Jɔɔŋ 8:47 - WƖA TENIŊ

⁴⁷ Nɩɩ-la kala sɩ lɩɩ Wɩa teeŋ yie jegile nɩɩ wɩalɩŋ Wɩa sɩɩ bʋl nɛ. Ma bɩ Wɩa teeŋ lɩa, ŋɩɩ nɛ tɩɩ ma bɩ wɩalɩŋ ʋ sɩɩ bʋl jegile nɩɩ.”

Jɔɔŋ 8:47 ပူးပေါင်းရင်းမြစ်များ

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

Jɔɔŋ 12:48

Wɩalɩŋ mɩ sɩ bʋla pɩma nɛ jaŋ dii tɩɩna sɩ bɩ mɩ wɩaa laa dii sarɩya chɛɛ-la dʋnɩa sɩ jaŋ dɛrɛ.

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 5:25

Wʋtɩtɩɩ nɛ mɩ bʋla pɩpɩma, bʋa-la jaŋ yi, ʋ saa yie ma nɛ, nɩalɩŋ sɩ sʋba jaŋ nɩɩ mɩ-na Wɩa Bie yikoro. Nɩalɩŋ saa sɩ nɩɩ mɩ yikoro, ba jaŋ kɛŋ mɩɩsɩŋ.

Jɔɔŋ 6:65

Ŋɩɩ nɛ Yesu bɩra bʋl, “Wɩɩŋ deeŋ wɩaa nɛ tɩɩ mɩ bʋla pɩma arɩ nʋʋkala bɩ jaŋ wuo kɔ mɩ teeŋ, see dɩ mɩ Nyɩmma pɩ ʋ tɩɩna wombiiŋ.”

Jɔɔŋ 8:37

Mɩ jɩma arɩ ma ŋaa Abɩraham doho nɩaa nɛ, aŋ ka ma chɩchɛ dɩ ma kpʋmɛ, bɛɛ wɩaa wɩalɩŋ mɩ sɩ dagɛma bɩ ma dɩgɩlaa jʋa.

Jɔɔŋ 8:43

Bɛɛ nɛ saa tɩɩ ma bɩ wɩalɩŋ mɩ sɩ bʋla bʋbʋɔŋ jɩŋ? Ma bɩ chɛ dɩ ma jegile nɩɩ wɩalɩŋ mɩ sɩɩ bʋl. Ŋɩɩ nɛ tɩɩ ma bɩ ba bʋbʋɔŋ jɩŋ.

Jɔɔŋ 8:45

Ama a tɩŋ mɩ sɩɩ bʋl wʋtɩtɩɩ wɩaa nɛ ma bɩ mɩ wɩaa laa dii.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.

3 Jɔɔŋ 1:11

Mɩ nandɔŋ choolii, sɩ́ nɩalɩŋ sɩɩ ŋaa wʋbɔŋŋɔɔ chesu. Ama chichesi nɩalɩŋ sɩɩ ŋaa wʋzɔŋŋɔɔ. Nɩɩ-la kala sɩɩ ŋaa wʋzɔŋŋɔɔ ŋaa Wɩa bii nɛ. Nɩɩ-la ma kala sɩɩ ŋaa wʋbɔŋŋɔɔ, ʋ tɩɩna bɩ Wɩa jɩŋ.