Jɔɔŋ 8:7 - WƖA TENIŊ

⁷ Ka ba ha chɩŋ a pɩpɩɛsɛ wɩaa. Ŋɩɩ nɛ Yesu kɛŋ ʋ nyuŋ wʋl wɩa-nyuŋ a bʋla pɩba, “Ma kʋ-la kala ha sɩ bɩ wʋbɔŋ ŋaa, má leŋ dɩ ʋ laa sɩpaaŋ joŋ tabɩɩŋ a yagɛ haal-la, dɩ kʋkaanaa pɛ.”

Jɔɔŋ 8:7 ပူးပေါင်းရင်းမြစ်များ

NAMAGABA 12:18

Wʋbʋl-tɔɔnʋŋ jʋʋ nɩaa lɛ a nagɛ ba sɩ joŋ sɩaa tɔ nɩa nɛ, ama wʋjɩnna wʋbʋlaa yie leŋ nɩa tʋɔŋ fɩɛla pɩŋ nɛ.

JƐRƖMAAYA 23:29

Mɩ niiŋ wɩaa nagɛ nyiniŋ nɛ, a bɩra nagɛ hama a ŋmoo bʋŋ yɩyɛrɛ muno muno.

Jɔɔŋ 7:46

Ŋɩɩ nɛ ba bʋl, “Nʋʋkala ha bɩ wɩaa bʋla a nagɛ baala deeŋ sɩɩ bʋl ŋɩɩ.”

Jɔɔŋ 8:10

Ŋɩɩ nɛ Yesu kɛŋ ʋ nyuŋ jee a pɩɛsɛ haal-la, “Nɩɩ nɛ nɩalɩŋ hɛ? Nʋʋkala tuo dɩ ʋ yagɩŋ kpʋʋ?”

Jɔɔŋ 8:8

Ŋɩɩ nɛ ʋ bɩra kɛŋ ʋ nyuŋ chugili a bɩra kɛŋ ʋ neniiŋ a tutuuri tinteeŋ.

Koloosi Nɩaa 4:6

Má leŋ dɩ ma wʋbʋlaa kala sɩŋ a kɛŋ bʋbʋɔŋ, dɩ ma wuo jɩŋ ŋɩɩ ma sɩ jaŋ to a chaarɛ nʋʋkala wɩaa sɩaa pʋ.

Jɔɔŋ Wʋnaalaa 1:16

Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 2:16

Ŋɩɩ wɩaa, má bɩrɩma lɩɩ wɩalɩŋ lɛ, dɩ ŋɩɩ dee mɩ jaŋ kɔ lɛɛlɛ a kɛŋ mɩ niiŋ wʋbʋlaa sɩ nagɛ tokobiiŋ, a yuoma.