Jɔɔŋ 8:29 - WƖA TENIŊ

²⁹ Nɩɩ-la ma sɩ tɩmmɛ hɛ mɩ teeŋ nɛ, ʋ bɩ mɩ dʋndʋŋa leŋe, bɛɛ wɩaa mɩ yie ŋaa wɩalɩŋ sɩɩ tɔrɛ ʋ tʋɔŋ nɛ.”

Jɔɔŋ 8:29 ပူးပေါင်းရင်းမြစ်များ

AZAAYA 42:1

La TƖƖNA sɩ, “Mɩ tɩntɩnna nɛ ŋ-la, mɩ nɛ leŋe ʋ kɛŋ doluŋ. Ʋ nɛ mɩ lɩɩsɛ mɩ tʋɔŋ tɔrɛ ʋ nyuŋ. Mɩ joŋ mɩ Dɩma a hɛ ʋ lɛ nɛ, dɩ ʋ leŋ dɩ wʋtɩtɩɩ chɩŋ tinteyee kala lɛ.

AZAAYA 42:21

Ʋ ŋaa La TƖƖNA tʋɔtɔrɛ wɩɩ nɛ, ʋ tɩŋ ʋ tʋɔpʋla-la wɩaa a leŋ ʋ wombii-la ʋ sɩ bile dɩ la tuto kɛŋ doluŋ arɩ tʋla.

AZAAYA 42:6

Ʋ sɩ, “Mɩ-na ma TƖƖNA nɛ yɩrɩŋ arɩ tʋɔpʋla. Mɩ jaŋ kɛŋ ŋ nɩsɩŋ lɛ aŋ beŋ ŋ nyuŋ woruŋ. Mɩ jaŋ leŋ dɩ ŋ ŋaa nii mɩ dɩ mɩ nɩaa pɛgɛ, aŋ ŋaa pʋlʋŋ a pɩ tinteyee dɔnsʋŋ ma.

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Matiu 3:15

Ŋɩɩ nɛ Yesu bʋl, “Ŋaa ŋɩɩ mɩ sɩ bʋla pɩŋ. Ŋ-la nɛ la jaŋ wuo to a ŋaa wɩɩ-la kala Wɩa sɩ cho.” Ŋɩɩ nɛ Jɔɔŋ sɛɩ a fou Wɩɩchʋɔlɛ lɩɩŋ.

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Jɔɔŋ 14:31

Ama mɩɩ chɛ dɩ dʋnɩa nɩaa jɩŋ arɩ mɩ cho mɩ Nyɩmma nɛ, ŋɩɩ nɛ tɩɩ mɩ ŋɩŋaa wɩalɩŋ kala ʋ sɩ sɩ dɩ mɩ ŋaa. Má kɔ dɩ la mʋ.”

Jɔɔŋ 15:10

Dɩ ma nɩɩ to mɩ niiŋ wɩaa, mɩ jaŋ choma, arɩ mɩ sɩɩ to mɩ Nyɩmma niiŋ wɩaa a mɛrɛ ʋ lɛ ʋ chomi ŋɩɩ.

Jɔɔŋ 16:32

Bʋa kʋbala jaŋ yi, ʋ saa paala yi nɛ, ma kala jaŋ pɩsɛ a mʋ ma dɩɩsɩŋ, aŋ ka mɩ dʋndʋŋa. Ama saa, mɩ bɩ jaŋ ŋaa mɩ dʋndʋŋ. Mɩ Nyɩmma hɛ mɩ lɛ nɛ.

Jɔɔŋ 17:4

Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 5:30

Ŋɩɩ nɛ Yesu bɩra bʋl, “Mɩ-na bɩ wɩɩkala wuo ŋaa mɩ tɩtɩa doluŋ lɛ. Mɩ yie dii sarɩya arɩ Wɩa sɩ sɩ mɩ dii ŋɩɩ nɛ. Ŋɩɩ wɩaa mɩ sɩ yie dii sarɩya-la ŋɩɩ, ʋ ŋaa wʋtɩtɩɩ nɛ, bɛɛ wɩaa mɩ bɩ chɛ dɩ mɩ ŋaa wɩɩ-la mɩ sɩɩ chɛ, ama wɩɩ-la nɩɩ-la sɩ tɩmmɛ sɩɩ chɛ.

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Jɔɔŋ 8:16

Ama dɩ mɩ nɛ paala dii nʋʋ sarɩya ma, mɩ diiu ʋ bʋa lɛ nɛ, bɛɛ wɩaa mɩ dʋndʋŋa dee, mɩ dɩ mɩ Nyɩmma-la sɩ tɩmmɛ nɛ.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

2 Timoti 4:22

Wɩa jaŋ leŋ dɩ ŋ hɔnʋŋ zɔŋ. Ʋ lahɔrɩmɔ lɛ ʋ jaŋ pɛ ŋ lɛ.

Hiburu TƖŊŊAA 4:15

Yesu bɩ nagɛ Wɩɩsʋllɩ sɩpaalaaraa kʋhɩasɩŋ sɩ bɩ nɩaa nenige ka fá ŋɩɩ. Ʋ nɛ wuo fá la nenige a jɩŋ wɩalɩŋ sɩɩ walɩmɛla, bɛɛ wɩaa ba fa walɩmɛ ʋ ma nɛ. Sɩtaanɩ magɩsʋ nɛ arɩ ʋ sɩ magɩsɛla ŋɩɩ, ama ʋ bɩ wʋbɔŋ kala ŋaa.

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 3:22

Ŋɩɩ wɩaa, dɩ la nɛ sʋl kʋŋ na-kala ʋ teeŋ, ʋ jaŋ joŋo pɩla, bɛɛ wɩaa laa to wɩalɩŋ ʋ sɩ daga nɛ a ŋɩŋaa wɩalɩŋ sɩɩ tɔrɛ ʋ tʋɔŋ.