Jɔɔŋ 8:44 - WƖA TENIŊ

⁴⁴ Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Jɔɔŋ 8:44 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

1 KUOROO 22:22

La TƖƖNA pɩɛsʋ, ‘Ɛɛ nɛ ŋ jaŋ to?’ Dɩma-la bʋl, ‘Mɩ jaŋ joŋ wʋnyɩɛrɩŋ a hɛ ʋ nɩalɩŋ kala sɩ bʋl wɩaa pʋpʋ niiŋ lɛ.’ La TƖƖNA bɩra bʋl, ‘Mʋ, ŋ jaŋ wuo nyɩsʋ.’ ”

1 IZIRAL TƖŊŊAA NAABARƖŊ 21:1

Bʋa kʋbala lɛ Sɩtaanɩ chɩchɛ dɩ ʋ hɛ wɩaa Iziral tɩŋŋaa lɛ, a yigi Devit hɛ dɩ ʋ dɩɩsɛba.

JOB 1:11

Ama dɩ ŋ nɛ laa kɩaa deemba kala ʋ teeŋ, ʋ jaŋ bʋl wʋbɔŋŋɔɔ a tɩgɛ ŋ lɛ, ʋ bɩ jaŋ kaa faa.”

Matiu 12:34

Ma nuhuobiiŋ basɩŋkpɩaŋ deemba, ɛɛ nɛ ma nɩbɔŋŋɔɔ deemba jaŋ wuo ŋaa a bʋbʋl wʋzɔŋŋɔɔ? Ŋ tʋɔbɩɩnaa sɩ kɛŋ wɩɩ-la, ʋ nɛ ŋ niiŋ bʋbʋl.

Matiu 13:15

bɛɛ wɩaa ba bɩ wʋjɩmɩŋ kɛnɛ Wɩa teeŋ, ba vɩa Wɩa niiŋ wɩaa nɛ. Ba tɔ ba dɩgɩlaa ma nɛ dɩ ba sɩ́ wɩɩkala nɩɩ, a kɛŋ ba sɩaa ma tɔ dɩ ba sɩ́ kʋŋkala na. Dɩ ŋɩɩ dee, ba fa jaŋ nɩna, ba dɩgɩlaa ma fa jaŋ nɩnɩɩ. Ba fa jaŋ jɩŋ wɩaa bʋbʋɔŋ a bɩrɩma kɔ mɩ teeŋ dɩ mɩ vaarɛba.’

Matiu 13:38

Baga-la ma nɛ ŋaa dʋnɩa. Miiri-la ma nɛ ŋaa nɩalɩŋ sɩ jaŋ jʋʋ Wɩa kuorii-la tʋɔŋ. Yaŋ-la ma sɩ nyʋ baga-la lɛ nɛ ŋaa Sɩtaanɩ nɩaa.

Jɔɔŋ 6:70

Ŋɩɩ nɛ Yesu pɩɛsɛba, “Ma nɩaa fii arɩ balɩa dee mɩ lɩɩsɛɛ? Ama ma dɔŋɔ ŋaa dʋndɔŋ nɛ a ŋaa Sɩtaanɩ nʋʋ.”

Jɔɔŋ 7:17

Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Jɔɔŋ 8:38

Mɩ-na yie bʋl wɩalɩŋ mɩ Nyɩmma sɩ dagɛmɛ nɛ, ma ma ŋɩŋaa wɩalɩŋ ma nyɩmma sɩ dagɛma dɩ ma ŋɩŋaa.”

Jɔɔŋ 8:41

Maa ŋaa wɩalɩŋ ma nyɩmma sɩɩ ŋaa nɛ.” Ŋɩɩ nɛ ba bʋl, “La bɩ mɛŋgaa-biiri ŋaa. La kala Nyɩmma ŋaa kʋbala nɛ, ʋ nɛ Wɩa.”

Jɔɔŋ 8:55

Ma bɩ ʋ jɩŋ, ama mɩ-na jɩmʋ nɛ. Dɩ mɩ nɛ jaŋ bʋl arɩ mɩ bɩ ʋ jɩŋ, mɩ jaŋ ŋaa wʋnyɩɛrʋ, arɩ ma sɩ ŋaa wʋnyɩɛra ŋɩɩ. Mɩ saa jɩmʋ nɛ a tuto ʋ niiŋ.

