Jɔɔŋ 8:21 - WƖA TENIŊ

²¹ Ŋɩɩ nɛ Yesu bɩra bʋla pɩ nɩalɩŋ, “Mɩ jaŋ viiri, ma jaŋ chɛ mɩ ka, ma saa jaŋ sʋʋ arɩ ma wʋbɔŋŋɔɔ. Lee-la mɩ sɩɩ mʋ, ma bɩ jaŋ wuo mʋ nɩmɛ.”

Jɔɔŋ 8:21 ပူးပေါင်းရင်းမြစ်များ

1 KUOROO 18:10

Ŋ TƖƖNA Wɩa sɩ weye wɩaa, tintee koo kuoru kala lee tuo mɩ nɩhɩaŋ sɩ bɩ nɩaa tɩma ba mʋ chɩchɛŋ. Dɩ tintee koo kuoru kala lee nɩaa nɛ sɩ ba bɩŋ na, ʋ yie leŋ ba ŋmɩɛsɛ nɛ arɩ ba sɛnɛ bɩŋ na,

JOB 20:11

Ʋ bapʋɔsɩ dol-la ʋ fa sɩ kɛnɛ, ʋ jaŋ kɛnʋ mɩɩra jʋʋ hagɩla.

NAMAGABA 11:7

Dɩ nɩbɔmʋŋ nɛ sʋba, ʋ yɩɛlaa ma kala yie sʋʋ nɛ. Wɩalɩŋ kala ʋ sɩɩ yɩɛlʋ dɩ ʋ kɛŋ ʋ doluŋ ŋaa, ba ta nɛ.

NAMAGABA 14:32

Nɩbɔmʋŋ sɩɩ ŋaa wʋbɔmɔ-la nɛ yie yigu lo, ama tʋɔpʋl tɩɩna-na yie na leriŋ nɛ a yuori, a tɩŋ tʋɔpʋl wɩalɩŋ ʋ sɩɩ ŋaa wɩaa.

AZAAYA 65:20

Bii-mulo kala bɩra bɩ jaŋ buuro sʋʋ nɩmɛ dɩ ʋ ha bɩ waa, nɩhɩaŋ kala bɩra bɩ jaŋ kɔ dɩ ʋ sʋba dɩ bʋa-la sɩ maga ʋ sʋʋ nɛ bɩ yie. Dɩ nʋʋ nɛ yi jɩsɩŋ zɔlɔ aŋ sʋʋ, nɩaa jaŋ joŋu arɩ ʋ ŋaa bapʋɔsɩɩ nɛ. Dɩ nʋʋ nɛ bɩ wuo yi jɩsɩŋ zɔlɔ, ŋɩɩ-na ŋmɩaŋ nɛ dii tɩɩna.

Matiu 23:39

Ma bɩra bɩ jaŋ namɛ see bʋa-la lɛ ma sɩ jaŋ chʋɔlɛmɛ a bʋl, ‘Wɩa jaŋ pɛ nɩɩ-la sɩɩ kɔ La Tɩɩna Wɩa yɩrɩŋ lɛ.’ ”

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Jɔɔŋ 12:33

Ʋ sɩ bʋl wɩɩŋ deeŋ, ʋ bʋla dagɛ sʋʋ-la doho ʋ sɩ jaŋ sʋʋ nɛ.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 13:33

Mɩ biiriŋ, mɩ bɩra bɩ jaŋ hɛ ma teeŋ dieni. Ma jaŋ bee chɛmɛ, ama mɩ sɩ bʋl ŋɩɩ a pɩ Juu tɩŋŋaa, mɩ jaŋ bʋl ŋɩɩ a pɩ ma ma. Lee-la mɩ sɩ jaŋ mʋ, ma bɩ jaŋ wuo mʋ nɩmɛ.

Jɔɔŋ 7:34

Ma jaŋ chɛmɛ ka. Lee-la mɩ sɩ jaŋ hɛ, ma bɩ jaŋ wuo mʋ nɩmɛ.”

Jɔɔŋ 7:36

Ʋ sɩ dɩ la jaŋ chɛʋ ka, a bɩra bʋl dɩ la bɩra bɩ jaŋ wuo mʋ lee-la ʋ sɩ jaŋ hɛ. Ʋ sɩ bʋl ŋɩɩ, ʋ bʋbʋɔŋ nɛ bɛɛ?”

Jɔɔŋ 8:24

Mɩ laa sɩpaaŋ bʋla pɩma arɩ ma jaŋ sʋʋ arɩ ma wʋbɔŋŋɔɔ, dɩ ma nɛ bɩ laa dii arɩ mɩ nɛ ŋaa nɩɩ-la mɩ sɩ sɩ mɩ ŋaa.”

Ɛfɛsɩs Nɩaa 2:1

Ma fa naga arɩ ma sʋba nɛ a tɩŋ ma wʋcheelee arɩ ma wʋbɔŋŋɔɔ wɩaa.