Jɔɔŋ 8:17 - WƖA TENIŊ

¹⁷ Wɩalɩŋ Mosis fa sɩ bile dɩ nɩaa tuto daga arɩ nɩaa balɩa nɛ ŋaa pɛ-naaraa wɩɩ lɛ, ʋ ŋaa wʋtɩtɩɩ nɛ.

Jɔɔŋ 8:17 ပူးပေါင်းရင်းမြစ်များ

1 KUOROO 21:10

aŋ lɩɩsɛ wʋnyɩɛraa balɩa sɩ jaŋ wuo chei nɩaa yɩrɩŋ woruŋ dɩ ba hɔŋ a chaasʋ, a nyɩɛ wɩaa pʋ arɩ ʋ tʋʋsɛ Wɩa arɩ kuoro joŋŋoo nɛ. Ka dɩ ma kɛnʋ kaa lɩɩ taŋ-la harɩŋ a yagʋ arɩ tabɩaa dɩ ʋ sʋʋ.”

NAMBABA 35:30

Dɩ nʋʋ nɛ kpʋ ʋ dɔŋ, ʋ maga dɩ nɩaa yi balɩa nɛ a pɛ na arɩ wʋtɩtɩɩ nɛ, ka dɩ ba-na kpʋʋ. Nɩbala dʋndʋŋ bɩ jaŋ wuo na wɩɩ dɩ ba tɩŋ ŋɩɩ wɩaa a kpʋ nʋʋ.

Matiu 18:16

Ama dɩ ʋ nɛ bɩ jegile nɩɩ ŋ teeŋ, kɛŋ nʋʋ dɔŋ koo nɩaa balɩa pɛ ŋ tɩtɩa lɛ dɩ ma bɩra mʋ ʋ teeŋ a bʋl wɩɩ-la ʋ sɩ ŋaa chei a wasɛ. Nɩaa balɩa koo batori nɛ maga ba pɛ na wɩɩ ka dɩ ʋ-na chɩŋ.

Jɔɔŋ 10:34

Ŋɩɩ nɛ Yesu bʋla pɩba, “Wɩa teniŋ tʋɔŋ sɛmɛ dɔŋɔ ba ŋmʋnsa a bʋl dɩ la nagɛ Wɩa nɛ.

Jɔɔŋ 15:25

Ama wɩaa deemba kala ŋaa dɩ wɩalɩŋ kala ba sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ nɛ. Ŋ-la nɛ ba ŋmʋnsɛ, ‘Mɩ bɩ wɩɩkala ŋaa chei, ka ba bɛrɛmɛ.’

2 Kɔrɩntɩ Nɩaa 13:1

Naansɩɩŋ butori nɛ ŋ-la mɩ sɩɩ kɔ ma teeŋ dɩ mɩ nama. Wɩa teniŋ sɩ, “Nɩaa balɩa koo nɩaa batori nɛ jaŋ pɛ na wɩɩ ka dɩ ʋ na chɩŋ.”

Galiisia Nɩaa 3:24

Ŋɩɩ wɩaa wɩalɩŋ Mosis fa sɩ bile nɛ faa pɔla, a kʋ yi bʋa-la lɛ Kirisito sɩ kɔ, dɩ la wuo laaʋ dii a kɛŋ tʋɔpʋla Wɩa sɩpaaŋ.

Galiisia Nɩaa 4:21

Ma nɩalɩŋ sɩ cho dɩ ma haa to wɩalɩŋ Mosis sɩ bile, má leŋ dɩ mɩ pɩɛsɛma na, ma bɩ ba bʋbʋɔŋ jɩŋ?

MOSIS BƖRA WULLI WƖA WOMBIIŊ 17:6

Dɩ nɩaa balɩa koo batori nɛ pɛ na wɩɩ arɩ ʋ ŋaa wʋtɩtɩɩ nɛ, ma jaŋ wuo kpʋ nɩa. Ama ma bɩ jaŋ wuo kpʋ nʋʋ dɩ nɩbala dʋndʋŋ nɛ pɛ na.

MOSIS BƖRA WULLI WƖA WOMBIIŊ 19:15

Dɩ nʋʋ nɛ ba bʋl arɩ ʋ ŋaa wɩɩ nɛ a chei, nɩbala dʋndʋŋ bɩ jaŋ wuo pɛ na arɩ wɩɩ-la ŋaa wʋtɩtɩɩ nɛ. Nɩaa balɩa koo nɩaa batori nɛ jaŋ wuo pɛ na ka dɩ wɩɩ-la na chɩŋ.

Hiburu TƖŊŊAA 10:28

Dɩ nʋʋkala nɛ chei wɩalɩŋ Mosis fa sɩ ŋmʋnsa bil dɩ nɩaa tuto, ka dɩ nɩaa balɩa koo batori hɛ nɩmɛ a ŋaa wɩɩ-la ʋ sɩ ŋaa chei pɛ-naaraa, ba yie kpʋ tɩɩna nɛ. Ba yie bɩ ʋ nenige ka fá.

1 Jɔɔŋ 5:9

Dɩ wɩɩ nɛ ŋaa nʋʋ lɛ dɩ ʋ bʋl wɩɩ-la, la yie sɛɩ nɛ. Ama dɩ Wɩa nɛ bʋl wɩɩ, ʋ nɛ ŋaa sɩɩfɩaŋ a kɩɩ nuhuobiine wʋbʋlʋŋ. Wɩa tɩtɩa nɛ saa bʋl wɩaa a tɩgɛ ʋ Bie lɛ. Wɩalɩŋ kala ʋ sɩ bʋla a tɩgɛ ʋ lɛ ŋaa wʋtɩtɩɩ nɛ.

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”