Tɩntɩŋŋaa 13:10

a bʋla pʋ, “Ŋ-na Sɩtaanɩ bie deeŋ, ŋ ŋaa wʋzɔŋ kala dʋndɔŋ nɛ. Ŋŋ nyɩsɛ nɩaa nɛ, a ŋɩŋaa wʋbɔŋŋɔɔ kɩŋkɛŋ. Wɩa wombii-tɩtɩɩba-la ŋ kaa golibi nɛ.

Tɩntɩŋŋaa 24:9

Ŋɩɩ nɛ Juu tɩŋŋaa ma sii pɛ a bʋl dɩ wɩɩ-la kala ʋ sɩ bʋla ŋaa wʋtɩtɩɩ nɛ.

Tɩntɩŋŋaa 5:3

Pɩɩta pɩɛsʋ, “Ananɩas, bɛɛ nɛ tɩɩ ŋ leŋ Sɩtaanɩ nyɩsɩŋ, ŋ joŋ tintee-la ŋ sɩ yalla moribie-la dɔnsʋŋ faa, aŋ nyɩɛ wɩaa pɩ Wɩa Dɩŋ-zɔmʋŋ?

2 Kɔrɩntɩ Nɩaa 11:3

Ama fawʋllʋŋ kɛmmɛ nɛ, dɩ ba sɩ kʋ nyɩsɛma dɩ ma sɩ́ Kirisito to arɩ tʋɔ-bala arɩ wʋtɩtɩɩ. A nagɛ dɩmɩŋ fa sɩ kɛŋ ʋ wʋjɩmɩŋ a nyɩsɛ Hawa ŋɩɩ.

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

2 Pɩɩta 2:4

Bumbuŋ kala nɛ Wɩa tɩndaaraa dɔnsʋŋ fa ŋaa wʋbɔŋŋɔɔ. Ba sɩ ŋaa ŋɩɩ, Wɩa bɩ ba leŋe pɛɩ. Ʋ kɛsɛba a jomba yuo hɛ Wɩa-nyiniŋ tʋɔŋ. Ba kɛŋ chɔrʋmɔɔ vɔɔba a leŋ ba pɩŋ birimiŋ tʋɔŋ. Ba jaŋ hɛ nɩmɛ a kaa mʋ yi tapʋlɩɩ-la Wɩa sɩ jaŋ dii dʋnɩa nɩaa sarɩya.

1 Jɔɔŋ 1:8

Dɩ la nɛ sɩ la bɩ wʋbɔŋŋɔɔ ŋaa, laa nyɩsɛ la tɩtɩa nɛ. La bɩ wʋtɩtɩɩ kɛnɛ.

1 Jɔɔŋ 2:21

Ʋ bɩ naga dɩ mɩ ŋmʋnsa pɩpɩma a tɩŋ ma sɩ bɩ wʋtɩtɩɩ-la jɩŋ nɛ. Ama mɩ ŋmʋnsa pɩpɩma a tɩŋ ma sɩ jɩŋ wʋtɩtɩɩ-la nɛ. Ma jɩma arɩ wʋnyɩɛrɩ tɩɩna bɩ wʋtɩtɩɩ kɛnɛ.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.

1 Jɔɔŋ 3:15

Nɩɩ-la kala sɩ bɛrɛ ʋ dɔŋɔ tɩɩna, ʋ ŋaa nɩkpʋʋrʋ nɛ. Mɩɩsɩ-la sɩ bɩ dɩdɛrɩŋ kɛnɛ, ma jɩma arɩ nɩkpʋʋra bɩ ʋ kɛnɛ.

Juud 1:6

Má sɩ́ yʋ arɩ Wɩa dɔgɩsɛ ʋ tɩndaaraa ma nɛ. Ba fa kɛŋ doluŋ nɛ a bibeŋ leree, ama ba vɩa lere-la ba sɩ hɛ nɛ. Ŋɩɩ nɛ Wɩa kɛmba hɛ chɔrʋmɔɔ a bil birimiŋ tʋɔŋ lim. Ba jaŋ hɛ nɩmɛ a kaa mʋ wuu, see dɩ tapʋlɩɩ-la Wɩa sɩ jaŋ dii nɩaa sarɩya kʋ yi.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 13:14

A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.

Jɔɔŋ Wʋnaalaa 9:11

Wɩa tɩndaarʋ-la fa sɩ kori buotuo-luŋii-la boribiiŋ nɛ fa ŋaa ba kuoro. Juu tɩŋŋaa yikoro lɛ baa yɩrʋ Abadɔŋ nɛ. Giriik tɩŋŋaa ma yikoro lɛ baa yɩrʋ Apɔlɩyɔŋ nɛ.