʋʋraa arɩ ʋ naambiiriŋ nɩɩ ŋɩɩ Wɩa sɩ fá ʋ nenige. Ba tʋɔŋ kala tɔrɛ, ba jʋjʋɔsɛ.

Luuk 18:35

Ŋɩɩ nɛ Yesu arɩ ʋ harɩ-tooroo sii dɩ ba mʋ Jerusalɛm. Ba mʋ kpagɛ taŋ kʋbala baa yɩrɛ Jeriko, dɩ nyʋlʋŋ kʋbala fa hɔŋ wombiiŋ niiŋ a sʋsʋl kɩaa. [

Jɔɔŋ 9:9

Dɔnsʋŋ sɩ ʋ nɛ, dɔnsʋŋ ma sɩ dɩ ʋ dee, ama ʋ ta nagʋ nɛ. Ŋɩɩ nɛ baal-la tɩtɩa bʋl, “Mɩ nɛ ŋɩɩ.”

RUF 1:19

Ŋɩɩ nɛ ba to dɔŋɔ a mʋ Bɛtɩlɛhɛm. Ba sɩ mʋ yi nɩmɛ, taŋ-la nɩaa hihirigi, haalaa ŋaa goŋ a pɩpɩɛsɛ, “Nawomi nɛ ŋ-la?”

1 SAMƲƐL 2:8

Ʋ nɛ yie chʋʋlɛ summoo kʋŋkɔlʋŋ lɛ, aŋ kɛŋ nɩalɩŋ sɩ bɩ ba tɩtɩa lɛ wuo pɛ ta ba sii tʋɔrʋŋ nyuŋ, a leŋ ba guoli kuori-biiriŋ tʋɔŋ, a leŋ ba hɔŋ lee sɩ kɛŋ yɩrɩŋ. La TƖƖNA nɛ ŋaa tinteeŋ gentine kala, a leŋ dʋnɩa chɩŋ ʋ nyuŋ a ŋaa ʋ kʋŋ.

1 SAMƲƐL 21:11

Ŋɩɩ nɛ Akɩs tɩntɩnnaa pɩɛsʋ, “Devit deeŋ dee bɩ Iziral tinteeŋ kuoro ŋaa? Ʋ dee ba fa yɩɩ yɩɩlaa a gʋgʋa aŋ bɛsɛ ʋ lɛ bʋl, ‘Sɔɔl kpʋ nɩaa bʋɩba nɛ, ka Devit kpʋ nɩaa bʋɩ fiiba?’ ”