Jɔɔŋ 9:24 - WƖA TENIŊ

²⁴ Ŋɩɩ nɛ Farisii tɩmma-la bɩra yɩrɛ baal-la ba sɩ lʋla dɩ ʋ nyʋlɩma a bʋl, “La jɩma arɩ baala deeŋ ŋaa wʋbɔŋ ŋaarʋ nɛ. Wɩa sɩpaaŋ bʋl wʋtɩtɩɩ pɩla.”

Jɔɔŋ 9:24 ပူးပေါင်းရင်းမြစ်များ

ƐZƖRA 10:11

Lɛɛlɛ, má dagɛ wɩalɩŋ ma sɩ ŋaa chei a pɩ La TƖƖNA ma naabalɩmaba Wɩa aŋ ŋɩŋaa wɩalɩŋ ʋ sɩɩ chɛ. Má pɔrɛ ma tɩtɩa a lɩɩ nɩalɩŋ sɩ gollima tʋɔŋ arɩ tintee-wogusuŋ toloo-la ma sɩ jaa lɛ.”

AZAAYA 66:5

Ma nɩalɩŋ sɩɩ to La TƖƖNA niiŋ, má jegile nɩɩ wɩɩ-la ʋ sɩ bʋla. La TƖƖNA sɩ, “Ma naambiiri-la sɩ bɛrɛma, a lɩɩsɛma ta a tɩŋ ma sɩɩ to mɩ wɩaa, a sieri ma lɛ a bʋl, ‘Má leŋ dɩ ma TƖƖNA dagɛ ʋ doluŋ a laama ta yei, dɩ la na dɩ ma hɛ sɩma tʋɔŋ,’ hɩɩsɩŋ jaŋ diiba.

Maak 15:27

Gaaraa balɩa ma nɛ ba fa kpaasɛ a pɛ Yesu lɛ. Dɔŋɔ hɛ Yesu nadiiŋ, dɔŋɔ ma hɛ ʋ nagʋa. [

Luuk 15:2

Ŋɩɩ nɛ Farisii tɩŋŋaa arɩ Wɩa teniŋ kerichiba suomo gʋgʋrɩmɛ wɩaa a bʋl, “Baala deeŋ leŋe wʋbɔŋ ŋaaraa kʋkɔ ʋ teeŋ nɛ aŋ pɛ leŋ ʋ dɩ ba kala didii kɩaa.”

Luuk 19:7

Nɩalɩŋ kala sɩ hɛ nɩmɛ a na ŋɩɩ, ba suomo gʋgʋrɩmɛ wɩaa a bʋl, “Baala deeŋ mʋa dɩ ʋ chʋa wʋbɔŋ ŋaarʋ-la dɩa lɛ nɛ.”

Luuk 7:39

Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 16:2

Ba jaŋ kirima ta Wɩɩchʋɔlɛ dɩɩsɩŋ lɛ. Bʋa dɔŋ jaŋ yi dɩ nɩaa kpʋma aŋ bɩɩnɛ baa to Wɩa wombiiŋ nɛ ŋɩɩ.

Jɔɔŋ 18:30

Ŋɩɩ nɛ ba bʋla pʋ, “Dɩ ʋ nɛ fa bɩ wɩɩ ŋaa chei, la fa bɩ jaŋ kɛnʋ kaa kɔ ŋ teeŋ.”

Jɔɔŋ 19:6

Wɩɩsʋllɩ sɩpaalaaraa kʋhɩasɩŋ arɩ nɩalɩŋ sɩɩ pɔ Wɩa dɩɩ-balɩŋ sɩ naʋ, ba kpɩa goŋ a bʋl, “Leŋ dɩ ba kpaasʋ daagɛsɛ nyuŋ, leŋ dɩ ba kpaasʋ daagɛsɛ nyuŋ.” Ŋɩɩ nɛ Paalɩt bʋla pɩba, “Má tɩtɩa kɛnʋ kpaasɛ daagɛsɛ nyuŋ. Mɩ-na bɩ wɩɩ-la ʋ sɩ cheye na.”

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 8:46

Ma kʋbɛɛ nɛ jaŋ wuo dagɛ arɩ mɩ ŋaa wʋbɔŋ? Dɩ mɩ nɩɩ bʋl wʋtɩtɩɩ, bɛɛ nɛ saa tɩɩ ma bɩ mɩ wɩaa laa dii?

Jɔɔŋ 8:49

Ŋɩɩ nɛ Yesu bʋla pɩba, “Jɩŋ-bɔŋ bɩ mɩ kɛnɛ, ama mɩɩ zil mɩ Nyɩmma nɛ, aŋ ka ma-na bɩ mɩ ka zil.

Jɔɔŋ 9:16

Ŋɩɩ nɛ Farisii tɩŋŋaa dɔnsʋŋ bʋl, “Wɩa dee bɩ baala deeŋ tɩma, bɛɛ wɩaa ʋ bɩ la chɛ-wiesii-la kɩsɩŋ lɛ ka to.” Ŋɩɩ nɛ dɔnsʋŋ ma sɩ, “Ɛɛ nɛ nʋʋ sɩ ŋaa wʋbɔŋ ŋaarʋ jaŋ wuo ŋaa wʋmagɩlaa deemba?” Ŋɩɩ nɛ ba kpaa balɩa.

Jɔɔŋ 9:25

Baal-la sɩ, “Mɩ-na bɩ jɩŋ dɩ baal-la ŋaa wʋbɔŋ ŋaarʋ koo ʋ bɩ wʋbɔŋ ŋaarʋ ŋaa. Ama wɩɩ-la mɩ-na sɩ jɩma nɛ ŋ-la: Mɩ fa nyʋlɩma nɛ, ama lɛɛlɛ mɩ sɩaa suro nɛ.”

Rom Tɩŋŋaa 8:3

Wɩalɩŋ Mosis fa sɩ bile bɩ la lɛ wuo pɛ, bɛɛ wɩaa la yaraa bɩ doluŋ kɛnɛ. Ama wɩalɩŋ ba sɩ bɩ wuo ŋaa, Wɩa wuo ŋaaba nɛ. Ba nɛ ŋ-la: Ʋ sɩɩ chɛ ʋ lɩɩsɛ nuhuobiine wʋbɔŋŋɔɔ lɛ, ʋ ta ʋ tɩtɩa Bie nɛ ʋ kʋ tuu. Ʋ yaraa nagɛ la yaraa, dɩ ʋ laa la wʋbɔŋŋɔɔ ta. Ʋ sɩ ŋaa ŋɩɩ, Wɩa lɩɩsɛ wʋbɔŋŋɔɔ doluŋ nuhuobiine lɛ nɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”

Jɔɔŋ Wʋnaalaa 11:13

Bʋa-la tɩtɩa lɛ tinteeŋ faasa zigili. Tabal-la, dɩ ŋ nɛ kaa kpaa leree fii, sɛmɛ dɔŋɔ kala tel a kpʋ nɩaa bʋɩ balɩpɛ. Fawʋllʋŋ kɛŋ nɩkaanaa, ba dɛnnɛ Wɩa sɩ hɛ Wɩa-jaŋ lɛ.