Jɔɔŋ 8:15 - WƖA TENIŊ

¹⁵ Ma yie to nuhuobiine wombiiŋ nɛ a dii nɩa sarɩya a joŋ cheeriŋ pʋ. Mɩ-na bɩ nʋʋkala sarɩya ka dii.

Jɔɔŋ 8:15 ပူးပေါင်းရင်းမြစ်များ

AMƆS 5:7

Ma yie kɛŋ wʋtɩtɩɩ bɩrɩmɛ wʋnyɩɛrɩŋ nɛ, aŋ gʋrɛ nɩalɩŋ kɩaa sɩ sɩma.

AMƆS 6:12

Janɩŋ ka fá bʋŋ nyuŋ nɛɛ? Ba kɛŋ nɛsɩŋ pɩpɛrɛ mʋgʋ-balɩŋ tʋɔŋ nɛɛ? Ama ma-na kɛŋ wʋtɩtɩɩ bɩrɩmɛ wʋnyɩɛrɩŋ nɛ, aŋ kɛŋ wʋnyɩɛrɩŋ ma bɩrɩmɛ wʋtɩtɩɩ.

HABAKU 1:4

Wɩalɩŋ ba fa sɩ ŋmʋnsa bil dɩ la tuto bɩra bɩ doluŋ kɛnɛ ba ŋaa wʋpɛɩ ba nɛ, wʋtɩtɩɩ bɩra tuo. Nɩbɔŋŋɔɔ nɛ laa leriŋ kala aŋ ŋmoo tʋɔpʋl tɩŋŋaa hɛ pɛgɛ lɛ a pɔ dɩ ba sɩ́ wʋtɩtɩɩ kaa tɩŋ.”

Luuk 12:14

Ŋɩɩ nɛ Yesu bʋla pʋ, “Mɩ nandɔŋ, mɩ tɩntɩmɩɩ dee dɩ mɩ laa ma sarɩya dii pɩma koo dɩ mɩ kɛŋ ma kɩaa kaa kpaama.”

Jɔɔŋ 12:47

Nɩɩ-la kala sɩ nɩɩ mɩ wʋbʋlaa aŋ bɩ baa to, mɩ bɩ ʋ tɩɩna sarɩya ka dii, bɛɛ wɩaa mɩ bɩ kɔ dɩ mɩ dii dʋnɩa nɩaa sarɩya. Mɩ kɔ dɩ mɩ laa dʋnɩa nɩaa ta nɛ.

Jɔɔŋ 18:36

Ŋɩɩ nɛ Yesu bʋl, “Mɩ kuoruŋ tuo dʋnɩa deeŋ lɛ. Dɩ mɩ kuoruŋ nɛ fa hɛ dʋnɩa deeŋ lɛ, mɩ nɩaa fa jaŋ yuo laamɛ dɩ Juu tɩŋŋaa sɩ́ mɩ wuo kɛŋ. Ama mɩ kuoruŋ tuo daha.”

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 7:24

Dɩ nʋʋ nɛ ŋaa wɩɩ, má sɩ́ guu joŋ cheeriŋ pʋ a tɩŋ ma sɩ bɩɩna arɩ ʋ bɩ woruŋ ŋaa wɩaa. Má beŋ wɩɩ-la tʋɔŋ a jɩŋ ʋ wʋtɩtɩɩ, aŋ-na joŋ cheeriŋ pʋ.”

Jɔɔŋ 8:11

Haal-la sɩ dɩ nʋʋkala tuo. Ŋɩɩ nɛ Yesu bʋla pʋ, “Tɔɔ, mɩ ma bɩ jaŋ ŋaaŋ wɩɩkala. Viiri aŋ bɩra sɩ́ wʋbɔŋŋɔɔ ŋaa.”

Rom Tɩŋŋaa 2:1

Ma bɩ woruŋ ka ŋaa ma sɩ joŋ cheeriŋ pɩpɩ ma dɔnsʋŋ tɩŋŋaa, ma nɩalɩŋ sɩɩ bʋl nɩaa teeŋ a bʋl dɩ ba cheye nɛ, aŋ ŋɩŋaa wʋbɔmɔ-la tɩtɩa. Nɩɩ-la-na kala ma sɩ ŋaa, dɩ ma nɩɩ ŋaa wʋbɔmɔ-la, ma bɩra bɩ wɩɩkala kɛnɛ dɩ ma bʋl. Ma sɩɩ ŋaa ŋɩɩ, ma tɩtɩa laa cheeriŋ nɛ ŋɩɩ lɛ.

1 Kɔrɩntɩ Nɩaa 2:15

Nɩɩ-la sɩ kɛŋ Wɩa Dɩŋ-zɔŋ-la nɛ jaŋ wuo chagɩlɛ nʋʋkala a mʋ tɩgɛ wɩɩkala lɛ. Ama nɩɩ-la sɩ bɩ Wɩa Dɩŋ-zɔŋ-la kɛnɛ bɩ jaŋ wuo chagɩlɛ nɩɩ-la sɩ kɛŋ Wɩa Dɩŋ-zɔŋ-la.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

Jeems 2:4

Dɩ ma nɛ ŋaa ŋɩɩ, ma kɛŋ nɩaa pʋpɔrɛ nɛ. Ma daga arɩ nɩaa dɔnsʋŋ nɛ kpɩa dɔnsʋŋ. Ma tʋɔbɩɩŋ bɔmɔ-la nɛ ma kaa ŋɩŋaa ŋɩɩ.

1 SAMƲƐL 16:7

La TƖƖNA bʋla pɩ Samʋɛl, “Sɩ́ ŋɩɩ ʋ sɩ zɔmɔ koo ʋ sɩ waayi lɛ beŋ, ʋ dee mɩ lɩɩsɛ. Mɩ-na ma TƖƖNA bɩ kɩalɩŋ nuhuobiine sɩɩ beŋ nɩɩ beŋ. Nuhuobiine yie beŋ yaraa zɔmʋŋ lɛ nɛ, ka mɩ-na ma TƖƖNA ma bibeŋ tʋɔŋ lɛ.”