Jɔɔŋ 8:32 - WƖA TENIŊ

³² Ma jaŋ jɩŋ wʋtɩtɩɩ. Wʋtɩtɩɩ-la saa jaŋ laama ta dɩ ma tɩɩ ma tɩtɩa.”

Jɔɔŋ 8:32 ပူးပေါင်းရင်းမြစ်များ

WƖA YƖƖLAA 119:45

Mɩ jaŋ gɔllɔ ta jɩa, a tɩŋ mɩ sɩɩ to ŋ wʋdagaa wɩaa.

WƖA YƖƖLAA 25:5

Dagɛmɛ ŋ wʋtɩtɩɩ, bɛɛ wɩaa ŋ nɛ ŋaa mɩ Wɩa, Nɩɩ-la sɩ laamɛ ta. Bʋa na-kala mɩ yɩɛlaa yie hɛ ŋ lɛ nɛ.

NAMAGABA 1:23

Dɩ ma nɛ fa jegile nɩɩ ŋɩɩ mɩ sɩ kpʋrɩsɛ ma dɩgɩlaa, mɩ fa jaŋ suri mɩ tʋɔŋ pɩma, a leŋ dɩ ma jɩŋ mɩ tʋɔbɩɩnaa.

NAMAGABA 1:29

A tɩŋ ma sɩ bɛrɛ wʋjɩmɩŋ wɩaa, a bɩ La Tɩɩna ka fá,

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

AZAAYA 2:3

Nɩ-daŋ jaŋ kɔ a bʋl, “Má kɔ dɩ la jɩl La TƖƖNA peel-la nyuŋ, a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

AZAAYA 30:21

Dɩ ma nɛ yeŋŋi wombiiŋ a mʋ nadiiŋ koo nagʋa, ma jaŋ nɩɩ ʋ yikoro ma harɩŋ dɩ ʋ sɩ, “Má na wombiiŋ, má kʋ lɩɩ to.”

AZAAYA 35:8

Womporuŋ jaŋ pɩŋ nɩmɛ, dɩ ba kɛnʋ yɩyɩrɛ wombii-la sɩ bɩ disiniŋ kɛnɛ. Disiŋ tɩɩna kala bɩ jaŋ vɛŋ ʋ lɛ, see nɩalɩŋ sɩ bɩ disiniŋ kɛnɛ dʋndʋŋa. Nɩyaara-la sɩɩ ŋaa wʋbɔŋŋɔɔ bɩ ʋ lɛ jaŋ vɛŋ.

AZAAYA 54:13

Mɩ-na ŋ TƖƖNA tɩtɩa nɛ jaŋ dagɛ ŋ biiriŋ. Ba jaŋ kɛŋ fɩɛlɩŋ woruŋ.

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

LEVI DOHO NƖAA 25:41

Bʋa-la lɛ dɩ ʋ nɛ kɛŋ biiriŋ, tɩɩna maga dɩ ʋ leŋ ʋ dɩ ʋ biiriŋ kala mɩɩra mʋ ʋ doho nɩaa teeŋ ba tinteeŋ,

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Matiu 11:29

Má laa mɩ chʋga a chʋŋ aŋ gʋnnɛ mɩ teeŋ, bɛɛ wɩaa mɩ kɛŋ mɩ tɩtɩa muuri nɛ, mɩ sɩaa ma fɩɛlɛ. Dɩ ma nɛ ŋaa ŋɩɩ, ma jaŋ na wiese.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 16:13

Ama dɩ Wɩa Dɩŋ-zɔŋ-la nɛ kɔ, ʋ jaŋ dagɛma wʋtɩtɩɩ kala. Ʋ bɩ jaŋ bʋbʋl wɩaa ʋ tɩtɩa doluŋ lɛ, ama wɩalɩŋ kala ʋ sɩ nɩa mɩ Nyɩmma niiŋ lɛ nɛ ʋ jaŋ bʋl. Ʋ jaŋ dagɛma wɩalɩŋ kala sɩ jaŋ ŋaa.

Jɔɔŋ 17:17

Ŋ niiŋ wɩaa ŋaa wʋtɩtɩɩba nɛ. Dagɛba, dɩ ba bɩra sɩ́ disiniŋ kɛŋ.

Jɔɔŋ 6:45

Ba ŋmʋnsɛ ŋ-la nɛ Wɩa wʋlaabʋllaa teniŋ tʋɔŋ. Ba sɩ, ‘Wɩa jaŋ dagɛ nɩaa kala.’ Nʋʋkala sɩ kɛŋ ʋ tɩtɩa hɛ dɔŋɔ dɩ ʋ jegile nɩɩ wɩalɩŋ mɩ Nyɩmma sɩɩ dagʋ a gʋnnɛ ʋ teeŋ, ʋ nɛ jaŋ kɔ mɩ teeŋ.

