Jɔɔŋ 8:19 - WƖA TENIŊ

¹⁹ Ŋɩɩ nɛ ba pɩɛsʋ, “Nɩɩ nɛ ŋ nyɩmma hɛ?” Yesu bʋl, “Ma bɩ mɩ jɩŋ, ŋɩɩ wɩaa ma bɩ mɩ Nyɩmma ma jɩŋ. Dɩ ma nɛ fa jɩmmɛ, ma fa jaŋ jɩŋ mɩ Nyɩmma ma.”

Jɔɔŋ 8:19 ပူးပေါင်းရင်းမြစ်များ

JƐRƖMAAYA 22:16

Ʋ fa chɩna gbɛrɛ summoo arɩ nɩalɩŋ sɩ bɩ ba tɩtɩa lɛ wuo pɛ nɛ, wɩaa vɛŋ woruŋ a pʋ. Ŋɩɩ nɩa sɩ jaŋ ŋaa a dagɛ arɩ ʋ jɩmmɛ nɛ ŋɩɩ. Mɩ-na ma TƖƖNA nɛ bʋla.

JƐRƖMAAYA 24:7

Mɩ jaŋ pɩba tʋɔ-la sɩ jaŋ leŋ dɩ ba jɩŋ arɩ mɩ nɛ ba TƖƖNA. Ba jaŋ ŋaa mɩ nɩaa, dɩ mɩ ma ŋaa ba Wɩa, bɛɛ wɩaa ba jaŋ mɩɩra kɔ mɩ teeŋ arɩ ba tʋɔŋ kala.

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Jɔɔŋ 1:10

Ʋ fa hɛ dʋnɩa-la lɛ Wɩa sɩ to ʋ lɛ ta nɛ, ama dʋnɩa nɩaa bɩ ʋ jɩŋ.

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 15:21

Ba jaŋ ŋaa wɩaa deemba kala a tɩŋ ma sɩɩ to mɩ harɩŋ wɩaa. Ba sɩ bɩ nɩɩ-la sɩ tɩmmɛ jɩŋ nɛ tɩɩ baa ŋaa ŋɩɩ.

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 7:28

Yesu sɩɩ dagɛ nɩaa Wɩa dɩɩ-bal-la tʋɔŋ ŋɩɩ, ŋɩɩ nɛ ʋ faasa pɩɛsɛ, “Ma sɛnɛ jɩmmɛ nɛ, a jɩŋ lee-la mɩ sɩ lɩaa? Mɩ bɩ mɩ tɩtɩa doluŋ lɛ nɛ kɔ, nʋʋ nɛ tɩmmɛ. Nɩɩ-la ma saa sɩ tɩmmɛ ŋaa wʋtɩtɩɩ Tɩɩna nɛ, ma bɩ ʋ jɩŋ.

1 Kɔrɩntɩ Nɩaa 15:34

Má sii doŋ lɛ aŋ leŋ wʋbɔŋŋɔɔ ŋaanɩŋ. Ma dɔnsʋŋ wʋŋaalaa naga arɩ ma bɩ Wɩa jɩŋ, mɩ bʋl ŋɩɩ dɩ hɩɩsɩŋ kɛmma nɛ.

Galiisia Nɩaa 4:9

Ama lɛɛlɛ ma sɩ jɩŋ Wɩa ŋɩɩ, koo mɩ jaŋ bʋl Wɩa sɩ jɩmma ŋɩɩ, bɛɛ nɛ saa tɩɩ ma cho dɩ ma mɩɩrɛ harɩŋ a mʋ tuto dʋnɩa wʋkɛnɛɛ, wɩalɩŋ sɩ bɩ doluŋ kɛnɛ dɩ ba laama ta? Bɛɛ nɛ tɩɩ ma saa cho dɩ ma bɩra tutoba a bɩrɩmɛ ba yosuŋ?

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

Koloosi Nɩaa 1:15

Kirisito nɛ nagɛ Wɩa nagɩsɩŋ kala kala, Wɩa-la la sɩ bɩ na. Ʋ nɛ ŋaa Wɩa bii-bumbuŋ a kɩɩ kʋŋkala ʋ sɩ ŋaa.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.