Jɔɔŋ 9:39 - WƖA TENIŊ

³⁹ Ŋɩɩ nɛ Yesu bʋl, “Mɩ kɔ dʋnɩa dɩ mɩ ŋaa dɩ nɩalɩŋ sɩ nyʋlɩma sɩaa suri nɛ, ka dɩ mɩ ŋaa dɩ nɩalɩŋ sɩɩ na nyʋlɩmɛ.”

Jɔɔŋ 9:39 ပူးပေါင်းရင်းမြစ်များ

AZAAYA 29:10

La TƖƖNA ŋaa ma pɩŋ doŋ nɛ a yuo naaŋ. Ʋ tɔ ma Wɩa wʋlaabʋllaa sɩaa nɛ arɩ nɩalɩŋ sɩɩ na wɩaa arɩ duosoo tʋɔŋ.

AZAAYA 44:18

Ba ŋaa nɩyaaraa nɛ, ba bɩ wɩɩkala jɩŋ ba sɩaa tɔ nɛ, ba bɩ na. Ba ŋaa tʋɔ-togi tɩmma nɛ, ba bɩ wʋtɩtɩɩ ka nɩɩ.

AZAAYA 6:9

Ŋɩɩ nɛ ʋ bʋl, “Mʋ bʋla pɩ nɩalɩŋ, ba jaŋ nɩnɩɩ wɩaa aŋ bɩ jaŋ jɩŋ ba bʋbʋɔŋ, a nɩna wɩaa aŋ bɩ jaŋ jɩŋ wɩɩ-la sɩɩ ŋaa.”

ƐZƖKƖƐL 12:2

“Nuhuobiiŋ, ŋ hɛ nɩalɩŋ sɩ vɩa mɩ niiŋ tʋɔŋ nɛ. Ba kɛŋ sɩaa nɛ a magɛ dɩ ba nɩna, ama ba bɩ na, a kɛŋ dɩgɩlaa a magɛ dɩ ba nɩnɩɩ ka ba bɩ nɩɩ, bɛɛ wɩaa ba ŋaa nɩa sɩ vɩa mɩ niiŋ nɛ.

Matiu 11:5

Nyʋlɩmaa sɩaa ka suri nɛ, gbɛrɩgɛɛ vɩvɛŋ, gbegisiŋ ma duduori. Taŋŋaa nɩnɩɩ wɩaa, nɩalɩŋ sɩ sʋba sisii sʋʋŋ lɛ. Summoo ma wuo nɩnɩɩ Wɩa wʋzɔŋŋɔɔ.

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

Matiu 6:23

ama dɩ ŋ sɩaa nɛ bɩ zɔŋ, ŋ yaraa kala hɛ birimiŋ tʋɔŋ nɛ. Dɩ pʋlʋŋ-la nɛ kɔ dɩ ʋ bɩrɩmɛ birimiŋ, birimiŋ lim lɛ nɛ ŋ hɛ ŋɩɩ.

Luuk 1:79

Pʋlʋŋ-la jaŋ lɩɩ Wɩa-jaŋ a pɔsɛ hɛ nɩalɩŋ kala sɩ hɔŋ birimiŋ tʋɔŋ a faa chɛ dɩ ba sʋʋ. Ʋ jaŋ dagɛla wombii-la sɩ kɛŋ yarɩfɩɛlaa dɩ la to.”

Luuk 13:30

Ŋɩɩ nɛ sɩpaalaaraa jaŋ bɩrɩmɛ harɩ-tooroo, dɩ harɩ-tooroo ma bɩrɩmɛ sɩpaalaaraa.”

