Jɔɔŋ 8:2 - WƖA TENIŊ

² Taŋ sɩ pʋla chʋchʋɔ-fɩɛla, ʋ bɩra mɩɩra mʋ a jʋʋ Wɩa dɩɩ-bal-la. Nɩaa kʋ gbaarʋ, ʋ hɔŋ a suomo dɩdagɛba.

Jɔɔŋ 8:2 ပူးပေါင်းရင်းမြစ်များ

TƖƖCHA 9:10

Tɩntɩmɩɩ-la kala ŋ sɩɩ tɩŋ, fɩɛsɛ sɩɩŋ a faasa tɩmʋ. Ʋ bɩ jaŋ dieni ka ŋ mʋ lɛlɛɛ-jaŋ, lee-la nɩaa sɩ bɩ tɩŋ, a bɩ wɩaa ka bɩɩnɛ, a bɩ wʋjɩmɩŋ kɛnɛ, a bɩ wɩaa sɩaa ma jɩŋ.

JƐRƖMAAYA 25:3

Jɩsɩŋ mara arɩ batori sɩ bala, a chɩŋ Amɔŋ nanʋala Josaaya sɩ dii Juda tinteeŋ kuoruŋ ʋ jɩsɩŋ fii arɩ batori lɛ a kaa kɔ jɩnɩŋ, La TƖƖNA bʋl wɩaa pɩmɛ nɛ. Mɩ ma laa bʋla pɩma bʋlɩa bʋlɩa, ama ma bɩ jegile nɩɩ.

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

Matiu 26:55

Ŋɩɩ nɛ Yesu pɩɛsɛ nɩ-daŋ-la, “Mɩ ŋaa wʋcheeru nɛ ma sii kɛŋ tokobiee arɩ toŋguloo a kʋkɔ dɩ ma kɛmmɛɛ? Tapʋlɩɩ kala nɛ mɩ yie hɔŋ Wɩa dɩa lɛ a dɩdagɛ nɩaa, aŋ ka ma bɩ walɩma dɩ ma kɛmmɛ nɩmɛ.

Luuk 21:37

Yesu fa yie hɛ Wɩa dɩɩ-bal-la lɛ wɩɩhɛyɛ arɩ chʋchʋɔŋ kala nɛ a dɩdagɛ nɩaa. Dɩ dɩdaanɩŋ nɛ yie-na kala, ʋ yie mʋ Olif peel-la nyuŋ nɛ a pɩŋ.

Luuk 21:38

Chʋchʋɔ-fɩɛla-na kala saa nɩaa yie mʋ Wɩa dɩɩ-bal-la dɩ ba jegile nɩɩ wɩalɩŋ ʋ sɩɩ bʋl.

Luuk 4:20

Yesu sɩ karɩmɛ teŋ-la dɛrɛ, ʋ kaa tɔ aŋ joŋo pɩ nɩɩ-la sɩɩ bil teŋ-la aŋ tuu hɔŋ. Nɩalɩŋ kala sɩ hɛ Wɩɩchʋɔlɛ dɩa-la lɛ chaarɛ sɩaa a pɛ ʋ lɛ.

Luuk 5:3

Ŋɩɩ nɛ Yesu jʋʋ Saamɔŋ lɩɩŋ daboro aŋ bʋl dɩ ʋ yigu dɩ ʋ jʋʋ lɩɩŋ tʋɔŋ mʋa. Ʋ mʋ yigu. Ŋɩɩ nɛ Yesu hɔŋ lɩɩŋ daboro-la tʋɔŋ aŋ dɩdagɛ nɩ-daŋ-la kala.

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 8:20

Yesu bʋl wɩaa deemba kala bʋa-la lɛ ʋ sɩɩ dagɛ nɩaa Wɩa dɩɩ-bal-la lɛ nɛ, lee-la ba sɩ yie joŋ Wɩɩsʋlʋŋ kɩaa bil. Ka nʋʋkala bɩ ʋ kɛnɛ, bɛɛ wɩaa bʋa-la lɛ ba sɩ jaŋ kɛnʋ ha bɩ yie.

Jɔɔŋ 8:3

Ŋɩɩ nɛ Wɩa teniŋ kerichiba arɩ Farisii tɩŋŋaa kɛŋ haal kʋbala kʋ jʋʋ. Ba kɛŋ haal-la dɩ ʋ pɩŋ nʋʋ bala nɛ. Ba leŋ ʋ chɩŋ ba sɩpaaŋ.

Tɩntɩŋŋaa 5:21

Yesu nanzɔɔba-la sɛɩ. Sɩɩpʋʋraa ba jʋʋ Wɩa dɩɩ-bal-la a suomo dɩdagɛ nɩaa. Ŋɩɩ nɛ Wɩɩsʋllɩ sɩpaalaaraa kʋhɩaŋ arɩ ʋ harɩŋ nɩaa kɔ, a yɩrɛ Juu tɩŋŋaa kʋhɩasɩŋ arɩ nɩalɩŋ sɩ yie hilime vʋvʋʋrɛ wɩaa, ba kala kʋ hilimi aŋ tɩŋ dɩ ba mʋ dɩa-la lɛ ba sɩ tɔ Yesu nanzɔɔba-la a chaarɛba kaa kɔ.