Jɔɔŋ 9:7 - WƖA TENIŊ

⁷ “Sii tuu fuo kʋbala baa yɩrɛ Sɩlʋam (yɩrɩŋ deeŋ bʋbʋɔŋ nɛ ŋaa ‘mɩ tɩmʋ nɛ’) a sɔŋ ŋ sɩaa.” Ŋɩɩ nɛ baal-la sii tuu sɔŋ ʋ sɩaa fuo-la lɛ. Ʋ sɩaa suri, ʋ mɩɩra mʋ dɩa.

Jɔɔŋ 9:7 ပူးပေါင်းရင်းမြစ်များ

NƐHƖMAAYA 3:15

Koli-Hoze nanʋala Salum sɩɩ beŋ Jerusalɛm sɛmɛ-la ba sɩɩ yɩrɛ Mizipa ma nɛ wasa saa Lɩɩ-bul-sɩɩŋ Boi-baal-la. Ʋ saaʋ nɛ a pilimi, a hɛ ʋ borusuŋ arɩ ʋ hɔɔnʋŋ arɩ daasɩ-la ba sɩ jaŋ kaa gɩgɩrɩgɛ borusu-la. Ʋ bɩra wasa saa jebii-la sɩ hɛ Sɛla fuo-la leriŋ a tɩgɛ Kuoro Gaarɩŋ lɛ, a kɛŋ ŋɩɩ mʋ yi lusuŋ-chol-sɩa-la sɩɩ lɩɩ Devit tabal-la lɛ.

WƖA YƖƖLAA 146:8

La Tɩɩna nɩɩ suri nyʋlɩmaa sɩaa, aŋ kɛŋ nɩalɩŋ ma sɩ tele aa chʋʋlɛ. La Tɩɩna cho tʋɔpʋl tɩŋŋaa.

MOSIS KƐŊ IZIRAL TƖŊŊAA LƖƖ 4:11

Ŋɩɩ nɛ La TƖƖNA pɩɛsʋ, “Kʋbɛɛ nɛ ŋaa nuhuobiine niiŋ ʋ kaa bʋl wɩaa? Kʋbɛɛ nɛ ŋaa taŋɩŋ? Kʋbɛɛ nɛ ŋaa nuhuobiine sɩaa ʋ nɩna koo a leŋ ʋ nyʋlɩmɛ? Mɩ-na ma TƖƖNA dee bɩ wɩaa deemba kala ka ŋaa?

AZAAYA 32:3

Ŋɩɩ lɛ nɛ nɩalɩŋ sɩaa sɩ suro jaŋ nɩna wɩaa, dɩ nɩalɩŋ ma sɩ kɛŋ dɩgɩlaa jegilee nɩɩ wɩaa.

AZAAYA 35:5

Nyʋlɩmaa sɩaa jaŋ suri dɩ taŋŋaa ma dɩgɩlaa suri.

AZAAYA 42:7

Ŋ jaŋ suri nyʋlɩmaa sɩaa, a lɩɩsɛ nɩalɩŋ sɩ hɛ bɩnɩŋ dɩa lɛ birimiŋ tʋɔŋ a ta.

AZAAYA 43:8

Laa nɩalɩŋ sɩ kɛŋ sɩaa aŋ bɩ na sɩpaaŋ a kɛmba kʋ lɩɩ, nɩalɩŋ sɩ kɛŋ dɩgɩlaa aŋ bɩ nɩɩ.

AZAAYA 8:6

“A tɩŋ nɩaa deemba sɩ vɩa mɩ-na ma TƖƖNA sɩ nagɛ lɩɩ-zɔŋ-la sɩɩ pɛllɛ mʋa mʋa a lɩlɩɩ Sɩlʋa fuo-la lɛ, aŋ jʋjʋɔsɛ Reziŋ arɩ Remalia nanʋala Pɛka wɩaa,

Matiu 11:5

Nyʋlɩmaa sɩaa ka suri nɛ, gbɛrɩgɛɛ vɩvɛŋ, gbegisiŋ ma duduori. Taŋŋaa nɩnɩɩ wɩaa, nɩalɩŋ sɩ sʋba sisii sʋʋŋ lɛ. Summoo ma wuo nɩnɩɩ Wɩa wʋzɔŋŋɔɔ.

Luuk 13:4

Nɩalɩŋ fii arɩ chori ma fa sɩ hɛ nɩmɛ, dɩɩ-leŋiŋ tele ŋmooba kpʋ Sɩlʋam lɛ. Ma bɩɩna arɩ ba nɛ ŋaa wʋbɔŋŋɔɔ a kɩɩ nɩalɩŋ dɔnsʋŋ kala fa sɩ hɛ Jerusalɛm lɛ koo?

Luuk 2:32

Bie deeŋ jaŋ nagɛ pʋlʋmʋŋ a dagɛ nɩalɩŋ sɩ bɩ Juu tɩŋŋaa ŋaa wombiiŋ, ka dɩ ŋ nɩaa Iziral tɩŋŋaa ma na.”

Jɔɔŋ 10:36

Wɩa nɛ lɩɩsɛmɛ a tɩmmɛ mɩ kʋ tuu dʋnɩa, ɛɛ nɛ saa ma jaŋ bʋl mɩɩ tʋʋsɛ Wɩa joŋŋoo nɛ mɩ sɩ sɩ mɩ ŋaa Wɩa Bii nɛ?

Jɔɔŋ 11:37

Dɔnsʋŋ ma pɩɛsɛ, “Ka ʋ nɛ suri nyʋlɩmaa sɩaa ŋɩɩ, ʋ saa fa bɩ jaŋ wuo ŋaa dɩ Lazarɔs sɩ́ sʋʋ?”

Jɔɔŋ 9:11

Ŋɩɩ nɛ baal-la bʋl, “Baal-la ba sɩɩ yɩrɛ Yesu nɛ buu tɩarɩŋ, a paa taa mɩ sɩaa lɛ, aŋ bʋla pɩmɛ dɩ mɩ tuu Sɩlʋam fuo-la a sɔŋ. Mɩ tuu sɔŋ, mɩ sɩaa suri.”

Jɔɔŋ 9:39

Ŋɩɩ nɛ Yesu bʋl, “Mɩ kɔ dʋnɩa dɩ mɩ ŋaa dɩ nɩalɩŋ sɩ nyʋlɩma sɩaa suri nɛ, ka dɩ mɩ ŋaa dɩ nɩalɩŋ sɩɩ na nyʋlɩmɛ.”

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Rom Tɩŋŋaa 8:3

Wɩalɩŋ Mosis fa sɩ bile bɩ la lɛ wuo pɛ, bɛɛ wɩaa la yaraa bɩ doluŋ kɛnɛ. Ama wɩalɩŋ ba sɩ bɩ wuo ŋaa, Wɩa wuo ŋaaba nɛ. Ba nɛ ŋ-la: Ʋ sɩɩ chɛ ʋ lɩɩsɛ nuhuobiine wʋbɔŋŋɔɔ lɛ, ʋ ta ʋ tɩtɩa Bie nɛ ʋ kʋ tuu. Ʋ yaraa nagɛ la yaraa, dɩ ʋ laa la wʋbɔŋŋɔɔ ta. Ʋ sɩ ŋaa ŋɩɩ, Wɩa lɩɩsɛ wʋbɔŋŋɔɔ doluŋ nuhuobiine lɛ nɛ.

Galiisia Nɩaa 4:4

Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ,