Jɔɔŋ 8:41 - WƖA TENIŊ

⁴¹ Maa ŋaa wɩalɩŋ ma nyɩmma sɩɩ ŋaa nɛ.” Ŋɩɩ nɛ ba bʋl, “La bɩ mɛŋgaa-biiri ŋaa. La kala Nyɩmma ŋaa kʋbala nɛ, ʋ nɛ Wɩa.”

Jɔɔŋ 8:41 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 4:22

Dɩ ŋ nɛ mʋa, bʋla pɩ Ijipiti tinteeŋ kuoro arɩ La TƖƖNA Wɩa sɩ, ‘Iziral tɩŋŋaa nagɛ mɩ hambolibii bumbuŋ nɛ.

AZAAYA 63:16

Ŋ nɛ la nyɩmma. La naabalɩma, Abɩraham bɩ la jɩŋ, Jekɔb vɩa la ta nɛ. Ŋ nɛ La TƖƖNA arɩ la nyɩmma. Bumbuŋ kala ŋ nɛ la Laataara.

AZAAYA 64:8

La TƖƖNA, ŋ nɛ la nyɩmma, la nagɛ chʋrʋŋ nɛ, ŋ ma nɛ pupo-mɛɛrɛ, ŋ nɛ mɛ la kala.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

HOSIA 1:2

La TƖƖNA sɩ suomo dɩ ʋ to Hosia lɛ a bʋl wɩaa pɩ Iziral tɩŋŋaa, ʋ bʋla pʋ, “Mʋ jaa hachɔrʋmʋŋ dɩ ʋ lʋl mɛŋgaa-biiriŋ, bɛɛ wɩaa ŋɩɩ tɩtɩa nɛ mɩ nɩaa vɩa mɩ-na ba TƖƖNA aŋ kpʋkpaarɛ vʋɩyaa.”

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

MALAKAƖ 2:11

Juda nɩaa bɩ wʋtɩtɩɩ joŋo to La TƖƖNA. Ba ŋaa wʋbɔŋŋɔɔ Jerusalɛm arɩ Iziral tinteeŋ lɛ nɛ. Juda tinteeŋ nɩaa ŋaa disiniŋ hɛ Wɩa dɩa-la ʋ sɩ cho lɛ nɛ. Ba baalaa jaa haalaa sɩ lɩɩ tintee-wogusuŋ nɛ a kpʋkpaarɛ vesiŋ.

Jɔɔŋ 8:38

Mɩ-na yie bʋl wɩalɩŋ mɩ Nyɩmma sɩ dagɛmɛ nɛ, ma ma ŋɩŋaa wɩalɩŋ ma nyɩmma sɩ dagɛma dɩ ma ŋɩŋaa.”

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

MOSIS BƖRA WULLI WƖA WOMBIIŊ 14:1

Ma ŋaa La TƖƖNA Wɩa biiriŋ nɛ. Dɩ nʋʋ nɛ sʋba dɩ ma yiyel ʋ yoho, má sɩ́ ma yaraa kpɛrʋ, a sɩ́ ma tilliŋ ma fʋŋ arɩ nɩaa dɔnsʋŋ sɩɩ ŋaa ŋɩɩ,

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.