Jɔɔŋ 8:27 - WƖA TENIŊ

²⁷ Ʋ sɩɩ bʋl ŋɩɩ, nɩalɩŋ fa bɩ jɩŋ arɩ ʋ Nyɩmma wɩaa nɛ ʋ bʋlaa pɩba ŋɩɩ.

Jɔɔŋ 8:27 ပူးပေါင်းရင်းမြစ်များ

AZAAYA 59:10

La nagɛ nyʋlɩma sɩ laarɛ jeeŋ a chɩchɛ wombiiŋ nɛ. La nagɛ nyʋlɩma nɛ, wɩɩhɛyɛ ma la yie gɛrɛ nɛ a titel. Nɩduoruŋ tʋɔŋ, la nagɛ nɩsʋʋnʋŋ nɛ.

AZAAYA 6:9

Ŋɩɩ nɛ ʋ bʋl, “Mʋ bʋla pɩ nɩalɩŋ, ba jaŋ nɩnɩɩ wɩaa aŋ bɩ jaŋ jɩŋ ba bʋbʋɔŋ, a nɩna wɩaa aŋ bɩ jaŋ jɩŋ wɩɩ-la sɩɩ ŋaa.”

Jɔɔŋ 8:26

Mɩ kɛŋ wɩaa yʋgɛ nɛ dɩ mɩ bʋl a tɩgɛ ma lɛ, a wuo to wɩalɩŋ lɛ a joŋ cheeriŋ pɩma. Nɩɩ-la sɩ tɩmmɛ, ʋ sɛnɛ ŋaa wʋtɩtɩɩ Tɩɩna nɛ. Wɩalɩŋ mɩ sɩ nɩa ʋ niiŋ lɛ, ba nɛ mɩ bʋlaa pɩ dʋnɩa nɩaa.”

Jɔɔŋ 8:28

Ŋɩɩ nɛ Yesu bʋla pɩba, “Dɩ ma nɛ kɛŋ mɩ-na Nuhuobiine Bie kpaasɛ daagɛsɛ nyuŋ, ma jaŋ jɩŋ arɩ mɩ nɛ ŋaa Nɩɩ-la mɩ sɩ sɩ mɩ ŋaa. Ŋɩɩ ma lɛ nɛ ma jaŋ to jɩŋ arɩ mɩ bɩ wɩɩkala ŋaa mɩ tɩtɩa doluŋ lɛ, ama mɩ yie bʋl wɩalɩŋ mɩ Nyɩmma sɩ dagɛmɛ nɛ.

Jɔɔŋ 8:43

Bɛɛ nɛ saa tɩɩ ma bɩ wɩalɩŋ mɩ sɩ bʋla bʋbʋɔŋ jɩŋ? Ma bɩ chɛ dɩ ma jegile nɩɩ wɩalɩŋ mɩ sɩɩ bʋl. Ŋɩɩ nɛ tɩɩ ma bɩ ba bʋbʋɔŋ jɩŋ.

Jɔɔŋ 8:47

Nɩɩ-la kala sɩ lɩɩ Wɩa teeŋ yie jegile nɩɩ wɩalɩŋ Wɩa sɩɩ bʋl nɛ. Ma bɩ Wɩa teeŋ lɩa, ŋɩɩ nɛ tɩɩ ma bɩ wɩalɩŋ ʋ sɩɩ bʋl jegile nɩɩ.”