Jɔɔŋ 7:17

Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Jɔɔŋ 8:36

Dɩ mɩ-na Wɩa Bie nɛ saa laama ta, mɩ sɛnɛ laama ta nɛ dɩ ma tɩɩ ma tɩtɩa.

Rom Tɩŋŋaa 6:22

Ama lɛɛlɛ Wɩa laama ta nɛ wʋbɔŋŋɔɔ nɩsɩŋ lɛ. Ma ŋaa Wɩa yosuŋ nɛ. Ma nyʋʋrʋŋ nɛ, ma bɩra sɩ bɩ disiŋ kala kɛnɛ, ma saa jaŋ kɛŋ mɩɩsɩ-la sɩ bɩ dɛrɛ.

Rom Tɩŋŋaa 8:15

Wɩa bɩ ma ŋaa dɩ ma nagɛ yosuŋ a bɩra fɩfá fawʋllʋŋ, ama ʋ Dɩŋ-zɔŋ-la leŋe ma ŋaa ʋ biiriŋ nɛ. Dɩ la nɩɩ yɩrʋ, la wuo kɛnʋ yɩrɛ “La Nyɩmma.”

Rom Tɩŋŋaa 8:2

La dɩ Yesu Kirisito sɩ ŋaa kʋbala ŋɩɩ, ʋ Dɩŋ-zɔmʋŋ joŋ mɩɩsɩŋ pɩla nɛ. Ʋ laala ta nɛ wʋbɔŋŋɔɔ arɩ sʋʋŋ nɩsɩŋ lɛ.

1 Kɔrɩntɩ Nɩaa 7:22

Yoŋ-na kala La Tɩɩna Kirisito sɩ yɩra, ʋ tɩɩna tɩɩ ʋ tɩtɩa nɛ Kirisito teeŋ. Ŋɩɩ tɩtɩa nɛ nɩɩ-la sɩ tɩɩ ʋ tɩtɩa aŋ ka Kirisito yɩrʋ, ŋaa Kirisito yoŋ nɛ.

Galiisia Nɩaa 5:1

Kirisito laala ta nɛ dɩ la tɩɩ la tɩtɩa. Má saa chɩŋ kpaŋ kpaŋ, a pɔ dɩ nʋʋkala bɩra sɩ́ ma kaa ŋaa yosi.

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

2 Timoti 3:7

Haalaa deemba yie cho wʋfalaa gʋnnʋŋ ama ba bɩ wʋtɩtɩɩ-la wuo jɩŋ.

Jeems 1:25

Ama nɩɩ-la sɩ joŋ ʋ sɩaa hɛ Wɩa wombii-la sɩ chaasa zɔŋ a laa nɩaa tɩta lɛ, a fɩɛsɛ sɩɩŋ tutou, a bɩ wɩalɩŋ ʋ sɩ nɩa yʋa aŋ kɛmba tɩtɩŋ, Wɩa jaŋ pɛ ʋ lɛ wɩalɩŋ kala ʋ sɩɩ ŋaa lɛ.

Jeems 2:12

Dɩ ma nɩɩ bʋl wɩaa aŋ pɛ ŋɩŋaa wɩaa, má liise yi arɩ Wɩa jaŋ to ma wʋbʋlaa arɩ ma wʋŋaalaa lɛ nɛ a dii ma sarɩya. Ʋ jaŋ to wɩalɩŋ lɛ ʋ sɩ leŋe ba ŋmʋnsa bil dɩ nɩaa tuto nɛ a dii ma sarɩya. Wɩaa deemba nɛ laa nɩaa tɩta.

1 Pɩɩta 2:16

Ma tɩɩ ma tɩtɩa nɛ, ŋɩɩ wɩaa má hɔŋ a nagɛ nɩaa sɩ tɩɩ ba tɩtɩa, aŋ sɩ́ leŋe dɩ ŋɩɩ ŋaa dɩ ma ŋaa wʋbɔŋŋɔɔ. Ama má ŋaa wɩalɩŋ sɩ jaŋ dagɛ arɩ ma ŋaa Wɩa tɩntɩnnaa nɛ.

2 Jɔɔŋ 1:1

Mɩ-na Wɩa dɩa nɩhɩaŋ nɛ ŋmʋnsɛ teniŋ deeŋ aa pɩ ŋ-na haal-la Wɩa sɩ lɩɩsa, arɩ ŋ biiriŋ, nɩalɩŋ mɩ sɩ cho woruŋ. Mɩ dʋndʋŋa dee bɩ ma cho, mɩ dɩ nɩalɩŋ kala sɩ jɩŋ wʋtɩtɩɩ-la nɛ choma.