Luuk 2:34

Ŋɩɩ nɛ Simioŋ chʋɔlɛ Wɩa pɩba dɩ ʋ pɛ ba lɛ aŋ bʋla pɩ ʋ naaŋ Mɛɛrɩ, “Wɩa lɩɩsɛ ŋ bie deeŋ dɩ ʋ kʋ dɔgɩsɛ nɩalɩŋ sɩ bɩ ʋ wɩaa laa dii nɛ, aŋ laa nɩalɩŋ sɩ laa ʋ wɩaa dii ta Iziral tɩŋŋaa tʋɔŋ. Wɩa ta bie deeŋ dɩ ʋ ŋaa magɩl nɛ. Nɩaa yʋga sɩ jaŋ joŋ ba harɩŋ yɩaʋ,

Luuk 4:18

“Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

Luuk 7:21

Bʋa-la tɩtɩa lɛ Yesu vaarɛ nyanyal tɩŋŋaa arɩ nɩaa yawɩɩlaa a yʋgɛ, a kiri jɩŋ-bɔŋŋɔɔ nɩaa lɛ, aŋ suri nyʋlɩmaa ma sɩaa.

Jɔɔŋ 12:31

Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Jɔɔŋ 12:46

Mɩ kʋ tuu dʋnɩa dɩ mɩ ŋaa dʋnɩa pʋlʋmʋŋ nɛ a chaanɛ. Nɩɩ-la kala sɩ laa mɩ wɩaa dii bɩra bɩ jaŋ hɛ birimiŋ tʋɔŋ.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 3:19

Wɩɩ-la sɩ tɩɩ Wɩa dii dʋnɩa nɩaa sarɩya a joŋ cheeriŋ pɩba nɛ ŋ-la: Pʋlʋmʋŋ kʋ tuu dʋnɩa nɛ, ama nɩaa cho birimiŋ nɛ a kɩɩ pʋlʋŋ-la, bɛɛ wɩaa baa ŋaa wʋbɔŋŋɔɔ nɛ.

Jɔɔŋ 8:12

Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Jɔɔŋ 8:15

Ma yie to nuhuobiine wombiiŋ nɛ a dii nɩa sarɩya a joŋ cheeriŋ pʋ. Mɩ-na bɩ nʋʋkala sarɩya ka dii.

Jɔɔŋ 9:25

Baal-la sɩ, “Mɩ-na bɩ jɩŋ dɩ baal-la ŋaa wʋbɔŋ ŋaarʋ koo ʋ bɩ wʋbɔŋ ŋaarʋ ŋaa. Ama wɩɩ-la mɩ-na sɩ jɩma nɛ ŋ-la: Mɩ fa nyʋlɩma nɛ, ama lɛɛlɛ mɩ sɩaa suro nɛ.”

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

2 Kɔrɩntɩ Nɩaa 2:16

Nɩalɩŋ sɩ lɛlɛ teeŋ, tʋlaalɩɩ-la sʋɔraa kpʋba nɛ. Ama nɩalɩŋ Wɩa sɩɩ laa ta teeŋ, tʋlaalɩɩ-la sʋɔra ka pɩba mɩɩsɩŋ nɛ. Kʋbɛɛ nɛ saa maga dɩ ʋ tɩŋ tɩntɩmɩŋ deeŋ?

Ɛfɛsɩs Nɩaa 5:14

Ŋɩɩ wɩaa nɛ tɩɩ ba bʋl, “Ma nɩalɩŋ sɩ pɩŋ doŋ a nagɛ ma sʋba, má sii doŋ lɛ. Kirisito jaŋ chaana hɛ ma lɛ.”

2 Tɛsalonaaka Nɩaa 2:10

Ʋ jaŋ kɛŋ wʋbɔŋ-na kala kaa kɔ a nyɩsɛ nɩalɩŋ sɩ jaŋ lɛl, bɛɛ wɩaa ba vɩa dɩ ba cho wʋtɩtɩɩ nɛ dɩ Wɩa laaba ta.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 Jɔɔŋ 2:11

Ka nɩɩ-la kala sɩ bɛrɛ ʋ dɔŋɔ tɩɩna, ʋ tɩɩna ka vɛŋ birimiŋ tʋɔŋ nɛ. Ʋ bɩ jɩŋ lee-la kala ʋ sɩɩ mʋ. Birimiŋ ŋaa ʋ sɩaa bɩ na.